ລາວກວດພົບຜູ້ຕິດເຊື້ອພະຍາດ ໂຄວິດ19 ເພີ່ມອີກ 2 ກໍລະນີ ເປັນແຮງງານມາຈາກໄທ

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໃຫ້ສໍາພາດຕໍ່ສື່ມວນຊົນ ຕອນບ່າຍວັນທີ 5 ມິນາ 2021ວ່າ: ປະຈຸບັນ ທົ່ວໂລກມີການລາຍງານການລະບາດຂອງພະຍາດ COVID-19 ທັງໝົດ 219 ປະເທດ,ເຂດ, ຜູ້ຕິດເຊື້ອສະສົມ 116,185,068 ຄົນ, ເສຍຊິວິດສະສົມ 2,580,215 ຄົນ ແລະ ປິ່ນປົວດີ 91,842,941 ຄົນ; ປະເທດທີ່ມີລາຍງານການຕິດເຊື້ອ ແລະ ເສຍຊີວິດຫຼາຍກວ່າໝູ່ ແມ່ນ ສະຫະລັດອາເມຣິກາ ມີຜູ້ຕິດເຊື້ອສະສົມ 29,515,751 ຄົນ ແລະ ເສຍຊີວິດສະສົມ 533,360 ຄົນ; ອັນດັບ 2 ແມ່ນ ປະເທດ ອິນເດຍ ມີຜູ້ຕິດເຊື້ອສະສົມ 11,173,567 ຄົນ,

ໃນວັນທີ 4 ມີນາ 2011 ຜົນກວດຢັ້ງຢືນ ແມ່ນພົບເຊື້ອ COVID-19, ປະຈຸບັນ ພວກກ່ຽວໄດ້ເຂົ້າແຍກປ່ຽວ, ນອນຕິດຕາມ ແລະ ປິ່ນປົວຢູ່ໂຮງໝໍທີ່ຖືກກໍານົດໄວ້ ໃນນະຄອນຫຼວງ ວຽງຈັນ. ພວກເຮົາໄດ້ຕິດຕາມຜູ້ສໍາຜັດໃກ້ຊິດທັງຫມົດ 32 ຄົນ ແລະ ໄດ້ເກັບຕົວຢ່າງມາກວດ ບໍ່ພົບເຊື້ອ ຈຶ່ງໄດ້ໃຫ້ກັກຕົວຄົບ 14 ວັນ


ສະເພາະ ສປປ ລາວ ປະຈຸບັນ ທົ່ວປະເທດ ມີສູນຈໍາກັດບໍລິເວນທັງໝົດ 32 ສູນ, ມີຜູ້ຖືກຈຳກັດບໍລິເວນຢູ່ສູນ 2,414 ຄົນ.
ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກໃຫ້ຮູ້ເຖິງວຽກງານກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດວ່າ: ວັນທີ 4 ມີນາ 2011 ໄດ້ເກັບຕົວຢ່າງມາກວດວິເຄາະທັງໝົດ 726 ຄົນ; ຜົນກວດວິເຄາະທັງໝົດ ແມ່ນພົບຜູ້ຕິດເຊື້ອໃໝ່ 2 ຄົນ ຄື້:
ກໍລະນີທີ 46 ເປັນເພດຊາຍ, ອາຍຸ 28 ປີ, ອາຊີບ: ກຳມະກອນ, ເຮັດວຽກຢູ່ແຂວງປະທຸມທານີ,ປະເທດໄທ, ບ້ານຢູ່ປະຈຸບັນ: ເມືອງນານ, ແຂວງຫຼວງພະບາງ.
ກໍລະນີທີ 47 ເປັນເພດຊາຍ, ອາຍຸ 26 ປີ, ອາຊີບ: ກໍາມະກອນ, ເຮັດວຽກຢູ່ແຂວງປະທຸມທານີ, ປະເທດໄທ, ບ້ານຢູ່ປະຈຸບັນ: ເມືອງນານ, ແຂວງຫຼວງພະບາງ.
ປະຫວັດການເດີນທາງ: ວັນທີ 2 ມີນາ 2011 ພວກກ່ຽວທັງ 2 ຄົນ ໄດ້ເດີນທາງຈາກແຂວງປະທຸມທານີ ຫາແຂວງໜອງຄາຍ ແລະ ມາຮອດ ສປປ ລາວ ໃນວັນທີ 3 ມີນາ 2011, ຫຼັງຈາກນັ້ນ ພວກກ່ຽວ ໄດ້ຖືກນຳສົ່ງເຂົ້າໄປຈຳກັດບໍລິເວນ ຢູ່ສະຖານທີ່ ທີ່ຖືກກໍານົດໄວ້ ພ້ອມທັງໄດ້ເກັບຕົວຢ່າງກວດຊອກຫາເຊື້ອໂຄວິດ-19 (ທັງ 2 ຄົນ ແມ່ນບໍ່ມີອາການສະແດງຫຍັງ) .

ໃນວັນທີ 4 ມີນາ 2011 ຜົນກວດຢັ້ງຢືນ ແມ່ນພົບເຊື້ອ COVID-19, ປະຈຸບັນ ພວກກ່ຽວໄດ້ເຂົ້າແຍກປ່ຽວ, ນອນຕິດຕາມ ແລະ ປິ່ນປົວຢູ່ໂຮງໝໍທີ່ຖືກກຳນົດໄວ້ ໃນນະຄອນຫຼວງວຽງຈັນ. ຈາກນັ້ນຄະນະສະເພາະກິດໄດ້ຕິດຕາມຜູ້ສຳຜັດໃກ້ຊິດມີທັງໝົດ 32 ຄົນ ແລະ ໄດ້ເກັບຕົວຢ່າງມາກວດ ເຫັນວ່າ ບໍ່ພົບເຊື້ອ ແລະ ສືບຕໍ່ເຝົ້າລະວັງ ຈໍາກັດບໍລິເວນຜູ້ສໍາຜັດໃກ້ຊິດ ຈົບຄົບ 14ວັນ.
• ສັງລວມການກວດວິເຄາະ ນັບເເຕ່ ເດືອນມັງກອນ 2020 ຮອດ ປະຈຸບັນ ໄດ້ເກັບຕົວຢ່າງມາກວດທັງໝົດ 116,182 ຕົວຢ່າງ, ກວດພົບເຊື້ອສະສົມ 47 ຄົນ.
ການຕິດຕາມປີ່ນປົວຄົນເຈັບຢູ່ໂຮງໝໍ ມາຮອດປະຈຸບັນ ຄົນເຈັບຕິດເຊື້ອພະຍາດ COVID-19 ຈໍານວນ 5 ຄົນ ແມ່ນສຶບຕໍ່ ນອນຕິດຕາມອາການ ແລະ ປິ່ນປົວຢູ່ໂຮງໝໍທີ່ຖືກກໍານົດໄວ້.

ທ່ານ ດຣ. ຣັດຕະນະໄຊ ເພັດສຸວັນ ໃຫ້ຮູ້ຕື່ມວ່າ: ປະເທດເພື່ອນບ້ານຂອງພວກເຮົາ ມີລາຍງານຜູ້ຕິດເຊື້ອໃໝ່ ເພິ່ມຂຶ້ນໃນແຕ່ລະວັນ ພາຍໃນປະເທດ ເຊິ່ງສ່ວນໃຫຍ່ ແມ່ນມີປະຫວັດສຳຜັດໃກ້ຊິດ ນໍາຜູ້ທີ່ຕິດເຊື້ອໂຄວິຕ-19; ຕໍ່ກັບສະພາບການດັ່ງກ່າວ ຂໍການຮ່ວມມືນຳພໍ່ແມ່, ພີ່ນ້ອງ, ປະຊາຊົນ ແລະ ທຸກພາກສ່ວນໃນສັງຄົມ ຮ່ວມແຮງຮ່ວມໃຈກັນ ຍົກສູງສະຕິຄວາມຮັບຜິດຊອບ ໃນການປະຕິບັດມາດຕະການທີ່ຄະນະສະເພາະກິດວາງອອກ ຢ່າງຖືກຕ້ອງ ແລະ ເຄັ່ງຄັດ ເພື່ອຮັບປະກັນບໍ່ໃຫ້ມີຄວາມສ່ຽງ ທີ່ຈະມີການນໍາພະຍາດ ໂຄວິດ-19 ເຂົ້າມາແຜ່ລະບາດໃນປະເທດເຮົາຮອບໃໝ່ ແລະ ຂະຫຍາຍເປັນວົງກວ້າງ; ສຳລັບຜູ້ທີ່ຈະເດີນທາງເຂົ້າມາ ສປປ ລາວ ແມ່ນປະຕິບັດຕາມຄຳແນະນໍາຂອງຄະນະສະເພາະກິດ ສະບັບເລກທີ 3087/ສພກ, ລົງວັນທີ 26 ກຸມພາ 2011 ແລະ ແຈ້ງການ ເລື່ອງການນຳໃຊ້ເຄື່ອງຕິດຕາມທາງການແພດ ແລະ ປະກັນໄພ COVID-19, ສະບັບເລກທີ 3018/ສພຫ, ລົງວັນທີ 02 ມີນາ 2011 ພ້ອມດຽວກັນນັ້ນ ທຸກຄົນຕ້ອງໄດ້ຈໍາກັດບໍລິເວນຈົນຄົບຕາມກໍານົດ ຈຶ່ງສາມາດອອກໄປເຄື່ອນໄຫວໃນສັງຄົມຕາມປົກກະຕິໄດ້.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ