ດ່ວນໆ…! ຫຼວງພະບາງ ສັ່ງໂຈະການເປີດ ສົກຮຽນໃໝ່

ຫົວຫນ້າພະແນກສຶກສາທິການ ແລະ ກິລາແຂວງຫຼວງພະບາງ ຖືເປັນກຽດແຈ້ງການມາຍັງທ່ານ ພ້ອມກັນ ສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການແກ້ໄຂການລະບາດຂອງພະຍາດໂຄວິດ-19 ຢູ່ໃນຂະແຫນງການສຶກສາ ແລະ ກິລາ ດັ່ງນີ້:

1. ສໍາລັບການເປີດສົກຮຽນໃຫມ່ ໃນວັນທີ 1 ກັນຍາ 2021 ໃນທຸກຊັ້ນ ທຸກສາຍ ແລະ ທຸກຂັ້ນຊຽນ ທັງພາກລັດ ແລະ ເອກະຊົນ ແມ່ນໃຫ້ເລື່ອນໄປກ່ອນຈົນກວ່າຈະມີແຈ້ງການສະບັບໃຫມ່

2. ໃຫ້ຜູ້ບໍລິຫານ, ພະນັກງານ, ຄູ-ອາຈານ ສືບຕໍ່ໄປຮັບການສັກວັກຊົນກັນພະຍາດໂຄວິດ-19 ໃຫ້ຄົບຕາມລະບຽບການທີ່ໄດ້ກໍານົດ

3. ບໍ່ອະນຸຍາດໃຫ້ຫ້ອງການສຶກສາທິການ ແລະ ກີລາເມືອງ/ນະຄອນ, ໂຮງຮຽນຈັດກອງປະຊຸມ, ສໍາມະນາ, ປາຖະກະຖາ, ້ ຝຶກອົບຮົມວຽກງານການສຶກສາຕ່າງໆ

4. ສໍາລັບໂຣງຣຽນກິນນອນຊົນເຜົ່ານໍ້າບາກ, ຊົນເຜົ່າສວນຫຼວງ, ມສ ເດັກກໍານໍາ, ມສ ສັນຕິພາບ(ຫ້ອງພອນສະຫວັນ).
ມສ ປ້ອງຄໍາ, ການສຶກສາພິເສດ ແລະ ໂຮງຮຽນແຫ່ງຕ່າງໆພາຍໃນແຂວງຫຼວງພະບາງ ທີ່ມີນັກຮຽນມາຈາກເມືອງ, ແຂວງທີ່ມີຄວາມສ່ຽງ ແມ່ນບໍ່ອະນຸຍາດໃຫ້ມາສະເຫນີຕົວເທື່ອຈົນກວ່າຈະມີແຈ້ງການສະບັບໃຫມ່

5. ອະນຸຍາດໃຫ້ໂຮງຮຽນທີ່ບໍ່ຢູ່ໃນເຂດແດງເປີດຮັບນັກຮຽນທີ່ມາສະເໜີຕົວ ແຕ່ຕ້ອງຮັກສາລະບຽບຂອງຄະນະສະເພາະກິດ
ວາງອອກ

6. ສໍາລັບການມາປະຈໍາການຂອງພະນັກງານ, ຄູ-ອາຈານ ໃນຂະແຫນງການສຶກສາ ແລະ ກິລາ ໃຫ້ມາປະຈໍາການເປັນ ປົກກະຕິ, ໃຫ້ພາກັນປະຕິບັດຕໍ່ການສະກັດກັ້ນ ແລະ ປ້ອງກັນພະຍາດໂຄວິດ-19 ຢ່າງເຂັ້ມງວດ.
ດັ່ງນັ້ນ, ຈຶ່ງແຈ້ງການມາຍັງບັນດາທ່ານທຸກພາກສ່ວນເພື່ອຮັບຊາບ ແລະ ຈັດຕັ້ງປະຕິບັດຢ່າງເຂັ້ມງວດ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ