ມະຫາວິທະຍາໄລແຫ່ງຊາດ ໄດ້ໃຫ້ຮູ້ວ່າ: ການຈັດຕັ້ງປະຕິບັດການລົງທະບຽນເພື່ອຮັບສະໝັກສອບເສັງຄັດເລືອກເອົານັກສຶກສາເຂົ້າຮຽນ ທີ່ໄດ້ປະຕິບັດການລົງທະບຽນແບບອອນລາຍມາໄລຍະໜຶ່ງ ແລະໄດ້ພັກເນື່ອງຈາກການລະບາດຂອງພະຍາດໂຄວິດ-19 ແລ້ວນັ້ນ

ໃຫ້ນັກສຶກສາ ເອົາເອກະສານມາສະເໜີ ແລະຮັບບັດອະນຸຍາດເຂົ້າຫ້ອງສອບເສັງຈາກການລົງອອນລາຍ (Online) ເລີ່ມວັນທີ 14 ກັນຍາ ໄປຈົນເຖິງວັນທີ 22 ກັນຍາ 2021

ເຊິ່ງເພິ່ນໄດ້ກຳນົດເອົາວັນສອບເສັງຄັດເລືອກເອົານັກສຶກສາເຂົ້າຮຽນ ທີ່ມະຫາວິທະຍາໄລແຫ່ງຊາດແມ່ນວັນທີ 25 ກັນຍາ 2021 ນີ້, ສາມາດເບິ່ງລາຍຊື່ກ່ອນມື້ເສັງ 1 ມື້ ແລະໃຫ້ນັກສຶກສາທີ່ມາສອບເສັງ ໃຫ້ໃສ່ຜ້າປິດປາກ-ດັງ, ເວັ້ນໄລຍະຫ່າງ 1 ແມັດ