ເຊັນສັນຍາໂຄງການກໍ່ສ້າງອາຄານໂຮງໝໍກອງບັນຊາການທະຫານນະຄອນຫຼວງວຽງຈັນ

ໃນວັນທີ 16 ມີນາ 2021 ນີ້, ຢູ່ທີ່ຫ້ອງປະຊຸມຂອງກອງບັນ ຊາການທະຫານນະຄອນຫຼວງ ວຽງຈັນ ໄດ້ມີພິທີເຊັນສັນຍາໂຄງ ການກໍ່ສ້າງອາຄານໂຮງໝໍກອງ ບັນຊາການທະຫານນະຄອນ ຫຼວງວຽງຈັນ ລະຫວ່າງ ກອງບັນ ຊາການທະຫານນະຄອນຫຼວງ ວຽງຈັນ ແລະ ບໍລິສັດ ໄອຊີ ສຳ ຫຼວດ ອອກແບບ ແລະ ກໍ່ສ້າງຈຳ ກັດ, ເຊິ່ງໃນໂອກາດດັ່ງກ່າວແຕ່ ລະພາກສ່ວນກໍໄດ້ພ້ອມກັນມີຄຳ ເຫັນຕໍ່ພິທີເພື່ອຄວາມເປັນເອກະ ພາບໃນການຮ່ວມມືປະສານງານ ຕໍ່ກັບໂຄງການກໍ່ສ້າງດັ່ງກ່າວ, ໂດຍສະເພາະແມ່ນເຈົ້າຂອງໂຄງ ການ ກັບ ຜູ້ຮັບເໝົາໂຄງການ ໃຫ້ມີຄວາມໂປ່ງໃສເຊິ່ງກັນ ແລະ ກັນ ເພື່ອຮັບປະກັນການຈັດຕັ້ງປະຕິບັດໂຄງການກໍ່ສ້າງໃຫ້ມີ ຜົນສຳເລັດຕາມສັນຍາທີ່ໄດ້ກຳ ນົດໄວ້ ຢ່າງຈົບງາມ.

ໃນໂອກາດດັ່ງກ່າວກໍ່ໄດ້ຈັດ ພິທີເຊັນສັນຍາຮັບເໝົາໂຄງການ ກໍ່ສ້າງຮ່ວມກັນຢ່າງເປັນທາງ ການ, ເຊິ່ງໃຫ້ກຽດລົງນາມເຊັນ ສັນຍາຮັບເໝົາໂຄງການກໍ່ສ້າງ ໃນຄັ້ງນີ້ໂດຍແມ່ນຝ່າຍເຈົ້າຂອງ ໂຄງການກໍຄື ທ່ານ ພັນເອກ ບຸນ ວານ ພົມມະວົງ ຫົວໜ້າການທະ ຫານກອງບັນຊາການທະຫານ ນະຄອນຫຼວງວຽງຈັນ ກັບຜູ້ຮັບ ເໝົາໂຄງການ ເຊິ່ງແມ່ນ ທ່ານ ຈິ່ງເຕີ ລາວຖັງ ປະທານບໍລິສັດ ໄອຊີ ສຳຫຼວດອອກແບບ ແລະ ກໍ່ ສ້າງຈຳກັດ, ໂດຍຊ່ອງໜ້າຄະນະ ພັກ-ຄະນະບັນຊາ ພ້ອມດ້ວຍພະ ນັກງານ-ວິຊາການທີ່ກ່ຽວຂ້ອງ ທັງສອງຝ່າຍເຂົ້າຮ່ວມເປັນສັກຂີພິຍານ. ໂຄງການດັ່ງກ່າວເປັນອາຄານ 2 ຊັ້ນ, ຂະໜາດ 26×51 ແມັດ, ມີມູນຄ່າໃນການກໍ່ສ້າງທັງໝົດ 11 ຕື້ກວ່າກີບ ໂດຍແມ່ນທຶນ ຂອງ ກອງບັນຊາການທະຫານນະ ຄອນຫຼວງທັງໝົດ ແລະ ພາຍຫຼັງ ເຊັນສັນຍາໂຄງການແລ້ວ ແມ່ນ ຈະໄດ້ເລີ່ມລົງມືກໍ່ສ້າງໃນວັນທີ 25 ມີນາ 2021 ເປັນຕົ້ນ ໄປ, ການ ກໍ່ສ້າງແມ່ນໃຫ້ສຳເລັດພາຍໃນ 1 ປີຕາມສັນຍາໃນໂຄງການ.
ໂດຍ: ແສງດາລາ ໄຊຍະລາດ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ