ເຊື່ອວ່າຫຼາຍຄົນຕ້ອງເຄີຍລອງ ຫຼື ອາດຈະມັກກິນໝີ່ເຄິ່ງສໍາເລັດຮູບແບບດິບ ແບບທີ່ບໍ່ໄດ້ເອົາໄປຕົ້ມໃສ່ນໍ້າຮ້ອນ ໂດຍການຫັກ ຫຼື ບົດເສັ້ນເປັນຊີ້ນນ້ອຍໆ ປະສົມກັບເຄື່ອງປຸງໃນຊອງ ກິນເປັນເຂົ້າໜົມ ຫຼື ອາຫານກິນຫຼິ້ນ ໄດ້ລົດຊາດທີ່ເຂັ້ມຂຸ້ນ ຖືກໃຈ້ເດັກເປັນຈໍານວນຫຼາຍ ແມ້ແຕ່ຜູ້ໃຫຍ່ບາງຄົນກໍ່ຍັງມັກກິນ.
ແຕ່ເຄີຍສົງໄສກັນບໍ່ວ່າ ເສັ້ນມີ່ທີ່ຜະລິດອອກມາໃຫ້ກິນໃນແບບຂອງການຕົ້ມ ຫຼື ແຊ່ໃນນໍ້າຮ້ອນຈົນເສັ້ນນີ້ມ ຫາກນໍາໄປກິນດິບໆ ກອບໆ ແບບບໍ່ຜ່ານຄວາມຮ້ອນ ຈະສົ່ງຜົນແນວໃດຕໍ່ຮ່າງກາຍແນ່ ແລະ ມີອັນຕະລາຍຫຼື ບໍ່? ມື້ນີ້ແອັດໄປຫາຄໍາຕອບມາໃຫ້ ລອງມາເບິ່ງນໍາກັນ.
ທັ້ງນີ້ທັ້ງນັ້ນ ບາງຄົນອາດເຄີຍໄດ້ຍິນ ຫຼື ເຄີຍອ່ານມາແລ້ວວ່າກິນໝີ່ເຄິ່ງສໍາເລັດຮູບແບບດິບ ຈະດູດນໍ້າຍ່ອຍໃນລໍາໄສ້ ເຮັດໃຫ້ເກີດອາການຂາດນໍ້າ ຈົນເກີດພາວະຊັອກໄດ້.
ໝີ່ເຄີ່ງສໍາເລັດຮູບ ເຮັດມາຈາກແປ້ງ ແລະ ເຮັດໃຫ້ສຸກດ້ວຍນໍ້າຮ້ອນ ກ່ອນຈະນໍາໄປທອດໄປຈືນໃນນໍ້າມັນ ຫຼື ນໍາໄປອົບແຫ້ງ ແລ້ວຈຶ່ງນໍາມາຕົ້ມອີກຮອບ ເມື່ອນໍາມາເຕີມນໍ້າຮ້ອນ ຫຼື ຕົ້ມເສັ້ນໝີ່ຈະດູດນໍ້າ ແລະ ເສັ້ນບານໃນລະດັບໜຶ່ງ ລວມທັງມີຄວາມອ່ອນນຸ່ມ ເໝາະແກ່ການບໍລິໂພກ.
ແນວໃດກໍ່ຕາມ ມີ່ເຄິ່ງສໍາເລັດຮູບ ຫາກນໍາມາກິນດິບ ເມື່ອບໍລິໂພກເຂົ້າໄປໃນຮ່າງກາຍ ກໍ່ຄືກັບການກິນແປ້ງ ຫຼື ເຂົ້າໜົມປັງ ຈຶ່ງບໍ່ສາມາດໄປດູດນໍ້າຍ່ຶຍໃນລໍາໄສ້ ແລະ ເຮັດໃຫ້ຮ່າງກາຍຂາດນໍ້າຢ່າງທີ່ໃຜຫຼາຍຄົນເຂົ້າໃຈ ແຕ່ການກິນມີ່ດິບ ອາດເຮັດໃຫ້ທ້ອງອືດ ທ້ອງເຟີ້ ຈຸກສຽບ ແໜ້ນທ້ອງໄດ້.
ແຕ່ທັ້ງນີ້ທັ້ງນັ້ນ ເຖິງແມ່ນວ່າເສັ້ນມີ່ດິບຈະບໍ່ອັນຕະລາຍເຖິງຂັ້ນເຂົ້າໄປດູດນໍ້າຍ່ອຍໃນບໍາໄສ້ ຫຼື ກະເພາະອາຫານ ແຕ່ສິ່ງທີ່ໜ້າເປັນຫ່ວງຄື ໂດຍທົ່ວໄປມີ່ 1ຊອງ ມີປະລິມານໂຊດຽມທີ່ສູງເຖິງ 50% ຂອງປະລິມານໂຊດຽມທີ່ຮ່າງກາຍຄວນໄດ້ຮັບໃນແຕ່ລະວັນ ໂດຍປະລະມານໂຊດຽມທີ່ແນະນໍາໃຫ້ຮັບປະທານນັ້ນຄື 2.000 ມິລລີກຣາມຕໍ່ວັນ ຫາກກິນຫຼາຍເກີນໄປ ຈະເຮັດໃຫ້ເກີດອາການກະຫາຍນໍ້າ ແລະ ເພີ່ມຄວາມສ່ຽງຕໍ່ການເປັນໂລກໄຕ, ຄວາມດັນໂລຫິດສູງ ແລະ ໂລກຫົວໃຈໄດ້ ດັ່ງນັ້ນບໍ່ຄວນບໍລິໂພກໝີ່ເຄີ່ງສໍາເລັດຮູບເກີນມື້ລະ 2ຫໍ່.
ນອກຈາກນີ້ ການກິນມີ່ເປັນປະຈໍາທຸກມື້ອາດເຮັດໃຫ້ຮ່າງກາຍໄດ້ຮັບສານອາຫານທີ່ບໍ່ພຽງພໍ ເພາະມີ່ມີສ່ວນປະກອບຂອງອາຫານບໍ່ພຽງເທົ່າໃດຊະນິດເທົ່ານັ້ນ ສ່ວນຫຼາຍມັກເຮັດມາຈາກແປ້ງສາລີ ດັ່ງນັ້ນ ຄວນເຕີມເນື້ອສັດ, ຜັກ ແລະ ໄຂ່ລົງໄປນໍາ.
ງ
