ແພດໝໍຊ່ວຍສຸດຄວາມສາມາດແລ້ວ..!!! ເປີດປະຫວັດ ແລະ ສະຫຼຸບເຫດການຂອງການເສຍຊີວິດຈາກໂຄວິດ ຄົນທີ 2 ໃນລາວ

ທາງການລາວຢືນຢັນພົບເພີ່ມ 1 ຄົນເສຍຊີວິດຈາກໂຄວິດ-19 14 ພຶດສະພາ 2021, ໃນນາມຄະນະສະເພາະກິດຕອບໂຕ້ໂຄວິດ-19 ຂັ້ນສູນກາງ, ທ່ານ ນາງ ບົວເທບ ພູມມີນ ຮອງຫົວໜ້າກົມປິ່ນປົວ ແລະຟື້ນຟູໜ້າທີ່ຊີ້ເແຈ້ງວ່າ: ຜູ້ເສຍຊີວິດກໍລະນີທີ 2 ເປັນເພດຊາຍ, ອາຍຸ 29 ປີ, ອາໄສຢູ່ບ້ານວຽງຈະເລີນ ເມືອງໄຊເສດຖາ ນະຄອນຫຼວງວຽງຈັນ.


ຄະນະສະເພາະກິດໃຫ້ຮູ້ວ່າ: 11 ພຶດສະພາ, ຜູ້ເສຍຊີວິດໄດ້ເຂົ້າມາໂຮງໝໍສຸນກາງ 103 ດ້ວຍອາການທີ່ເຂົ້າກັບນິຍາມກໍລະນີ SARI (ຕິດເຊື້ອລະລົບທາງເດີນຫາຍໃຈຮຸນແຮງ) ເຊິ່ງແພດໄດ້ປະເມີນອາການຜູ້ກ່ຽວໃນເບື້ອງຕົ້ນເຫັນວ່າມີອາການໜັກ ຈຶ່ງນຳສົ່ງຜູ້ກ່ຽວເຂົ້າຫ້ອງມໍລະສຸມ ICU ທັນທີ ພ້ອມທັງເກັບຕົວຢ່າງກວດຊອກຫາເຊື້ອ ພ້ອມທັງຮັກສາຢ່າງຮີບດ່ວນ ໃນວັນທີ 12 ຜົນກວດພົບເຊື້ອ COVID-19. ວັນທີ 13 ເວລາ 15:30 ໂມງເສຍຊີວິດ ຍ້ອນອາການຮຸນແຮງ ບວກກັບສະພາບຮ່າງກາຍຜູ້ກ່ຽວທີ່ຕຸ້ຍ, ນໍ້າໜັກເກີນ ແລະມີພະຍາດປະຈຳໂຕຄືເບົາຫວານ ແລະຄວາມດັນສູງ ເຊິ່ງແພດໄດ້ສຸດຄວາມພະຍາຍາມໃນການກອບກູ້ຊີວິດຂອງຜູ້ກ່ຽວ ແຕ່ໜ້າເສຍດາຍບໍ່ສາມາດຮັກສາຊີວິດຜູ້ກ່ຽວໄດ້.

ປະຫວັດການປິ່ນປົວຂອງຜູ້ກ່ຽວ: ຜູ້ເສຍຊີວິດມີອາຍຸພຽງ 29 ປີ ເຊິ່ງຈັດເຂົ້າໃຈກຸ່ມຄົນເຈັບທີ່ມີອາຍຸໜຸ່ມນ້ອຍ. ບໍ່ໄດ້ສຳຜັດກັບກໍລະນີຕິດເຊື້ອທີ 59 ແຕ່ໄດ້ໄປຢູ່ໃນສະຖານທີ່ເຊິ່ງທາງຄະນະສະເພາະກິດໄດ້ປະກາດວ່າເປັນບ່ອນທີ່ມີຄວາມສ່ຽງໄພສູງ. ພາຍຫຼັງຢູ່ໃນກຸ່ມສ່ຽງ ກໍບໍ່ໄດ້ໄປສະເໜີຕົວກັບທີມຄົ້ນຫາຜູ້ທີ່ເຄີຍໄປສະຖານທີ່ສ່ຽງ. ເບື້ອງຕົ້ນ ຜູ້ກ່ຽວບໍ່ມີອາການຫຍັງ. ຈົນຮອດວັນທີ 1​0 ພຶດສະພາ ເວລາປະມານ 11:45 ໂມງ, ຜູ້ກ່ຽວຈຶ່ງໄດ້ເຂົ້າໄປໂຮງໝໍ 103 ດ້ວຍອາການແໜ້ນໜ້າເອິກ, ຫາຍໃຈຍາກ ແລະ ເມື່ອຍ. ຕອນນັ້ນແມ່ນໄຂ້ຍັງບໍ່ທັນມີ. ແພດໄດ້ຖາມປະຫວັດຂອງຜູ້ກ່ຽວວ່າໄປໃສມາແດ່ ແຕ່ປະຫວັດກໍຍັງບໍ່ທັນຊັດເຈນ.

1. ວັນທີ 11 ພຶດສະພາ 2021, ຜູ້ເສຍຊີວິດໄດ້ເຂົ້າມາໂຮງໝໍສູນກາງ 103 ດ້ວຍອາການທີ່ເຂົ້າກັບນິຍາມກໍລະນີ SARI (ຕິດເຊື້ອລະລົບທາງເດີນຫາຍໃຈຮຸນແຮງ), ເຊິ່ງແພດໄດ້ປະເມີນອາການຜູ້ກ່ຽວໃນເບື້ອງຕົ້ນເຫັນວ່າມີອາການໜັກ ຈຶ່ງນຳສົ່ງຜູ້ກ່ຽວເຂົ້າຫ້ອງມໍລະສຸມ ICU ທັນທີ ພ້ອມທັງເກັບຕົວຢ່າງກວດຊອກຫາເຊື້ອ ພ້ອມທັງຮັກສາຢ່າງຮີບດ່ວນ,

2. ວັນທີ 12 ພຶດສະພາ 2021, ຜົນກວດພົບເຊື້ອ COVID-19,3. ວັນທີ 13 ພຶດສະພາ 2021, ເວລາ 15:30 ໂມງເສຍຊີວິດ ຍ້ອນອາການຮຸນແຮງ ບວກກັບສະພາບຮ່າງກາຍຜູ້ກ່ຽວທີ່ຕຸ້ຍ, ນໍ້າໜັກເກີນ, ມີພະຍາດປະຈຳໂຕຄືເບົາຫວານ ແລະ ຄວາມດັນສູງ ເຊິ່ງແພດໄດ້ສຸດຄວາມພະຍາຍາມໃນການກອບກູ້ຊີວິດຂອງຜູ້ກ່ຽວ ແຕ່ໜ້າເສຍດາຍບໍ່ສາມາດຮັກສາຊີວິດຜູ້ກ່ຽວໄດ້,

3. ວັນທີ 13 ພຶດສະພາ 2021, ເວລາ 15:30 ໂມງເສຍຊີວິດ ຍ້ອນອາການຮຸນແຮງ ບວກກັບສະພາບຮ່າງກາຍຜູ້ກ່ຽວທີ່ຕຸ້ຍ, ນໍ້າໜັກເກີນ, ມີພະຍາດປະຈຳໂຕຄືເບົາຫວານ ແລະ ຄວາມດັນສູງ ເຊິ່ງແພດໄດ້ສຸດຄວາມພະຍາຍາມໃນການກອບກູ້ຊີວິດຂອງຜູ້ກ່ຽວ ແຕ່ໜ້າເສຍດາຍບໍ່ສາມາດຮັກສາຊີວິດຜູ້ກ່ຽວໄດ້,

4. ຜູ້ກ່ຽວໄດ້ເຂົ້າມາຮັບການຮັກສາຊ້າເກີນໄປ, ເນື່ອງຈາກໃນໄລຍະທີ່ ຜູ້ກ່ຽວເຄີຍໄດ້ໄປກວດຫາເຊື້ອໂຄວິດ-19 ນັ້ນຢູ່ໃນອາການປົກກະຕິ ແລະບໍ້ໄດ້ໃຫ້ຂໍ້ມູນກັບແພດວ່າຢູ່ໃນກຸ່ມສ່ຽງ,

5. ສະນັ້ນທີມງານແພດຈຶ່ງຮີບຮ້ອນກວດຫາເຊື້ອຄົນທີ່ຢູ່ໃນກຸ່ມສ່ຽງເປັນບູລິມະສິດ ແລະ ຄະນະສະເພາະກິດຍັງຮຽກຮ້ອງໃຫ້ຜູ້ທີ່ໄປກວດຫາເຊື້ອໂຄວິດ-19 ຕ້ອງຕອບຕາມຂໍ້ມູນຈິງ ແລະ ຕ້ອງກັກບໍລິເວນຕົນເອງເພື່ອລໍຖ້າຜົນກວດ ເພື່ອຈະສາມາດຮັບປະກັນຂັ້ນຕອນການກວດ, ການຮັກສາ ແລະຈຈໍາກັດການແຜ່ເຊື້ອໄດ້ຢ່າງຖືກຕ້ອງ ແລະທັນເວລາ.

ຈາກກໍລະນີເສຍຊີວິດນີ້ ເຮັດໃຫ້ໄດ້ບົດຮຽນວ່າ ຖ້າຕົນເອງຢູ່ໃນກຸ່ມສ່ຽງ ແລະ ກ້າອອກມາຮັບຜິດຊອບຕໍ່ຊີວິດຕົນເອງ ແລະ ບອກກັບເຈົ້າໜ້າທີ່ວ່າຕົນເອງຢູ່ໃນກຸ່ມສ່ຽງຕັ້ງແຕ່ຫົວທີ, ໄປກວດໄວແຕ່ຫົວທີ, ເຂົ້າຮັບການປິ່ນປົວຕັ້ງແຕ່ຫົວທີ ແລະ ເຈົ້າໜ້າທີ່ກໍຈະສຸມໃສ່ປິ່ນປົວໄວຕັ້ງແຕ່ຫົວທີ ຈະຊ່ວຍໃຫ້ມີໂອກາດໃນການລອດຊີວິດຫຼາຍຂຶ້ນ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ