ອີງຕາມການລາຍງານຂອງຄະນະສະເພາະກິດ ວັນທີ 17 ມິຖຸນາ ປີ 2021 ດຣ ພອນປະເສີດ ໄຊຍະມຸງຄຸນ ໄດ້ກ່າວວ່າ ຫຼັງຈາກວັນທີ 19 ມິຖຸນາ ທາງຄະນະສະເພາະກິດ ແມ່ນຈະໄດ້ສືບຕໍ່ວາງມາດຕະການຄວບຄຸມພະຍາດໂຄວິດ-19 ຢ່າງເຂັ້ມງວດ ເພື່ອໃຫ້ສອດຄ່ອງ ແລະ ເໝາະສົມກັບສະພາບການລະບາດຂອງພະຍາດຕົວຈິງໃນປັດຈຸບັນ.

ເຊິ່ງຈະມີບາງມາດຕະການທີ່ຕ້ອງໄດ້ສືບຕໍ່ປະຕິບັດຢ່າງເຂັ້ມງວດ ແລະ ກໍຈະມີບາງມາດຕະການ ທີ່ໄດ້ຮັບການຜ່ອນຜັນເພີ່ມຕື່ມ, ຂໍໃຫ້ບັນດາທ່ານສືບຕໍ່ປະຕິບັດທຸກມາດຕະການທີ່ວາງອອກຢ່າງເຂັ້ມງວດ ເພື່ອເຮັດໃຫ້ຈຳນວນຜູ້ຕິດເຊື້ອໂຄວິດ-19 ຄ່ອຍໆຫຼຸດລົງ ຈົນກ້າວໄປເຖິງບໍ່ມີຜູ້ຕິດເຊື້ອໃນປະເທດເຮົາ, ປະຊາຊົນກໍສາມາດກັບມາດຳລົງຊີວິດໄດ້ແບບປົກກະຕິໃນສັງຄົມເທື່ອລະກ້າວ ແລະ ປະເທດເຮົາກໍຈະຜ່ານວິກິດນີ້ໄປໄດ້.

ການຖະແຫຼງຂ່າວສະຖານະການແຜ່ລະບາດຂອງພະຍາດໂຄວິດ-19​ ປະຈຳວັນ​ທີ​ 17 ມິຖຸນາ​ 2021​ ໃຫ້ຮູ້ວ່າ:​ ກວດພົບເຊື້ອໃໝ່ + 1 ຕົວຢ່າງ,​ ໃນນີ້ມີ.ຍອດຜູ້ຕິດເຊື້ອສະສົມທົ່ວປະເທດ 2034 ຄົນ, ເສຍຊີວິດ ສະສົມ 3 ຄົນ.