ຮູ້ຫຼືຍັງ ? ຈູດທູບຖືກວິທີພາໃຫ້ ຊີວິດຈະເລີນຮຸ່ງເຮືອງກ້າວໜ້າ ເຮັດຫຍັງກໍ່ລາບລື້ນ

ຈູດທູບຖືກວິທີ ຊີວິດຈະເລີນຮຸ່ງເຮືອງກ້າວໜ້າ

ເຄີຍສົງໄສບໍວ່າເປັນຫຍັງການຈູດທູບຂອງແຕ່ລະງານຈຶ່ງບໍ່ຄືກັນ, ບາງງານອາດຈູດດອກດຽວ, ແຕ່ບາງງານຈູດ 3, ຈູດ 16 ດອກ ຫຼື ຫຼາຍກວ່ານີ້, ແຕ່ໃນຄວາມເປັນຈິງນັ້ນ ຫຼາຍຄົນກໍຄົງຈະຍັງບໍ່ຮູ້ວ່າ ຄວາມໝາຍຂອງການຈູດທູບ ສາມາດບົ່ງບອກເຖິງຫຍັງ, ບໍ່ແມ່ນຄິດຢາກຈູດກໍຈູດເລີຍໂດຍທີ່ບໍ່ຮູ້ເຖິງທີ່ໄປທີ່ມາຂອງມັນ, ດັ່ງນັ້ນ ເພື່ອຄວາມກະຈ່າງແຈ້ງໃນການຈູດທູບແຕ່ 1-108 ດອກ ເພື່ອໄຫວ້ສິ່ງສັກສິດຂໍພອນໃຫ້ຊີວິດພົບແຕ່ຄວາມຈະເລີນຮຸ່ງເຮືອງ ແລະໃຫ້ເກີດຄວາມສະຫງົບສຸກ.

ທູບ 1 ດອກ: ເປັນການຈູດໄຫວ້ເຈົ້າທີ່ເຈົ້າທາງ, ຜີບ້ານຜີເຮືອນ ແລະເຄົາລົບສົບຄົນຕາຍ

ທູບ 2 ດອກ ເປັນເລື່ອງທີ່ກ່ຽວຂ້ອງກັບວິນຍານ ແລະຈູດທູບເທິງອາຫານແຕ່ບາງຄວາມເຊື່ອກໍບໍ່ນິຍົມໃຊ້

ທູບ 3 ດອກ ເປັນການຈູດບູຊາພະລັດຕະນະໄຕ, ບູຊາພະພຸດ, ພະທຳ, ພະສົງ ຫຼື ເວົ້າອີກຢ່າງວ່າ ເປັນການບູຊາ ພະຄຸນຂອງພະພຸດທະເຈົ້າ 3 ປະການຄື: ພະປັນຍາຄຸນ, ພະບໍລິສຸດທິຄຸນ ແລະພະມະຫາກະລຸນາທິຄຸນ

ຈູດທູບ 4 ດອກ ເປັນເລື່ອງກ່ຽວກັບທາດ 4 ໃຊ້ໃນການສູດເສີມດວງສະຕາລາສີ


ທູບ 5 ດອກ ເປັນການຈູດບູຊາພະພຸດ, ພະທຳ, ພະສົງ, ພໍ່ແມ່ ແລະຄູບາອາຈານ

ທູບ 6 ດອກ ເປັນການຈູດທູບເສີມດວງຊະຕາຕາມກຳລັງໄຟຂອງອາທິດ (1) ຄົນທີ່ເກີດວັນອາທິດ;

ຈູດທູບ 7 ດອກ ເພື່ອບູຊາຈິດວິນຍານຕາມສານເຈົ້າພໍ່ເຈົ້າແມ່ ແລະຄູບາອາຈານທີ່ເສຍຊີວິດແລ້ວ

ຈູດທູບ 8 ດອກ ເປັນການເສີມຊະຕາຕາມກຳລັງພະອັງຄານ (3) ແລະຕາມຈໍານວນອັດຖະເຄາະ;
ຈູດ 9 ດອກ ໝາຍເຖິງບູຊາຜູ້ມີພະຄຸນ, ພະພູມເຈົ້າທີ່ເທບ, ເຈົ້າປ່າເຈົ້າເຂົາ, ລຸກຂະເທວິດາ, ສານພະພູມ ແລະສານເທບ


ຈູດ 10 ດອກ ກ່ຽວກັບທາດໄຟ ຕາມກຳລັງຂອງພະເສົາ (7) ມີກໍາລັງ 10 ເພື່ອໃຊ້ໃນການສູດເສີມດວງຊະຕາ;

ຈູດ 11 ດອກ ໃຊ້ບູຊາເທວະດາຊັ້ນສູງ

ຈູດ 12 ດອກ ໃຊ້ບູຊາຕາມກຳລັງພະລາຫູ (8) ໃຊ້ໃນການສູດເສີມດວງຊະຕາ ຄົນທີ່ເກີດວັນພຸດກາງຄືນ

ຈູດ 14 ດອກ ໃຊ້ຈູດບູຊາຮູບປັ້ນພະສົງ (ເປັນການບູຊາຄຸນພະສົງ)

ຈູດ 15 ດອກ ເພື່ອບູຊາດວງຊະຕາ ກ່ຽວກັບທາດຕາມກຳລັງຂອງດາວຈັນ (2)


ຈູດ 16 ດອກ ເປັນການບູຊາເທບຊັ້ນສູງ, ບູຊາເທບຊັ້ນຄູ ຫຼື ພິທີກາງແຈ້ງທີ່ມີການອັນເຊີນເທວະດາ, ສຳຄັນໝາຍເຖິງສະຫວັນ 16 ຊັ້ນ

ຈູດ 17 ດອກ ແມ່ນການເສີມດວງຊະຕາ, ສູດເສີມດວງ

ຈູດ 19 ດອກ ເປັນການບູຊາເທວະດາທັງ 10 ທິດ

ຈູດ 21 ດອກ ເປັນການບູຊາພະຄຸນຂອງພໍ່, ການບູຊາພະແມ່ທໍລະນີ

ຈູດ 32 ດອກ ໃຊ້ສູດຊຸມນຸມເທວະດາທັງ 4 ທິດ


ການໄຫວ້ 16 ຊັ້ນຟ້າ 15 ຊັ້ນດິນ ແລະ 1ໂລກມະນຸດ

ຈູດ 36 ດອກ ເພື່ອຂໍຂະມາຄູ່ກຳຄູ່ເວນ

39 ດອກ ບູຊາພະແມ່ໂພສົບ

ຈູດ 56 ດອກ ເປັນເລື່ອງກ່ຽວກັບບູຊາຄຸນພະພຸດທະເຈົ້າ


ຈູດ 108 ເປັນການບູຊາສິ່ງສູງສຸດທັງໂລກທັງຊັ້ນຟ້າ
ນອກຈາກນັ້ນ ໃນຄວາມເຊື່ອກ່ຽວກັບການຈູດທູບ ເພື່ອເສີມດວງຊະຕາ ຫຼື ຂໍພອນສິ່ງສັກສິດ, ຈູດທຽນ ເປັນຕົວແທນຂອງພະທຳ ຫຼື ແສງສະຫວ່າງໃນຊີວິດ ແລະຖວາຍດອກໄມ້ຫອມ ແທນຄຸນງາມ ຄວາມດີ, ຄວາມຈະເລີນທີ່ຈະມີແກ່ຕົນ,

ດັ່ງນັ້ນ ການຈູດທູບ ທຽນ ແລະຖວານດອກໄມ້ຫອມ ຈຶ່ງເປັນການສັກກະລະ, ການເຮັດອາມິສບູຊາ ໃຫ້ເກີດມົງຄຸນແກ່ຊີວິດ ໂດຍການບູຊາສິ່ງທີ່ດີ ເຮັດໃຫ້ຕົວເຮົາມີບາລະມີຫຼາຍຂຶ້ນ ແລະຈິດໃຈສະຫງົບຂຶ້ນ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ