ສູດຢາຮັກສາໂລກກະເພາະ ລຳໄສ້ອັກເສບ ຊຳເຮື້ອ ຈາກພືດທຳມະຊາດ ລອງເຮັດເບິ່ງເດີ້

ກະເພາະລໍາໄສ້ ຫຼື ເອີ້ນອີກຢ່າງໜຶ່ງວ່າ ລໍາໄສ້ອັກເສບ ເປັນພະຍາດທີ່ເກີດຈາກການລະຄາຍເຄືອງບໍລິເວນພາຍໃນກະເພາະອາຫານ ຊຶ່ງສາມາດເກີດຂຶ້ນໄດ້ໃນເວລາທີ່ສັ້ນ ໂດຍຈະມີອາການເຈັບຫຼາຍໆຄັ້ງເປັນໄລຍະເວລາດົນຈົນເກີດການອັກເສບຊໍຳເຮື້ອ ເຮັດໃຫ້ເກີດມີບາດແຜໃນກະເພາະລໍາໄສ້ ລວມໄປເຖິງຄວາມສ່ຽງຕໍ່ການເປັນພະຍາດມະເຮັງກະເພາະອາຫານໄດ້ ຊຶ່ງຕາມການຮັກສາໂດຍວິທີພື້ນເມືອງແລ້ວ ໄດ້ນຳໃຊ້ພືດຊະນິດຕ່າງໆເພື່ອປິ່ນປົວໃນເບື້ອງຕົ້ນ ເຊັ່ນ:

ປໍແດງ: ເປືອກຫຸ້ມແກ່ນຂອງປໍແດງມີສັບພະຄຸນຊ່ວຍແກ້ອາການຂາດນ້ຳ ແລະ ແກ້ລຳໄສ້ອັກເສບ ແລະ ໝາກຍັງສາມາດແກ້ອາການຖອກທ້ອງ, ຮັກສາແຜໃນກະເພາະ ແລະ ລຳໄສ້ໄດ້ດີ.

ຜັກຖ່ອນ: ຕົ້ນຜັກຖ່ອນມີສັບພະຄຸນທາງດ້ານການຢາໂດຍສະເພາະຮັກສາໂລກກະເພາະ ຫຼື ພະຍາດທີ່ກ່ຽວກັບການຖືພາຂອງຜູ້ຍິງ ເປັນຢາຕ້ານກັບໂລກມະເຮັງ.

ເຍົາແດງ: ໂດຍໃຊ້ຮາກຂອງຕົ້ນເຍົາແດງໄປຕົ້ມດື່ມເປັນຢາຮັກສາລໍາໄສ້ໄດ້ດີ ແລະ ຊ່ວຍຍ່ອຍອາຫານ.

ສະຕໍເບີລີ້ປ່າ: ໃບ ແລະ ກ້ານຂອງຕົ້ນສະຕໍເບີລີ້ປ່າ ນອກຈາກຈະເປັນຢາດັບພິດຮ້ອນຖອນພິດໄຂ້ແລ້ວຍັງມີສັບພະຄຸນເປັນຢາດີກະເພາະເປັນແຜໂດຍການຄັ້ນເອົານ້ຳ 1 ແກ້ວແລ້ວນຳໄປຕົ້ມໃຫ້ເຫຼືອເຄິ່ງແກ້ວດື່ມ.

ຕົ້ນເບັນໂຄກ: ໃບຂອງຕົ້ນເບັນໂຄກນອກຈາກຈະເປັນຢາຫຼຸດໄຂ້, ໃບທຽນສົດ ຫຼື ແຫ້ງນຳມາຕົ້ມເອົານ້ຳບ້ວນປາກ ແລະ ຄໍຊ່ວຍແກ້ອາການເຈັບຄໍໄດ້, ດືື່ມແກ້ອາການຖອກທ້ອງໄດ້ດີໃນເດັກນ້ອຍໄດ້ດີແລ້ວຍັງສາມາດແກ້ອາການເຈັບທ້ອງ, ແກ້ບິດ ແລະ ກະເພາະອາຫານຜິດປົກກະຕິອີກດ້ວຍ.

ທີ່ມາ: ພາເຂົ້າລາວ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ