ກຽມໂຕ່ງນໍ້າ! ຫຼາຍເຂດໃນນະຄອນຫຼວງວຽງຈັນ ເລີ່ມແຕ່ເວລາ 13:00 ໂມງ ຫາ 15:00 ໂມງ ນໍ້າປະປາຈະບໍ່ປົກກະຕິ

ອີງຕາມການແຈ້ງການຂອງ ລັດວິສາຫະກິດ ນໍ້າປະປານະຄອນຫຼວງໃຫ້ຮູ້ວ່າ: ແຮງດັນນ້ຳປະປາຈະບໍ່ປົກກະຕິ ແລະ ບໍ່ພຽງພໍຕໍ່ການຊົມໃຊ້ນ້ຳປະປາ ໃນບາງເຂດຂອງເມືອງ ໄຊທານີ, ໄຊເສດຖາ ແລະ ເມືອງ ຈັນທະບູລີ ນະຄອນຫຼວງວຽງຈັນ ໃນວັນທີ 21 ມັງກອນ 2011.

ອີງຕາມ ໃບແຈ້ງການມອດໄຟ ຂອງ ຝ່າຍລະບົບຈໍາໜ່າຍ ສາຂາໄຟຟ້ານະຄອນຫຼວງ 2 ສູນບໍລິການໄຟຟ້າເມືອງ ໄຊທານີ ສະບັບເລກທີ 40/ຟລຈໜ.ນວ..ຊນ.ບກ, ລົງວັນທີ 19 ມັງກອນ 2011. ເພື່ອໃຫ້ໂຄງການປັບປຸງສະຖານີທ່າງ່ອນໃໝ່ ດຶງສາຍ 22 ກວ ຢູ່ບ້ານ ທ່າສະຫວ່າງ ເມືອງ ໄຊທານີ ນະຄອນຫຼວງ.

ເຊິ່ງຈະສົ່ງຜົນໃຫ້ມີນ້ຳອອກຄ່ອຍ, ບໍ່ມີນ້ຳໃນບາງບ້ານຂອງເມືອງ: ເມືອງ ໄຊທານີ: ບ້ານ ໂພນຄຳ, ທ່າສະຫວ່າງ, ທ່າງ່ອນ, ນາ, ໂນນບໍ່ແກ້ວ, ໂນນສະອາດ, ດ່ານຊ້າງ, ດົງໝາກຄາຍ, ດອນຕິ້ວ, ດົງສ້າງຫີນ, ໄຊສະຫວ່າງ ດອນໜູນໄຊ, ນາແຄ, ຫ້ວຍເຕີຍ, ໂນນແສງຈັນ, ວຽງແກ້ວ, ຫ້ວຍແດນເມືອງ, ໜອງວຽງຄຳ, ນາທົ່ມ, ໜອງພະຍາ ຕານມີໄຊ, ດົງໂດກ, ສະພັງມຶກ, ຊ້າງຄູ້, ພະຂາວ, ຄຳຮຸ່ງ, ສິວິໄລ, ເມືອງ ໄຊເສດຖາ: ບ້ານ ໜອງໜ່ຽງ, ໂນນສະຫວັນ ຮ່ອງສຸພາບ, ອາມອນ, ໂນນສະຫງ່າ, ແສງສະຫວ່າງ, ຊໍາເຄ້, ໂຊກນ້ອຍ, ໂຊກໃຫຍ່; ເມືອງ ຈັນທະບູລີ: ບ້ານ ຫ້ວຍຫົງໜອງທາເໜືອ, ໜອງທາໃຕ້, ຈອມມະນີ, ໂພນສະຫວ່າງ. ການປະຕິບັດວຽກງານ ໃນວັນທີ 21 ມັງກອນ 2011 ກົງກັບວັນພະຫັດ, ເລີ່ມແຕ່ເວລາ 13:00 ໂມງ ຫາ 15:00 ໂມງ ຂອງມື້ທີ່ປະຕິບັດວຽກງານ; ຂໍ້ມູນເພີ່ມຕື່ມ ໂທ: 1169 ຕະຫຼອດ 24 ຊົ່ວໂມງ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ