ວຽກງານພົວພັນຕ່າງປະເທດ ແມ່ນເສນາທິການສຳຄັນໃນການພົວພັນສອງກອງທັບລາວ-ຫວຽດນາມ

ໃນບັນຍາກາດທີ່ທົ່ວພັກ ທົ່ວລັດ ທົ່ວປວງຊົນສອງຊາດ ແລະ ທົ່ວກໍາລັງປະກອບອາວຸດລາວ – ຫວຽດນາມ ພວມຈັດຕັ້ງສະເຫຼີມສະຫຼອງປີສາມັກຄີມິດຕະພາບລາວ-ຫວຽດນາມ ປີ 2022 ຄື: ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ ( 5 ກັນຍາ 1962 – 5 ກັນຍາ ( 2022 ) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືຮອບດ້ານຄົບຮອບ 45 ປີ ( 18 ກໍລະກົດ 1977 – 18 ກໍລະກົດ 2022 )

ສະຫາຍ ພົນຈັດຕະວາ ແກ່ນຈັນ ນັນທະລັງສີ ຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດ ແຫ່ງ ສປປ ລາວ ໄດ້ກ່າວວ່າ: ການພົວພັນມິດຕະພາບອັນຍິ່ງໃຫ່ຍ, ຄວາມສາມະຄີພິເສດ ແລະ ການຮ່ວມມືຮອບດ້ານ ລະຫວ່າງສອງຊາດລາວ-ຫວຽດນາມ ໂດຍປະທານໂຮຈິມິນ, ຜູ້ນຳທີ່ຍິ່ງໃຫ່ຍ, ປະທານສຸພານຸວົງ ແລະ ປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ ເປັນຜູ້ສ້າງຕັ້ງຖະນຸຖະໜອມ ແລະ ໄດ້ຮັບການເພີ່ມພູນຄູນສ້າງຈາກແຕ່ລະຮຸ້ນຄົນສືບຕໍ່ກັນມາ ແລະ ໄດ້ກາຍເປັນຊັບສົມບັດອັນລໍ້າຄ່າຂອງສອງພັກ, ສອງລັດ ແລະ ປະຊາຊົນສອງຊາດ ເຊິ່ງເປັນປັດໄຈທີ່ສໍາຄັນໃນການຮັບປະກັນການຄົງຕົວ ແລະ ການຂະຫຍາຍຕົວຂອງສອງປະເທດ. ລາວ ແລະ ຫວຽດນາມ ຍາມໃດກໍ່ໄດ້ໃຫ້ການສະໜັບສະໜູນຊ່ວຍເຫຼືອເຊິ່ງກັນ ແລະ ກັນຢ່າງໝົດຈິດໝົດໃຈ ແລະ ມີປະສິດທິຜົນຕະຫຼອດມາ ບໍ່ວ່າໄລຍະຕໍ່ສູ້ຍາດເອົາເອກະລາດແຫ່ງຊາດໃນເມື່ອກ່ອນກໍ່ຄືໃນພາລະກິດ ແຫ່ງການສ້າງສາ ແລະ ພັດທະນາປະເທດຊາດໃນປະຈຸບັນ, ບົນພື້ນຖານເສີມຂະຫຍາຍນໍ້າໃຈເອກະລາດ,ເປັນເຈົ້າຕົນເອງຮ່ວມມືແບບສະເໝີພາບ ແລະ ມີຜົນປະໂຫຍດຮ່ວມກັນ, ປະສານສົມທົບລັກສະນະພິເສດຂອງການພົວພັນລາວ-ຫວຽດນາມ ຢ່າງເໝາະສົມກັບປະເພນີສາກົນ, ສອງຝ່າຍຍາມໃດກໍ່ລ້ວນແຕ່ ໃຫ້ບູລິມະສິດພິເສດຕໍ່ກັບການຊ່ວຍເຫຼືອ ແລະ ສ້າງເງື່ອນໄຂສະດວກໃນກາພັດທະນາສອງ ປະເທດໃຫ້ຈະເລີນກ້າວໜ້າເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ໃນພາກພື້ນ ແລະ ສາກົນ.

 

ເພື່ອສືບຕໍ່ຮັບປະກັນໃຫ້ແກ່ການປັບປຸງ ແລະ ພັດທະນາຄວາມສາມັກຄີດັ່ງກ່າວໃຫ້ ນັບມື້ເຂົ້າສູ່ລວງເລິກຢ່າງເປັນຮູບປະທໍາ ໃນທຸກຂົງເຂດວຽກງານ, ພິເສດໃນສະພາບທີ່ສອງປະເທດເຮົາໄດ້ຮັບຜົນກະທົບຈາກການລະບາດຂອງເຊື້ອພະຍາດໂຄວິດ 19; ສອງຊາດລາວ-ຫວຽດນາມ ກໍ່ໄດ້ໃຫ້ການຊ່ວຍເຫຼືອເຊິ່ງກັນ ແລະ ກັນ, ລວມທັງດ້ານວັດຖຸ ແລະ ຈິດໃຈຢ່າງທັນເວລາ ເຊິ່ງເປັນການສະແດງໃຫ້ເຫັນເຖິງມູນເຊື້ອແບ່ງທຸກແບ່ງສຸກ (ເຂົ້າເມັດຫັກ ຜັກເສັ້ນໜຶ່ງ ກໍ່ບິແບ່ງປັນກັນ) ເພື່ອສືບທອດ ແລະ ຜັນຂະຫຍາຍມູນເຊື້ອອັນລໍ້າຄ່ານັ້ນການຮ່ວມມືຮອບດ້ານລະຫວ່າງ ສອງຊາດສາມາດຍາດໄດ້ຜົນສຳເລັດຫຼາຍດ້ານ, ເນື້ອໃນການຮ່ວມມືນັບມື້ນັບກ້າວເຂົ້າສູ່ຮູບປະທຳ, ມີຄຸນນະພາບ ແລະ ມີໝາກມີຜົນ ເປັນຕົ້ນການພົວພັນດ້ານການເມືອງ, ດ້ານເສດຖະກິດ, ປ້ອງກັນຊາດ-ປ້ອງກັນຄວາມສະຫງົບ, ການຕ່າງປະເທດ, ການກໍ່ສ້າງ ແລະ ບຳລຸງພະນັກງານລະຫວ່າງ ບັນດາກະຊວງ, ຂະແໜງການທ້ອງຖິ່ນນັບມື້ນັບໄດ້ຮັບການເປີດກ້ວາງ ແລະ ມີໝາກຜົນດີ. ໃນພາລະກິດກໍ່ສ້າງ ແລະ ປົກປັກຮັກສາປະເທດຊາດໃນປະຈຸບັນການພົວພັນລະຫວ່າງ ສອງພັກ, ສອງລັດ ແລະ ສອງກອງທັບ ກໍ່ຍັງຖືເປັນປັດໃຈສຳຄັນໃຫ້ແກ່ຄວາມສະຫງົບທາງການເມືອງ ແລະ ການພັດທະນາເສດຖະກິດຂອງແຕ່ລະປະເທດ. ບົນພື້ນຖານຄວາມຮັບຮູ້ອັນຖືກຕ້ອງກ່ຽວກັບຄວາມສໍາຄັນການຮ່ວມສຳພັນສູ້ຮົບລະຫວ່າງສອງພັກ, ສອງລັດ ແລະ ສອງ ກອງທັບ ໃນຊຸມປີຜ່ານມາກອງທັບ ປະຊາຊົນສອງຊາດໄດ້ຕໍ່ສູ້ຄຽງບ່າຄຽງໄລ່ໃນການປັບປຸງ ແລະ ການກໍ່ສ້າງກໍາລັງປະກອບອາວຸດ, ປົກປັກຮັກສາອຳນາດອະທິປະໄຕຂອງແຕ່ລະປະເທດ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ສ້າງໄດ້ຄວາມສະຫງົບທາງດ້ານການເມືອງ ມີຄວາມເປັນເອກະພາບທາງດ້ານແນວທາງ, ແຜນນະໂຍບາຍຂອງພັກ, ລັດ ແລະ ກອງທັບຂອງສອງປະເທດ ສະແດງອອກໃນການຕີລາຄາສະພາບການ, ກໍານົດໜ້າທີ່ ໃນບັນດາແຜນການ ປະສານສົມທົບໃນການປະຕິບັດ ລະຫວ່າງ ກອງທັບລາວ- ຫວຽດນາມ ບັນດາຜົນສຳເລັດທີ່ຍາດມາໄດ້ ຂອງສອງກອງທັບໃນຊຸມປີຜ່ານມາ ເປັນການປະກອບສ່ວນອັນສໍາຄັນໃນການເສີມຂະຫຍາຍການພົວພັນແບບພິເສດໃຫ້ນັບມື້ນັບຂະຫຍາຍຕົວ ຂຶ້ນເລື້ອຍໆ.

 

ສໍາລັບການຮ່ວມມື ໂຄງການຊ່ວຍເຫຼືອລ້າໃນໄລຍະທີ່ຜ່ານມາ ກະຊວງປ້ອງກັນປະເທດ ຫວຽດນາມ ກໍ່ໄດ້ໃຫ້ການຊ່ວຍເຫຼືອລ້າຫຼາຍໂຄງການທີ່ພົ້ນເດັ່ນ ແລະ ເປັນຮູບປະທຳເຊັ່ນ : ໂຄງການກໍ່ສ້າງຕຶກຫ້ອງຮຽນ 5 ຊັ້ນ ໃຫ້ແກ່ວິທະຍາຄານປ້ອງກັນຊາດໄກສອນ ພົມວິຫານ, ໂຄງການກໍ່ສ້າງຕຶກກອງສິລະປະກອນກອງທັບ, ການກໍ່ສ້າງສ້ອມແປງຫໍພິພິທະພັນປະຫວັດສາດກອງທັບ, ການກໍ່ສ້າງໂຮງຮຽນທິດສະດີການເມືອງກອງທັບໄລຍະທີ 1ແລະ 2, ການກໍ່ສ້າງໂຮງຮຽນທະຫານຊາຍແດນໄລຍະທີ 1 ແລະ 2, ການກໍ່ສ້າງໂຮງຮຽນວັດທະນະທຳຊົນເຜົ່າກອງທັບ, ການກໍ່ສ້າງກອງພັນເຄື່ອນທີ່ໄວ, ການກໍ່ສ້າງກອງຮ້ອຍທະຫານຊາຍແດນ 320, ການກໍ່ສ້າງສ້ອມແປງກົມກອງຈຳນວນໜຶ່ງຢູ່ທາງພາກກາງ, ພາກໃຕ້ຂອງລາວ ແລະ ໂຄງການສ້ອມແປງພາຫະນະການທະຫານ ລວມມູນຄ່າຫຼາຍຕື້ດົ້ງ. ສັງລວມແລ້ວ, ການພົວພັນຮ່ວມມືຂອງສອງກະຊວງປ້ອງກັນປະເທດລາວ-ຫວຽດນາມ ແມ່ນນັບມື້ໄດ້ກ້າວເຂົ້າສູ່ລວງກ້ວາງ ແລະ ລວງເລິກ, ມີປະສິດທິພາບ ແລະ ມີໝາກຜົນຢ່າງຈົບງາມເປັນການປະກອບສ່ວນເຂົ້າໃນການພັດທະນາກອງທັບປະຊາຊົນລາວ ໃຫ້ນັບມື້ ມີແບບແຜນ ແລະ ທັນສະໄໝເທື່ອລະກ້າວ

ສະຫາຍ ພົນຈັດຕະວາ ແກ່ນຈັນ ນັນທະລັງສີ ໄດ້ຕາງໜ້າໃຫ້ ກົມພົວພັນຕ່າງປະເທດ ກະຊວງປ້ອງກັນປະເທດ ແຫ່ງ ສປປ ລາວ ຂໍສະແດງຄວາມຂອບໃຈ ແລະ ສະແດງຄວາມຮູ້ບຸນຄຸນຢ່າງສູງຕໍ່ການນໍາພັກ-ລັດ ກໍ່ຄື ການນໍາກະຊວງປ້ອງກັນປະເທດຫວຽດນາມ ທີ່ໄດ້ໃຫ້ການສະໜັບສະໜູນຊ່ວຍເຫຼືອໃຫ້ແກ່ ກອງທັບປະຊາຊົນລາວຕະຫຼອດໄລຍະຜ່ານມາ, ເນື່ອງໃນໂອກາດປີສາມະຄີມິດຕະພາບລາວ-ຫວຽດນາມ ປີ 2022 ນີ້, ຂໍອວຍພອນໄຊອັນປະເສີດມາຍັງການນຳຂອງສອງພັກ, ສອງລັດ ແລະ ການນຳຂອງສອງກະຊວງປ້ອງກັນປະເທດລາວ-ຫວຽດນາມ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສໍາເລັດໃນໜ້າທີ່ອັນສູງສົ່ງຂອງຕົນ, ອວຍພອນນໍ້າໃຈມິດຕະພາບອັນຍິ່ງໃຫ່ຍ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ, ສອງກອງທັບ ແລະ ປະຊາຊົນສອງຊາດ ລາວ-ຫວຽດນາມ ຈົ່ງໝັ້ນຄົງທະນົງແກ່ນຊົ່ວກາລະນານ.

ໂດຍ: ອານຸສອນ

Related Posts

ວິທະຍາຄານ​ພະລາທິການ​ກອງທັບ ໄຂ​ສົກຮຽນ​ໃໝ່ 2022-2023

ວິທະຍາຄານ​ພະລາທິການ​ ກອງທັບ ໄດ້​ຈັດ​ພິທີ​ໄຂ​ສົກຮຽນ​ໃໝ່ 2022-2023 ຂື້ນ​ໃນ​ວັນ​ທີ 29 ກັນຍາ 2022 ນີ້, ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ສະຫາຍ ພົນ​ຕີ ວົງ​ຄຳ ພົມ​ມະກອນ ຮອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ, ມີ​ຕາງໜ້າ 4 ກົມ​ໃຫຍ່, ຫ້ອງ​ວ່າການ​ກະຊວງ​ປ້ອງ​ກັນ​ປະເທດ, ກະຊວງ​ປ້ອງ​ກັນ​ຄວາມ​ສະຫງົບ, ມະຫາວິທະຍາໄລ​ແຫ່ງ​ຊາດ, ບັນດາ​ວິທະຍາຄານ​ກອງທັບ, ວິທະຍາຄານ​ປ້ອງ​ກັນ​ຄວາມ​ສະຫງົບ, ໂຮງຮຽນ, ຄະ ນະ​ພັກ-ຄະນະ​ອຳນວຍ​ການ ພ້ອມ​ດ້ວຍ​ພະນັກງານ​ຄູ-ອາຈານ, ນັກ​ສຶກ​ສາ…

ລັດຖະມົນຕີກະຊວງການເງິນ ພົບປະກັບເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ

ໃນວັນທີ 08 ກັນຍາ 2022 ທີ່ກະຊວງການເງິນ ທ່ານ ບຸນໂຈມ ອຸບົນປະເສີດ ລັດຖະມົນຕີ ກະຊວງການເງິນ ພົບປະກັບ ທ່ານ ຫງວຽນ ບ໋າ ຮຸ່ງ ເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ແລະ ທ່ານ ເຈິນ ແທັງ ຫາຍ (…

Leave a Reply

Your email address will not be published.