ນັກວິທະຍາສາດຈີນໄດ້ຄົ້ນພົບເຊື້ອໄວຣັສຊະນິດໃໝ່ “Laywi” ເປັນຂອງເຊື້ອໄວຣັສ Nipah ມີ 35 ກໍລະນີຢູ່ໃນແຂວງ Shandong ແລະ Henan, ຄິດວ່າມີຕົ້ນກໍາເນີດມາຈາກຫນູຜີ ຍັງບໍ່ທັນມີການຢັ້ງຢືນການລະບາດຈາກຄົນສູ່ຄົນຍັງບໍ່ທັນໄດ້ຮັບການຢືນຢັນ ຂະນະທີ່ແພດເຝົ້າລະວັງແຕ່ບໍ່ໃຫ້ແຕກຕື່ນ.

ວັນທີ 9 ສິງຫານີ້, ເວັບໄຊຂ່າວ Global Times ຂອງທາງການຈີນລາຍງານວ່າ: ຄະນະນັກວິທະຍາສາດຈີນຂອງສະຖາບັນຈຸລະຊີວະວິທະຍາ ແລະ ພະຍາດລະບາດ ໃນປັກກິ່ງ ກັບນັກວິທະຍາສາດໃນສິງກະໂປ ໄດ້ເຜີຍແຜ່ບົດຄວາມທາງການແພດທີ່ພິມ ໃນວາລະສານ New England Journal of Medicine ກ່າວວ່າພວກເຂົາເຈົ້າໄດ້ຄົ້ນພົບເຊື້ອໄວຣັສໃໝ່ທີ່ມີຊື່ວ່າ “Langya henipavirus” ຫຼື “LayV”, ເຊິ່ງເປັນຂອງເຊື້ອໄວຣັສ Nipah. (Henipavirus) ໂດຍການຄົ້ນພົບຜູ້ຕິດເຊື້ອຄັ້ງທໍາອິດໃນແຂວງ Shandong. ໃນໄລຍະກ່ອນເດືອນມັງກອນປີ 2019, ກ່ອນທີ່ຈະພົບເຫັນ 14 ກຸ່ມກໍລະນີ, ເຊິ່ງການຄົ້ນຄວ້າຕ້ອງຢຸດຕິຍ້ອນການລະບາດຂອງພະຍາດໂຄວິດ-19.

(ຄຮິບ)

ລາຍງານຂ່າວກ່າວວ່າ ມາຮອດປະຈຸບັນ, ມີ 35 ຄົນໄດ້ຕິດເຊື້ອຢູ່ແຂວງ Shandong ພາກຕາເວັນອອກ ແລະແຂວງ Henan. ຢ່າງໃດກໍ່ຕາມ, ແພດບໍ່ສາມາດຢືນຢັນການຕິດເຊື້ອຈາກຄົນສູ່ຄົນໄດ້, ແຕ່ບອກວ່າຄົນເຈັບມີປະຫວັດການຕິດຕໍ່ກັບສັດ. ເຊື້ອໄວຣັດດັ່ງກ່າວມີຕົ້ນກຳເນີດມາຈາກ “shrew” ໜູຜີ ສັດທີ່ມີຂະໜາກນ້ອຍ ໂດຍຄົນເຈັບມີອາການບໍ່ຮຸຮແຮງເຊັ່ນ: ໄຂ້, ເມື່ອຍລ້າ, ເບື່ອຢາກອາຫານ, ປວດກ້າມເນື້ອ ແລະ ຍັງບໍ່ພົບເຫັນຜູ້ເສຍຊີວິດ.

ອີງຕາມອົງການອະນາໄມໂລກ (WHO), ສັດທີ່ຕິດເຊື້ອໄວຣັດ Nipah ຈະມີອາການຮ້າຍແຮງ ແລະ ສໍາລັບມະນຸດ ເຊື້ອໄວຣັສມີລະດັບຄວາມປອດໄພທາງຊີວະພາບສູງສຸດ, ມີອັດຕາການຕິດເຊື້ອ ຢູ່ໃນລະດັບ 4 ສູງສຸດ ອັດຕາການເສຍຊີວິດຈາກການຕິດເຊື້ອຢູ່ລະຫວ່າງ 40-75 ສ່ວນຮ້ອຍ ເຊິ່ງເປັນຕົວເລກທີ່ສູງກວ່າໂຣກ coronavirus. ປະຈຸບັນ, ຍັງບໍ່ທັນມີວັກແຊງປ້ອງກັນ ແລະ ບໍ່ມີການປິ່ນປົວທີ່ສະເພາະ ຜູ້ຕິດເຊື້ອແມ່ນໄດ້ຮັບການປິ່ນປົວຕາມອາການ ອົງການອະນາໄມໂລກຈັດປະເພດເຊື້ອໄວຣັສ Nipah ມັນແມ່ນໜຶ່ງໃນກຸ່ມໄວຣັດທີ່ມີໂອກາດສູງທີ່ສຸດທີ່ຈະເປັນພະຍາດລະບາດ.

Wang Linfa, ສາດສະດາຈານຂອງໂຄງການພະຍາດຕິດແປດທີ່ເກີດໃໝ່ ຂອງສະຖາບັນການແພດ Duke-NUS ກ່າວວ່າບໍ່ມີປັດໃຈໃຫ້ຕ້ອງແຕກຕື່ນຕົກໃຈກ່ຽວກັບເຊື້ອໄວຣັສ Layvi ແຕ່ລັກສະນະຂອງເຊື້ອໄວຣັສເມື່ອມັນແຜ່ລາມໄປສູ່ມະນຸດມີຜົນສະທ້ອນທີ່ບໍ່ສາມາດຄາດເດົາໄດ້ ແລະ ເຊື່ອວ່າເຊື້ອໄວຣັສໂຄໂຣນາ ມັນອາດຈະບໍ່ເປັນໄວຣັດຊະນິດສຸດທ້າຍທີ່ເຮັດໃຫ້ເກີດການລະບາດທີ່ຮ້າຍແຮງ ທີ່ເຮັດໃຫ້ມີຜູ້ຕິດເຊື້ອທົ່ວໂລກ ແລະສົ່ ງຜົນກະທົບຕໍ່ວິຖີຊີວິດຂອງປະຊາຊົນ.