ໝາກກ້ວຍປ່າ ເປັນຢາລະບາຍ ສຳຜູ້ທີ່ເປັນລິດຊີດວງທະວານໜັກ ແລະ ຮັກສາພະຍາດລຳໄສ້

ກ້ວຍປ່າເປັນພືດລົ້ມລຸກອາຍຸຫຼາຍປີ. ລຳຕົ້ນກົມ, ສູງປະມານ 2.5 ມ, ມີເສັ້ນຜ່າສູນກາງປະມານ 12 ຊມ, ກາບລຳຕົ້ນດ້ານນອກສີຂຽວອ່ອນປົນສີເຫຼືອງ, ມີຊ່ອງຫວ່າງພາຍໃນກາບ, ຜິວລຽບ. ໃບດ່ຽວ, ຮູບຂອບຂະໜານ, ກ້ວາງ 45-80 ຊມ, ຍາວ 1.5-2.5 ມ, ກົກໃບບ້ຽວ ຫຼື ຮຽວແຫຼມ, ຂອບລຽບ, ປາຍແຫຼມ ຫຼື ຕິ່ງແຫຼມ, ຜິວໃບດ້ານເທິງສີຂຽວເຂັ້ມ, ຜິວກ້ຽງ, ຜິວໃບດ້ານລຸ່ມສີຂຽວອ່ອນ ແລະ ມີຝຸ່ນແປ້ງສີຂາວຈັບກະຈາຍທົ່ວທ້ອງໃບ. ກ້ານໃບຮຽວເລັກນ້ອຍ, ມີຮ່ອງເຄິ່ງກາງ, ຮູບອັກສອນຢູ, ສີຂຽວອ່ອນປົນສີເຫຼືອງ. ຊໍ່ດອກຮູບຮີ, ມີໃບປະດັບຊໍ່ດອກ, ຮູບຮີ ຫຼື ຮູບໄຂ່, ປາຍແຫຼມ, ສີເຫຼືອງ, ສີມ່ວງ ຫຼື ສີແດງ.


ດອກຍ່ອຍຈັບຢູ່ຖານດອກຢ່າງໜາແໜ້ນ, ສີເຫຼືອງ, ເຕົ້າໄຂ່ຈັບລຸ່ມ. ໝາກຈັບຢູ່ເປັນພວງ(ເຄືອ) ມີ 3-7 ຫວີຕໍ່ພວງ, ໜື່ງຫວີມີໝາກ 18-16 ໝາກ, ຮູບຊົງກະບອກ ຫຼື ຮູບຮີ, ຍາວ 7-10 ຊມ, ເປືອກບາງ, ສີຂຽວປົນສີເຫຼືອງ, ເນື້ອໝາກສີເຫຼືອງ. ແກ່ນຈຳນວນຫຼາຍ, ຮູບກົມ ຫຼື ຮູບໄຂ່, ສີດຳ.


ຫຍວກກ້ວຍ, ຫົວປີ ແລະ ໝາກອ່ອນໃຊ້ເປັນອາຫານໄດ້ ເຊັ່ນ: ຂົ້ວ, ແກງ, ຍຳ ແລະ ອື່ນໆ. ໝາກສຸກກິນເປັນໝາກໄມ້.


ສັບພະຄຸນ: ຢາງຈາກຕົ້ົ້ົນຊ່ວຍຮັກສາແຜ ແລະ ຫ້າມເລືອດ, ໝາກດິບ: ແກ້ອາການທ້ອງເສຍ, ໝາກສຸກ: ເປັນຢາລະບາຍສຳລັບຜູ້ທີ່ເປັນພະຍາດລິດຊີດວງທະວານໜັກ ແລະ ຫົວປີ: ຮັກສາພະຍາດລຳໄສ້, ຮັກສາພະຍາດເລືອດຈາງ, ຊ່ວຍຫຼຸດນ້ຳຕານໃນເລືອດ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ