ແຂວງສະຫວັນນະເຂດ ເປີດບັ້ນສອບເສັງລັດຖະກອນຄູໃໝ່ ປະຈຳປີ 2022 ມີຈຳນວນ 60 ໂຄຕ້າ
ໃນຕອນເຊົ້າວັນທີ 21 ມິ ຖຸນານີ້, ທົ່ວຂະແໜງ ສຶກສາ ທິການ ແລະ ກິລາແຂວງ ສະຫວັນນະເຂດ ໄດ້ເປີດບັ້ນສອບເສັງລັດຖະ ກອນຄູໃໝ່ປະຈໍາປີ 2022 ໂດຍ ການເຂົ້າຮ່ວມເປັນປະທານຂອງ ທ່ານ ນາງ ວຽງແກ້ວ ພົມມະວົງ ຫົວໜ້າກົມຈັດຕັ້ງ-ພະນັກງານ, ກະຊວງສຶກສາທິການ ແລະກິລາ ແລະທ່ານ ປອ ສຸກສົມພອນ ອະ ໂນໄທ ຫົວໜ້າພະແນກສຶກສາ ທິການ ແລະກິລາແຂວງສະຫວັນ ນະເຂດ ພ້ອມຄະນະ, ມີການນໍາ ຂັ້ນເມືອງ, ຫົວໜ້າຫ້ອງການສຶກ ສາທິການ ແລະກິລາ14 ເມືອງ 1 ນະຄອນ, ຄະນະກຳມະການ ທີ່ກ່ຽວຂ້ອງ ແລະຜູ້ເຂົ້າສອບ ເສັງທັງໝົດທົ່ວແຂວງຈຳນວນ 1.145 ຄົນ.
ສຳລັບການສອບເສັງລັດ ຖະກອນຄູໃນປີ້ນີ້ແມ່ນໄດ້ແບ່ງ ການສອບເສັງອອກເປັນ 15 ສູນ, ປະກອບມີ 7 ສາຂາວິຊາຄື: ຄູອະ ນຸບານ, ຄູປະຖົມ, ຄູພາສາລາວ-ວັນນະຄະດີ, ຄູຄະນິດສາດ, ຄູວິ ທະຍາສາດທໍາມະຊາດ, ຄູພາສາ ອັງກິດ, ຄູປະຖົມໂຄງການ ທັງນີ້ກໍ່ ເພື່ອຄັດເລືອກເອົາຜູ້ທີ່ມີຄວາມຮູ້ຄວາມສາມາດ, ມີຄຸນສົມບັດ, ສິນທຳປະຕິວັດ ແລະຄົບຕາມ ມາດຖານເງື່ອນໄຂບັນຈຸສັບ ຊ້ອນເຂົ້າເປັນລັດຖະກອນຄູ ປະຈຳປີ 2022 ຈຳນວນ 60 ໂກຕ້າໃນທົ່ວແຂວງ ໃນນີ້ຈະແບ່ງ ປັນໃຫ້ເທົ່າກັນໃນທົ່ວແຂວງ ຄືເມືອງ-ນະຄອນລະ 4 ໂຄຕ້າ. ການສອບເສັງ ແມ່ນມີທັງພາກປະ ລາໄນ ແລະພາກປະຕິບັດຕົວຈິງ-ສໍາພາດ.
ໂອກາດນີ້, ທ່ານປະທານ ພ້ອມດ້ວຍຄະນະກຳມະການ ກໍ່ໄດ້ ຮ່ວມກັນເປີດຫົວບົດສອບເສັງລັດ ຖະກອນຄູປະຈຳປີ 2022 ຢ່າງ ເປັນທາງການ ພ້ອມທັງເນັ້ນໃຫ້ຜູ້ ສອບເສັງ ຈົ່ງປະຕິບັດຕາມກົດລະ ບຽບທີ່ຄະນະກຳມະການວາງ ອອກຢ່າງເຂັ້ມງວດ.
