ຜັກເບ້ຍໃຫຍ່ ເປັນຢາດີ ແກ້ໄອແຫ້ງ,​ ປັດສະວະຂັດ ແລະ ແກ້ລິດສະດວງທະວານ

ຜັກເບ້ຍໃຫຍ່(ຜັກຕາໂກ້ງ) ມີປະໂຫຍດຫຼາຍຢ່າງ ຮັກສາໂລກໄດ້ຫລາຍຊະນິດ ມັກມີຢູ່ຕາມພື້ນຫົນທາງ ຕາມຮອຍແຍກພື້ນປູນມັກຈະພົບເຫັນເລື້ອຍໆ ຜັກເບ້ຍໃຫຍ່ ໃຜເບິ່ງວ່າເປັນພຽງພືດຂຶ້ນຢູ່ຕາມທາງຄົງຕ້ອງເສຍດາຍຫຼາຍໆ ແຕ່ແທ້ຈິງແລ້ວມີສັບພະຄຸນຜັກພື້ນບ້ານທີ່ໃຊ້ປະໂຫຍດໄດ້ຢ່າງຫຼວງຫຼາຍ.​ ຜົນງານວິໄຈພົບວ່າຜັກພື້ນບ້ານ ແລະ ສະໝຸນໄພທີ່ຊື່ວ່າ “ຜັກເບ້ຍໃຫຍ່” ຊ່ວຍບຳລຸງຜິວພັນ ແລະ ຮັກສາພ້ອມປ້ອງກັນໄດ້ອີກສາລະພັດໂລກ.


ຜັກເບ້ຍໃຫຍ່ ຊື່ນີ້ຮູ້ຈັກດີຫຼືບໍ່ຜັກເບ້ຍໃຫຍ່ພົບໄດ້ທົ່ວໄປໃນທຸກໆພາກຂອງປະເທດ ແລະ ຍັງມີຊື່ເອີ້ນອີກຫຼາຍຊື່ຕາມແຕ່ລະພື້ນທີ່ເຊັ່ນ: ຜັກເບ້ຍດອກເຫຼືອງ, ຜັກຕາໂດ້ງ, ຜັກອີຫຼູ ເປັນຕົ້ນ


ສັບພະຄຸນຜັກເບ້ຍໃຫຍ່ຕາມຕຳລັບຢາ

1. ໃບແກ້ໄອແຫ້ງ ແກ້ຂັດເບົາ ເປັນຢາຂັບປັດສະວະແກ້ອາການຫິວນໍ້າ ຕຳພອກຫຼື ທາແກ້ບາດແຜອັກເສບບວມ ບາດໄຟໄໝ້, ນໍ້າຮ້ອນລວກ ແກ້ລິດສິດວງທະວານ ປວດບວມ

2. ນໍ້າຄັ້ນຂອງຕົ້ນນໍ້າມາທາແກ້ບາດແຜແມງກັດຕອດ ຫຼື ນຳມາດື່ມແກ້ໜອງໃນ, ປັດສະວະຂັດ
คุณส่ง วันนี้ เวลา 16:59 น.
3. ທັງຕົ້ນແກ້ບິດຖ່າຍເປັນໂລຫິດ ແກ້ບາດແຜເໜົ່າເປື່ອຍເປັນໜອງ ແກ້ເຫືອກບວມ, ແກ້ເຈັບຄໍ, ໂລຫິດໄຫຼຕາມແກ້ວ, ແກ້ໄອ ຊ່ວຍໃຫ້ຈະເລີນອາຫານຊ່ວຍຫຼໍ່ລື່ນລຳໄສ້ຊ່ວຍໂລຫິດໄດ້

4. ເມັດໃຊ້ຂັບພະຍາດ ເປັນຍາລະບາຍອ່ອນໆຊ່ວຍຂັບປັດສະວະໄດ້


ວິທີ ແລະ ຂະໜາດໃຊ້: ໃຊ້ຕົ້ນແຫ້ງໜັກ 10-50 ກຣາມ(ຕົ້ນສົດໜັກ 60-120 ກຣາມ) ຕົ້ມເອົານໍ້າ ຫຼື ຄັ້ນເອານໍ້າກິນ ໃຊ້ພາຍນອກ ຂາງໄຟໃຫ້ແຫ້ງແລ້ວບົດເປັນຜົງປະສົມກັບນໍ້າແລ້ວທາ ຫຼື ຕົ້ມເອົານໍ້າຊະລ້າງບໍລິເສນທີ່ເປັນ

ຂໍ້ຄວນລະວັງ

1. ຜູ້ຍິງທີ່ຖືພາບໍ່ຄວນຮັບປະທານ

2. ຜູ້ປ່ວຍໂລກໄຕຄວນລະມັດລະວັງໃນການໃຊ້ເພາະໃບສົດຂອງຜັກເບ້ຍໃຫຍ່ມີກົດອອກຊາລິກສູງ ອີກຍັງມີປະລິມານໂພແທສຊ່ຽມສູງ ຈຶ່ງຄວນປຶກສາແພດກ່ອນ

3. ຄົນທາດອ່ອນເຈັບທ້ອງງ່າຍບໍ່ຄວນຮັບປະທານ


.
ຜັກພື້ນບ້ານ ແລະ ສະໝຸນໄພນີ້ແລະເປັນຢາຂະໜານເອກທີ່ຄົນບູຮານນຳມາໃຊ້ຮັກສາອາການຕ່າງໆແມ້ວ່າສະໄໝນີ້ຄົນເຈັບໄຂ້ໄດ້ປ່ວຍຈະຫັນໄປເພິ່ງແພດແຜນປັດຈຸບັນ ແຕ່ກໍ່ຍັງມີການນຳສະໝຸນໄພມາຮ່ວມໃຊ້ບຳບັດຮັກສາຢູ່ບໍ່ໜ້ອຍ ໜຶ່ງໃນນັ້ນກໍ່ຄື “ຜັກເບ້ຍໃຫຍ່” ຂອງດີໃກ້ຕົວທີ່ຫາໄດ້ບໍ່ຍາກເລີຍ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ