ໃນຕອນເຊົ້າວັນທີ 7 ກຸມພາ 2021 ທີ່ວັດທົ່ງທາດ, ບ້ານຫ້ອມໃຕ້, ເມືອງຫາດຊາຍຟອງ, ນະຄອນຫຼວງວຽງຈັນ ເຈົ້າຂອງແບຣນວີນາ ໄດ້ຈັດພິທີຟ້ອນບວງສວງພະຍານາກ ມີບັນດານາງລຳກວ່າ 20 ຄົນ ເພື່ອເອົາເລິກເອົາໄຊ ພ້ອມເປີດໂຕຜະລິດຕະພັນໃໝ່ VENA L-Sub ໂດຍມີຄອບຄົວ, ບັນດາຕົວແທນ, ແຟນຄັບຂອງສາວວີນາ ແລະ ພໍ່ແມ່ປະຊາຊົນເຂົ້າຮ່ວມ.
ທ່ານ ນາງ ສຸລິປາວັນ ສຸວັນນະລາດ ຫຼື ວີນາ ເຈົ້າຂອງຜະລິດຕະພັນ ຫຼື ແບຣນວີນາ ກ່າວວ່າ: ການຈັດງານພິທີຟ້ອນບວງສວງພະຍານາກ ໃນຄັ້ງນີ້ແມ່ນເພື່ອໃຫ້ເປັນສິຣິມົງຄຸນແກ່ແບຣນ ເນື່ອງຈາກຕົນເອງກໍ່ມີຄວາມເຊື້ອ ແລະ ນັບຖືເລື່ອງພະຍານາກຢູ່ແລ້ວ ເຊິ່ງກິດຈະກຳພາຍໃນງານນອກຈາກການຟ້ອນບວງສວງພະຍານາກ ນຳທີມຟ້ອນໂດຍ ວີນາ ແລະ ບັນນາງຟ້ອນກວ່າ 20 ຄົນ ທີ່ອອກມາລຳກັນຢ່າງໜ້າອ່ອນຊ້ອນ, ສວຍສົດ ງົດງາມແລ້ວນັ້ນ, ວີນາ ຍັງໄດ້ຮ່ວມສົມທົບທຶນສ້າງວັດ ແລະ ຈັດໂຮງທານ ເພື່ອແຈກຈ່າຍອາຫານໃຫ້ແກ່ຜູ້ມາຮ່ວມງານປະຊາຊົນທີ່ໄປຮ່ວມງານໄດ້ຮັບປະທານ.
ໃນພິທີ ວີນາ ຍັງໄດ້ມີການປ່ອຍນົກ, ປ່ອຍປາ ເພື່ອເປັນເສີມດວງ, ເສີມຊະຕາໃຫ້ກັບແບຣນ ເຊິ່ງທີ່ເປັນໄຮໄລສຸດພິເສດໃນງານທີ່ວີນາໄດ້ຈັດກຽມໄວ້ໃຫ້ກັບຕົວແທນຄື: ການເສີມມະຫາຊັບ, ມະຫາສະເໜ່ ໃຫ້ກັບຕົວແທນ ຈາກຄູບາ ເພື່ອຄວາມເປັງ, ຄວາມເຮັງ, ຄວາມລວຍ ຂອງຕົວແທນທຸກຄົນ. ພ້ອມນັ້ນ, ກໍ່ໄດ້ເປິດຕົວສິນຄ້າຕົວໃໝ່ລ່າສຸດພາຍໃຕ້ແບຣນວີນາ VENA L-Sub ວິຕາມິນຫຼຸດນ້ຳໜັກ ຫຸ່ນດີ, ຜິວງາມ ທີ່ສາວວີນາໄດ້ທົດລອງ, ວິໄຈ ມາເກືອບປີ ຈົນໄດ້ມາເປັນ VENA L-Sub ວິຕາມິນຫຼຸດນ້ຳໜັກ ທີ່ອັດແໜ້ນໄປດ້ວຍສານສະກັດນຳເຂົ້າຈາກປະເທດເກົາຫຼີໃຕ້ ທັງໝົດ 1 ກ່ອງ ປະກອບໄປດ້ວຍ 2 ສູດຄື: ສູດກາງເວັນ ແລະ ກາງຄືນ. ພ້ອມທັງປະກາດກຽມແບຣນອອກບຸກສູ່ຕະຫຼາດຕ່າງປະເທດ, ຂະຫຍາຍຖານລູກຄ້າໄປຍັງຕ່າງປະເທດບໍ່ວ່າຈະເປັນ ສປ ຈີນ, ສສ ຫວຽດນາມ, ມາເລເຊຍ, ກຳປູເຈຍ, ມຽນມາ.
ວີນາ ຖືເປັນແບຣນນ້ອງໃໝ່ມາແຮງ ອອກມາບໍ່ດົນກໍ່ສາມາດຄອງໃຈລູກຄ້າໄດ້ຈຳນວນຫຼາຍ ດ້ວຍຜະລິດຕະພັນຊື່: ວີນາ ຄໍລາເຈນ, ຄໍລາເຈນ ທີ່ຫຼາຍຄົນຫຼົງມັກ ມີຊັບພະຄຸນເລື່ອງບຳລຸງໃຫ້ຜິວງາມ, ຜົມ, ເລັບ, ກະດູກ ໂດຍມີສານສະກັດຈາກປາທະເລນ້ຳເລິກ. ນອກຈາກນັ້ນ, ຍັງມີ ເຊັດຄີມໝໍວີນາ ເຊິ່ງເປັນອີກໜຶ່ງຜະລິດຕະພັນ ທີ່ເກີດຂຶ້ນຈາກເຈົ້າຂອງແບຣນ ທີ່ເຄີຍເປັນໝໍ ເລີຍຢາກເອົາຄວາມຮູ້ທີ່ຕົນເອງສະສົມມາ ຜະລິດຄີມທີ່ຕອບໂຈດກັບຄົນລາວ ແລ້ວຈຶ່ງກໍ່ໃຫ້ເກີດຄີມເຊັດໝໍວີນາຂຶ້ນ ແລະ ມີລູກຄ້ານິຍົມໃຊ້.
