ຢາດີບອກຕໍ່..!!!ຜັກຄາດຂີ້ໜູ ເປັນຢາແກ້ອາການເຈັບທ້ອງ

ບັນຍາຍການນຳໃຊ້ເປັນອາຫານ:ຍອດອ່ອນ: ໃຊ້ປຸງອາຫານປະເພດແກງ, ກິນສົດ ຫຼື ນຳມາຫຼວກກັບແຈ່ວ.

ບັນຍາຍສັບພະຄຸນ: ທັງຕົ້ນ: ໃຊ້ຕຳພອກຫົວແກ້ອາການເຈັບຫົວ, ຄັ້ນເອົານ້ຳຍອດໃສ່ຫູແກ້ອາການເຈັບຫູ, ຕຳພອກ ຫຼື ທາຮັກສາບາດແຜ, ໃຊ້ປຸງເປັນຢາທາແກ້ອາການໄຂ່ຂໍອັກເສບ ແລະ ໃຊ້ຕຳພອກເມື່ອມີອາການເຈັບຂາ ຫຼື ເຂົາ.ໃບ: ຄັ້ນເອົານ້ຳທາເປັນຢາທາແກ້ອາການເຈັບທ້ອງ, ນຳມາຕົ້ມດື່ມເປັນຢາລະບາຍ ແລະ ອາການຖອກທ້ອງ.

ບັນຍາຍລັກສະນະພືດສາດ: ເປັນພືດລົ້ມລຸກອາຍຸປີດຽວ. ລຳຕົ້ນຕັ້ງຊື່, ສູງ 30-70 ຊມ, ແຕກກິ່ງກ້ານສາຂາເປັນງ່າຈຳນວນຫຼາຍ, ຕາມກິ່ງມີຂົນກະຈາຍທົ່ວໄປ. ໃບດ່ຽວ, ອອກຮຽງກົງກັນຂ້າມສອງແຜ່ນພຽງສະຫຼັບຕັ້ງສາກ, ຮູບຮີ ຫຼື ຮູບໄຂ່, ກ້ວາງ 1.27-8.8 ຊມ, ຍາວ 2.54-12.7 ຊມ, ໂຄນໃບຮຽວແຫຼມຕິດເປັນປີກຕາມກ້ານໃບ, ຂອບແສກແຂ້ວເລື່ອຍ, ປາຍແຫຼມ, ແຜ່ນໃບບາງ, ຜິວໃບທັງສອງດ້ານມີຂົນປົກຄຸມຢ່າງໜາແໜ້ນ, ກ້ານໃບສັ້ນ.

ຊໍ່ດອກແບບກະຈຸກແໜ້ນຕາມງ່າມໃບສ່ວນຍອດ ຫຼື ປາຍຍອດ, ກ້ານຊໍ່ດອກຍາວ 3-7 ຊມ. ດອກຍ່ອຍຈຳນວນຫຼາຍ, ຮູບຮີແປ, ສີເຫຼືອງ, ແບ່ງອອກເປັນສອງວົງຄື: ດອກວົງນອກຍາວປະມານ 9 ມມ, ປາຍແຫຼມ ແລະ ມີຂົນສີຂາວຂຶ້ນປົກຄຸມຢ່າງໜາແໜ້ນ.

ດອກວົງໃນຍາວປະມານ 7 ມມ, ປາຍມົນ, ຜິວກ້ຽງ, ບໍ່ມີກ້ານດອກ. ໝາກມີຂະໜາດນ້ອຍ, ຮູບຊົງກະບອກ, ບໍລິເວນສ່ວນປາຍມີໝາກແຫຼມຍາວຫຼາຍອັນ, ຍາວ 4-5 ຊມ, ເປັນສີນ້ຳຕານເຂັ້ມ ຫຼື ສີດຳ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ