ວັນທີ 19 ສິງຫາ 2021ທີ່ ນະຄອນຫຼວງວຽງຈັນ, ໄດ້ມີພິທີເປີດບໍລິການ ໂຮງໝໍກະເສມລາດ ອິນເຕີເນຊັນແນວ ວຽງຈັນ ໂດຍການເຂົ້າຮ່ວມຂອງ ທ່ານ ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກແຫ່ງ ສປປ ລາວ, ທ່ານ ເຈດສະດາ ກະຕະເວທິນ ເອກອັກຄະລັດຖະທູດແຫ່ງຣາຊະນາຈັກໄທ ປະຈໍາ ສປປ ລາວ, ທ່ານ ສາດສະດາຈານ ດຣ. ສະເຫຼີມ ຫານພານິດ, ປະທານ ກໍາມະການ ບໍລິສັດ ບາງກອກເຊນ ຮອສປີໂທ ຈໍາກັດ, ແລະ ທັງເປັນປະທານ ບໍລິສັດ ບາງກອກເຊນ ອິນເຕີເນຊັນແນວ (ລາວ) ຈຳກັດ ແລະ ທ່ານ ປອ ນາງ ວາລີ ເວດສະພົງ ຮອງປະທານບໍລິສັດ ບາງກອກເຊນ ອິນເຕີເນຊັນແນວ (ລາວ) ຈໍາກັດ ແລະ ຜູ້ຖື
ຮຸ້ນຝ່າຍລາວ

ທ່ານ ສາດສະດາຈານ ດຣ. ສະເຫຼີມ ຫານພານິດ, ປະທານ ກໍາມະການ ບໍລິສັດ ບາງກອກເຊນ ຮອສປີໂທ ຈໍາກັດ ໄດ້ກ່າວວ່າ: ໂຮງໝໍກະເສມລາດອິນເຕີເນຊັນແນວວຽງຈັນເກີດຂຶ້ນຈາກການຮ່ວມທຶນລະຫວ່າງ ບໍລິສັດບາງກອກເຊນ ຮອັສປີໂຕ ພລັບລິກ ຈຳກັດ ແລະ ບໍລິສັດ ວິເອັສພີ ພ້ອມທຶນຈົດທະບຽນ 120,000 ລ້ານກີບໂດຍສະຖານທີ່ຕັ້ງຂອງໂຮງໝໍພວກເຮົາແມ່ນຕັ້ງຢູ່ຈຸດໃຈກາງຂອງນະຄອນຫຼວງວຽງຈັນ

ທ່ານ ປອ ນາງ ວາລີ ເວດສະພົງ ໄດ້ກ່າວວ່າ: ໂຮງໝໍກະເສມລາດຂອງພວກເຮົາແມ່ນໄດ້ເລີ່ມວາງສີລາເລີກ ແລະ ວາງເສົາເຂັມກໍ່ສ້າງມາຕັ້ງແຕ່ວັນທີ 25 ພຶດສະພາ 2018 ມາຈົນຮອດປະຈຸບັນນີ້ເປັນເວລາ 3 ປີ, ດ້ວຍສີມືການກໍ່ສ້າງຈາກວິຊາວະກອນໄທ ແລະ ລາວ , ການອອກແບບຕົກແຕ່ງພາຍໃນຂອງໂຮງໝໍເພື່ອຕອບຮັບຄອນເຊັບກໍ່ສ້າງໃນການເປັນສູນສຸຂະພາບລະດັບມາດຕະຖານສາກົນໂດຍມີການນໍາໃຊ້ອຸປະກອນລວມເຖິງເຄື່ອງໄມ້ເຄື່ອງມືຕ່າງໆທີ່ໄດ້ມາດຕະຖານ ແລະ ເປັນຍອມຮັບລະດັບສາກົນ

View Comments

Leave a Reply

Your email address will not be published. Required fields are marked *

Published by
4 weeks ago
ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ