ນ​ວັນ​ທີ 9 ກັນຍາ 2022 ນີ້, ໂຮງຮຽນ​ທິດ​ສະ​ດີ​ການເມືອງ​ກອງທັບ ໄດ້​ສຳເລັດ​ການ​ອົບ ຮົມ-ຫັດ​ແອບ​ການ​ການເມືອງ, ການ​ທະຫານ, ພະລາທິການ​ເຕັກນິກ ໂດຍ​ການເປັນ​ປະທານ​ຂອງ ສະຫາຍ ພົນ​ຈັດຕະວາ ​ປອ ຄຳໄພ ຟອງ​ດາລາ ຫົວໜ້າ​ການ​ ທະຫານ ໂຮງຮຽນທິດສະ​ດີ​ການເມືອງກອງທັບ, ມີ​ຄະນະ​ພັກ-ຄະນະ​ອຳນວຍ​ການ, ຄະ ນະ​ຫ້ອງ 4 ຫ້ອງ, ຄະນະ​ວິຊາ​ຄູ, ກອງພັນ​ນັກ​ສຶກ​ສາ ຕະຫຼອດ​ຮອດ​ພະນັກງານ​ຫຼັກ​ແຫຼ່ງ​ເຂົ້າ​ຮ່ວມ.

ສະຫາຍ ພັນ​ເອກ ແສງ​ພອນ ສີ​ດວງ​ຈັນ ຫົວໜ້າຫ້ອງການ-ບໍ ລິຫານ ໄດ້​ໃຫ້​ຮູ້​ວ່າ: ການ​ອົບຮົມ- ຫັດ​ແອບ​ຄັ້ງ​ນີ້​ມີ​ຈຳນວນ​ພົນ​ເຂົ້າ​ຮ່ວມ​ທັງ​ໝົດ 445 ສະຫາຍ, ຍິງ 117 ສະຫາຍ, ຄະນະ​ພັກ-ຄະນະ​ອຳນວຍ​ການ, ພະນັກງານ​ຄູ-ອາ ຈານ ພ້ອມ​ດ້ວຍ​ນັກຮຽນ ໄດ້​ພ້ອມ​ກັນ​ເອົາໃຈໃສ່​ຢ່າງ​ຕັ້ງໜ້າ ໃນ​ການຈັດຕັ້ງ​ປະຕິບັດ​ຂໍ້​ກຳນົດ​ກົດ​ລະບຽບ​ວິ​ໃນ​ຢ່າງ​ເຂັ້ມ​ງວດ, ຍົກ​ສູງ​ທາງ​ດ້ານ​ຄຸນ​ນະ​ພາບ​ທາງ​ດ້ານ​ການເມືອງ-ການ​ທະຫານ ແລະ ພະລາທິການ​ເຕັກນິກ ເປັນ​ບັນຫາ​ສຳຄັນ ພ້ອມ​ທັງ​ປະຕິບັດ​ໄດ້​ບັນດາ​ຂໍ້​ກຳນົດ​ກົດ​ລະບຽບ 7 ລະບອບ 18 ວຽກ​ຂອງ​ກອງທັບ​ກໍ່​ຄື​ຂໍ້​ກຳນົດ​ຂອງ​ໂຮງຮຽນ​ວາງ​ອອກ. ຜ່ານ​ການ​ອົບຮົມ​ຫັດ​ແອບ​ຕົວ​ຈິງ​ສາມາດ​ຕີ​ລາຄາ​ຜົນ​ໄດ້​ຮັບ​ຄື: ພາກ​ການເມືອງ ຂັ້ນ​ເກັ່ງ 285 ສະຫາຍ, ຂັ້ນ​ກາງ 144 ສະຫາຍ, ຄາດໝາຍ 16 ສະຫາຍ, ພາກ​ການ​ທະຫານ​ຂັ້ນ​ເກັ່ງ 264 ສະຫາຍ, ຂັ້ນ​ກາງ 172 ສະຫາຍ, ຄາດໝາຍ 9 ສະຫາຍ ແລະ ພາກ​ພະລາທິການ-ເຕັກນິກ ຂັ້ນ​ເກັ່ງ 272 ສະຫາຍ, ຂັ້ນ​ກາງ 160 ສະຫາຍ, ຄາດໝາຍ 13 ສະ ຫາຍ, ສັງ​ລວມ​ທັງ​ໝົດ​ອົບຮົມ ຂັ້ນ​ເກັ່ງ 274 ສະຫາຍ, ຂັ້ນ​ກາງ 159 ສະ ຫາຍ, ຄາດໝາຍ 12 ສະຫາຍ. ໂອກາດ​ດຽວ​ກັນ​ນີ້​, ຍັງ​ໄດ້​ຜ່ານ​ຂໍ​ຕົກລົງ​ຂອງ​ໂຮງຮຽນ​ທິດ​ສະ​ດີ​ການເມືອງ​ກອງທັບ​ວ່າ​ດ້ວຍ​ການ​ມອບ​ໃບຢັ້ງຢືນ​ຮຽນ​ການ​ທະຫານ​ໃໝ່ ຈຳນວນ 2 ສະຫາຍ.

ໂອກາດ​ນີ້, ສະຫາຍ ພົນ​ຈັດ ຕະວາ ​ປອ ຄຳ​ໄພ ຟອງ​ດາລາ ໄດ້​ສະແດງ​ຄວາມ​ຍ້ອງຍໍ​ຊົມເຊີຍຕໍ່​ຄະນະ​ພັກ-ຄະນະ​ບັນຊາ​ການ, ຕະຫຼອດ​ຮອດ​ພະນັກງານ​ຄູ-ອາ ຈານ ແລະ ນັກຮຽນ ທີ່​ໄດ້​ພ້ອມ​ກັນ​ເອົາໃຈໃສ່​ປະຕິບັດ​ການ​ຮຽນ-ການ​ສອນ ດ້ວຍ​ຜົນສຳເລັດ​ຢ່າງ​ຈົບງາມ, ສາມາດ​ຮັບປະກັນ​ໄດ້​ຄວາມ​ປອດ​ໄພ 100% ພ້ອມ​ທັງ​ໄດ້​ຮຽກຮ້ອງ​ໃຫ້​ບັນດາ​ນັກ​ເຝິກອົບຮົມ​ທຸກ​ສະຫາຍ ຈົ່ງ​ພ້ອມ​ກັນ​ເອົາໃຈໃສ່​ຖື​ເອົາ​ການ​ສຶກ​ສາ​ອົບຮົມ​ການເມືອງ-​ນຳພາ​ແນວ​ຄິດ​ເປັນ​ບັນຫາ​ສຳຄັນ, ພ້ອມ​ກັນ​ນຳ​ເອົາ​ເນື້ອ​ໃນ​ບົດຮຽນ​ອັນສຳຄັນ​ດັ່ງກ່າວ​ທີ່​ຕົນ​ເອງ​ໄດ້​ຮຽນ​ມາ ນຳໄປ​ຈັດ​ຕັ້ງ​ປະຕິບັດ​ໝູນ​ໃຊ້​ເຂົ້າ​ໃນ​ໜ້າທີ່​ວຽກ​ງານ​ຕົວ​ຈິງ​ໃຫ້​ມີ​ປະສິດ​ພາບ​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ.