ເສ່ຍໂປ້ ຄົນດັງ ຖືກເຈົ້າໜ້າທີໄທຈັບກຸມຕົວແລ້ວພ້ອມດ້ວຍລູກນ້ອງຄາຫ້ອງພັກ

ວັນທີ 4 ກຸມພາ2021 ສຳນັກຂ່າວໄທຣັດຂອງໄທໂພສວ່າ: ເຈົ້າໜ້າທີ່ກອງປາບປາມຊຸດພິເສດ ເຂົ້າກວດຄົ້ນຫ້ອງພັກຂອງເສ່ຍໂປ້ ອານົນ ອາຍຸ28ປີຖືກເຈົ້າໜ້າທີ່ຊຸດປະຕິບັດການພິເສດນຸມານ ຄວບຄຸມໂຕມາສອບປາກຄຳທີ່ກອງປາບປາມຫລັງຖືກຈັບກຸ່ມພ້ອມອາວຸດປືນເເລະເເຮງງານຕ່າງດ້າວທັງຊາຍເເລະຍິງ

 

ຕາມໝາຍຈັບໃນຂໍ້ຫາຮ່ວມກັນໃຫ້ມີການຈັດຫຼິ້ນການພະນັນ ອອນລາຍ ແລະສົມຮູ້ຮ່ວມຄິດໃຫ້ມີການພະນັນອອນລາຍ ການຈັບກຸມຄັ້ງນີ້ມີຄົນງານຊາວມຽນມາ25ຄົນ, ລູກນ້ອງເສ່ຍໂປ້ 1ຄົນ, ປືນ 1 ກະບອກ ພ້ອມລູກ11ລູກ.

ຜູ້​ບັນຊາ​ການ​ຕຳຫລວດ​ແຫ່ງ​ຊາດ​ໄທ ກ່າວ​ວ່າ: ຈາກ​ການ​ສອບ​ສວນ​ທ້າວ ​ເສ່ຍ​ໂປ້ ​ໂປ້​ອານົນ ​ເຊິ່ງມີ​ເປົ້າໝາຍ​ຈັບ​ກຸມ​ຜູ້​ຕ້ອງ​ຫາ 33 ຄົນ ຈັບ​ກຸມ​ໄດ້ 12 ຄົນ​ໃນ​ຂໍ້​ຫາ ຮ່ວມ​ກັນ​ຈັດ​ໂຄສະນາ​ຊັກ​ຊວນ​ໃຫ້​ຜູ້​ອື່ນ​ຫລິ້ນການ​ພະນັນ (ອອນ​ລາຍ) ​ແລະ ສົມຮູ້​ຮ່ວມ​ຄິດ​ກັນ ຟອກ​ເງິນ ທັງ​ໝົດ 31 ໝາຍ​ຈັບ

ໂດຍ​​ໃນ​ການ​ຈັບ​ກຸມ​ຄັ້ງນີ້​ເປັນ​ໄປ​ຕາມ​ໝາຍ​ຈັບ 12 ໝາຍ​ຈັບ ​ແລະ ​ເປັນ​ການ​ກະທຳ​ຜິດ​ຕໍ່ໜ້າ 1 ຄະດີ, ພ.ຣ.ບ ອາວຸດ​ປືນ, ຈັບ​ຜູ້​ຕ້ອງ​ຫາ​ທີ່​ເຮັດ​ໜ້າ​ທີ່​ເປັນ​ຜູ້​ຄຸມ​ກັນ ​ແລະ ມີ​ໝາຍ​ຈັບ​ເກົ່າ 2 ໝາຍ.

 

 

ການ​ປະຕິບັດ​ການຄັ້ງນີ້ ພົບ​ເວັບ​ພະນັນ​ອອນ​ລາຍ 6 ​ເວັບ​ໄຊ ທີ່​ກ່ຽວຂ້ອງ​ກັບ​ເຄືອ​ຂ່າຍ​ເສ່ຍ​ໂປ້ ​ໂດຍ​ຕຳຫລວດ​ຈະ​ໃຊ້​ເວັບ​ໄຊ​ທີ່​ກວດ​ພົບ​ເຫລົ່າ​ນີ້​ເປັນ​ຫລັກ​ຖານ ​ເພື່ອ​ຂະຫຍາຍ​ຫາ​ເຄືອ​ຂ່າຍ​ອື່ນໆ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ