ຢ່າເບິ່ງຂ້າມ..!!!ທາມລາຍກໍລະນີ 60 ບໍ່ນ້ອຍໜ້າ ມີຂ້າມໄປເຮັດດັງເສີມສວຍຢູ່ຝັ່ງໄທອີກ

ຂ່າວສຶກສາພວກເຮົາໄດ້ນຳສະເໜີຜູ້ຕິດເຊື້ອກໍລະນີທີ 59 ໄປແລ້ວ ແລະນີ້ແມ່ນກໍລະນີຢັ້ງຢືນທີ 60 ຜູ້ທີ່ໃກ້ຊິດ ຫຼື ເຄີຍຢູ່ໃກ້ເພິ່ນຕ້ອງໄດ້ຕິດຕາມຕົນເອງເປັນພິເສດ ເພື່ອປ້ອງກັນການແຜ່ເຊື້ອຂອງທ່ານໄປຍັງຄົນທີ່ຮັກ.

ກໍລະນີທີ 60 ເປັນເພດຍິງ, ອາຍຸ: 28 ປີ, ສັນຊາດ: ລາວ, ອາຊີບ: ແມ່ເຮືອນ ທີ່ຢູ່ປະຈຸບັນ: ບ້ານ ນາຊອນ, ເມືອງນາຊາຍທອງ, ນະຄອນຫຼວງວຽງຈັນ ປະຫວັດການເຄື່ອນໄຫວຂອງຜູ້ກ່ຽວວັນທີ 7 ເມສາ 2021 ເສີມດັງຢູ່ກຸງເທບ, ວັນທີ 8-9 ເມສາ 2021 ບໍ່ໄດ້ເດີນທາງໄປໃສ, ວັນທີ 10 ເມສາ 2021 ມີໄຂ້, ເຈັບຄໍ, ໄອ ແລະ ຖ່າຍແຫຼວເປັນມູກ, ວັນທີ 11-17 ເມສາ 2021 ບໍ່ໄດ້ເດີນທາງໄປໃສ.

ວັນທີ 18 ເມສາ 2021 ຂຶ້ນລົດແທັກຊີຈາກກຸງເທບ ມາຮອດ ໜອງຄາຍ, ຫຼັງຈາກນັ້ນ ມີຄົນໄທຕິດຕໍ່ຜູ້ຂັບເຮືອ ໃຫ້ມາສົ່ງຢູ່ຝັ່ງລາວ ແລະ ມີລົດມາສົ່ງຜູ້ກ່ຽວຢູ່ທ່າເຮືອ.ວັນທີ 19 ເມສາ 2021 ຂ້າມເຮືອນ້ອຍມາຮອດຝັ່ງລາວ ຢູ່ເຂດເກົ້າລ້ຽວ, ເມືອງສີໂຄດຕະບອງ, ມີລົດຮູນໄດ ມາຮັບເອົາຜູ້ກ່ຽວ.

ຫຼັງຈາກນັ້ນຜູ້ກ່ຽວແວ່ໄປຫາໝູ່ ຢູ່ເຂດຊ້າງສາມຫົວ ຈ້າງລົດຕຸກໆ ໄປກວດຢູ່ໂຮງໝໍມະໂຫສົດ ເພື່ອຂໍກວດຊອກຫາ COVID-19, ແພດແນະນຳໃຫ້ໄປກວດຢູ່ໂຮງໝໍມິດຕະພາບ. ເມື່ອມາຮອດໂຮງໝໍມິດຕະພາບໄດ້ຖືກເກັບຕົວຢ່າງກວດ.

ວັນທີ 20 ເມສາ 2021 ຜົນກວດວິເຄາະປະກົດວ່າ ພົບເຊື້ອ COVID-19 ປະຈຸບັນ ເຂົ້ານອນແຍກປ່ຽວ, ຕິດຕາມອາການ ແລະ ຮັບການປິ່ນປົວຢູ່ໂຮງໝໍມິດຕະພາບ.

• ສຳລັບກຸ່ມສໍາຜັດໃກ້ຊິດ ໃນເບື້ອງຕົ້ນ ມີ 04 ຄົນ, ພວກເຮົາໄດ້ເກັບຕົວຢ່າງມາກວດວິເຄາະ, ປະຈຸບັນ ແມ່ນຍັງລໍຖ້າຜົນກວດ. ພ້ອມດຽວກັນນັ້ນ ພວກເຮົາຍັງໄດ້ສືບຕໍ່ເຝົ້າລະວັງ, ຕິດຕາມອາການພວກກ່ຽວ ແລະ ຈຳກັດບໍລິເວນຜູ້ສຳຜັດໃກ້ຊິດຈົນຄົບ 14 ວັນ.ກໍລະນີ 60
Aa

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ