ຄຸນປະໂຫຍດຂອງດອກອັນຊັນ ທີ່ຫຼາຍທ່ານອາດຍັງບໍ່ຮູ້ ສະໝຸນໄພພື້ນບ້ານຊັ້ນເລີດທີ່ຄົນນິຍົມກິນ

ດອກອັນຊັນໄດ້ຊື່ວ່າເປັນສະໝຸນໄພພື້ນບ້ານທີ່ຄົນນິຍົມ ເພາະມີປະໂຫຍດທີ່ຫຼາກຫຼາຍທັງມີສານແອນໂທໄຊຢານິນ ເຊິ່ງມີຄຸນສົມບັດເພີ່ມການໄຫຼວຽນໃນຫຼອດເລືອດຂະໜາດນ້ອຍເຮັດໃຫ້ເລືອດໄປລ້ຽງຮາກຜົມຫຼາຍຂຶ້ນສານດັ່ງກ່າວນີ້ພົບໄດ້ໃນໝາກໄມ້ແລະດອກໄມ້ທີ່ມີສີຟ້າ,ສີແດງ ຫຼືສີມ່ວງມີຄຸນສົມບັດເປັນ ສານຕໍ່ຕ້ານອະນຸມູນອິດສະຫຼະຈາກທຳມະຊາດ ໂດຍທີ່ພືດຈະສ້າງສານນີ້ຂຶ້ນມາເພື່ອປ້ອງກັນດອກ ຫຼື ໝາກຈາກອັນຕະລາຍຂອງແສງແດດ ແລະໂລກພະຍາດ

ສີຈາກ ດອກສາມາດນຳມາປະກອບອາຫານໄດ້ ເພາະມີຄຸນຄ່າທາງສະໝຸນໄພທີ່ຊ່ວຍປູກຜົມ, ບຳລຸງສາຍຕາ, ແກ້ຕາຟາງ, ຕາ ປຽກ ປຸງແຕ່ງເປັນຢາຂັບປັດສະວະ, ຮາກໃຊ້ຖູແຂ້ວແກ້ອາການເຈັບແຂ້ວໄດ້ ນອກຈາກນັ້ນຍັງສາມາດ ນຳມາປຸງແຕ່ງ ເປັນເຄື່ອງດື່ມໄດ້ຄື:

ນໍ້າອັນຊັນ ເຕີຍຫອມທີ່ມີສັບພະຄຸນຕ້ານອະນຸມູນອິດສະຫຼະ, ບຳລຸງສາຍຕາ ແລະ ໂລກຫົວໃຈ ພຽງ ແຕ່ນຳສ່ວນ ປະສົມດັ່ງນີ້ມາປະກອບຄື: ດອກອັນຊັນ 1 ກໍາມື, ເຕີຍຫອມ 1 ຕົ້ນນ້ອຍ, ນໍ້າເຜິ້ງ 1 ບ່ວງແກງ , ນໍ້າ ຕານ, ເກືອ 1 ຍິບມື ແລະໝາກນາວເຄິ່ງໜ່ວຍ.

 

ວິທີປຸງ: ນໍາດອກອັນຊັນ ແລະ ເຕີຍຫອມຕົ້ມພ້ອມກັນຈົນນໍ້າຟົດຈັກປະມານ 10-15 ນາທີ ແລ້ວຍົກລົງ, ຕ້ອງເອົາ ແຕ່ນໍ້າແລ້ວໃສ່ນໍ້າຕານ,ເກືອ(ປຸງລົດຊາດຕາມໃຈ)ນໍ້າເຜິ້ງແລ້ວບີບໝາກນາວ ນຳລົງໄປ ຄົນສ່ວນ ປະສົມທັງໝົດ ໃຫ້ເຂົ້າ ກັນຖອກໃສ່ຈອກທີ່ມີນໍ້າກ້ອນແລ້ວດື່ມເຢັນໆທັນທີ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ