ຂ່າວດີ ຜູ້ຕິດເຊື້ອໂຄວິດ-19 ກໍລະນີທຳອິດແຂວງຫາຍດີອອກໂຮງໝໍໄດ້ ແລະ ຖືກສົ່ງກັບບ້ານແລ້ວ

ອີງຕາມຂ່າວສະຫວັນພັດທະນາ​ ໃຫ້ຮູ້ວ່າ: ວັນທີ 30 ມີນາ 2021 ຢູ່ທີ່ໂຮງໝໍແຂວງສະຫວັນນະເຂດ ຄະນະພະແນກສາທາລະນະສຸກແຂວງ ໄດ້ຮ່ວມພິທີສົ່ງທ້າວ ໄໝ ປະຊາຊົນບ້ານໂນນຝາຍ,​ ເມືອງ ສອງຄອນ,​ ແຂວງສະຫວັນນະເຂດ ກັບຄືນ ບ້ານຂອງຕົນ ເຊິ່ງທ້າວໄໝເປັນຜູ້ທີ່ຕິດເຊື້ອພະຍາດໂຄວິດ-19 ກໍລະນີທຳອິດຂອງແຂວງ ພາຍຫຼັງທີ່ຜູ້ກ່ຽວໄດ້ຮັບການປິ່ນປົວດີແລ້ວ.

ກໍລະນີຂອງທ້າວ ໄໝ​ ໄດ້ກວດພົບເຊື້ອພະຍາດ ໂຄວິດ-19 ໃນວັນທີ 9 ມີນາ 2021, ໃຊ້ເວລາປິ່ນ​ປົວ​ 21​ ວັນ,​ ພາຍຫຼັງກວດຫາເຊື້ອບໍ່ພົບ 2ຄັ້ງຕິດຕໍ່ກັນຈຶ່ງອະນຸຍາດໃຫ້ກັບເມືອຕິດຕາມອາການຢູ່ເຮືອນ​ອີກ​ 14​ ວັນ,​ ແລ້ວກັບມາກວດຕື່ມແນ່ໃຈແລ້ວຈຶ່ງໃຊ້ຊີສິດອອກສູ່ສັງຄົມໄດ້ປົກກະຕິ.

 

 

ມາຮອດປັດຈຸບັນລາວເຮົາຍັງສືບຕໍ່ປິ່ນປົວ 3​ ກໍລະນີ​ ຢູ່ນະຄອນຫລວງວຽງຈັນ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ