ເມຍ “ອາຈານ ກິດາວເພັດ ໜູຫ່ວງ”ໂພສ ຍັງບໍ່ພ້ອມມີຄົນໃໝ່ເທື່ອ ຫຼັງມີຫຼາຍຄົນຄອມເມັ້ນຖາມແບບ ບໍ່ສຸພາບວ່າ “ຜົວໃໝ່ຫວາ”

ເຊື່ອວ່າທຸກຄົນຈະຮັບຮູ້ ແລະ ຜ່ານພົ້ນຄວາມຮູ້ສຶກສູນເສຍມາແລ້ວ ສໍາລັບເຫດການອາຈານ ກິດາວເພັດ ໜູຫ່ວງ ເສຍຊີວິດລົງໃນຊ່ວງຕົ້ນປີ 2020 ທີ່ຜ່ານມາ ເຊິ່ງມາຮອດປັດຈຸບັນກໍ່ເປັນເວລາຫຼາຍເດືອນແລ້ວ.

ສໍາລັບຄົນອື່ນທີ່ບໍ່ກ່ຽວຂ້ອງຮ່ວມສາຍເລືອດ ຫຼື ບໍ່ມີສາຍສໍາພັນອັນເລິກເຊິ່ງກັບເພິ່ນ ກໍ່ອາດທໍາໃຈ ແລະ ຄ່ອຍໆລືມຄວາມຮູ້ສຶກໂສກເສົ້າເສຍໃຈໄປແລ້ວ ແຕ່ກົງກັນຂ້າມ ຄົນໃນຄອບຄົວ ໂດຍສະເພາະເມຍຂອງເພິ່ນ ຜູ້ຮ່ວມທຸກຮ່ວມສຸກມານໍາກັນ ບໍ່ອາດລືມໄດ້ງ່າຍ ແຕ່ທັງນີ້ທັງນັ້ນ ບໍ່ມີໃຜຢາກແບກຄວາມທຸກໂສກໄວ້ກັບຕົນເອງຕະຫຼອດເວລາ ຜູ້ຢູ່ກໍ່ຕ້ອງໄດ້ເຂັ້ມແຂງ ແລະ ເຮັດທຸກຢ່າງໃຫ້ຕົນເອງຜ່ານຊ່ວງເວລາອັນແສນເສົ້າໄປໃຫ້ໄດ້ໂດຍໄວ.

ແຕ່ມັນກໍ່ບໍ່ໄດ້ໝາຍຄວາມວ່າ ຈະຮັບເອົາໃຜເຂົ້າມາແທນທີ່ຜົວທີ່ຮັກໄດ້ ເພາະການເລີ່ມຕົ້ນໃໝ່ ບໍ່ວ່າສໍາລັບໃຜກໍ່ຕາມ ມັນຕ້ອງໃຊ້ເວລາ ເຊິ່ງເອື້ອຍຄໍາພຸດ ໜູຫ່ວງກໍ່ເປັນໜຶ່ງໃນນັ້ນ ຍັງບໍ່ພ້ອມມີໃຜ ເພາະຍັງທໍາໃຈ ລືມອາຈານ ກິດາວເພັດ ໜູຫ່ວງບໍ່ໄດ້.

 

 

ແຕ່ແນວໃດກໍ່ຕາມ ແອັດມິນສຶກສາ ຄິດວ່າໃນສັງຄົມນີ້ ມີຄົນຫຼາຍຮູບຫຼາຍແບບ ໂດຍສະເພາະກຸ່ມມືກຽນຄີບອດ ທີ່ມັກຄອມເມັ້ນສະແດງຄວາມເຫັນລົງໂຊຊຽວ ມີການຕັ້ງຄໍາຖາມ ແລະ ວິຈານຄົນອື່ນໄປໃນທາງລົບສະເໝີ, ຫຼ້າສຸດເກີດຂຶ້ນກັບເອື້ອຍຄໍາພຸດເອງ ເມື່ອຜູ້ກ່ຽວໂພສຮູບຄູ່ກັບບັນດານ້ອງຊາຍລົງເຟສບຸກ ແລະ ມີກຽນຄີບອດ ຕັ້ງຄໍາຖາມທີ່ເຮັດໃຫ້ເອື້ອຍຄໍາພຸດຕ້ອງອອກມາຕອບຢ່າງໄວກໍ່ຄື ຜົວໃໝ່ເຈົ້າຫວາ, ໄດ້ໃໝ່ລືມເກົ່າຫວາ, ຊົ່ວແທ້ຍັງບໍ່ຮອດປີ ແລະ ຄອມເມັ້ນທາງລົບອື່ນໆອີກ.

ຫຼ້າສຸດ ເອື້ອຍຄໍາພຸດໄດ້ແຄັບຮູບບັນດາຄອມເມັ້ນ ແລະ ຮູບພາບ ພ້ອມຊີ້ແຈງທຸກຢ່າງໃຫ້ເຂົ້າໃຈກັນຕາມນີ້ວ່າ: ຂ້ອຍຮູ້ສືກວ່າຕັ້ງແຕ່ຜົວຂ້ອຍຕາຍໄປນີ້ຂ້ອຍສິເຮັດຫຍັງໄປໃສກະຄືວ່າຢາກຍາກຂື້ນທຸກມື້ເນາະຖ່າຍຮູບກັບໃຜເຂົາກະຖາມວ່າຜົວໃໝ່ຫວາຂ້ອຍ, ຂໍຕອບເດີ້ວ່າຂ້ອຍຍັງບໍທັນຄິດຫຍັງເທື່ອເດີ້ເລື່ອງສິເອົາຜົວໃໝ່ເພາະຂ້ອຍຍັງທໍາໃຈບໍທັນໃດເພາະວ່າຜົວຂ້ອຍຕານໄປຍັງບໍທັນຮອດປີຊໍາຂໍຮ້ອງນໍາຄົນທີ່ເອົາຮູບຂ້ອຍໄປລົງຕິກຕ໋ອກແດ່ຢາໃຫ້ຄົນອື່ນເຂົ້າໃຈຂ້ອຍໄປໃນທາງທີ່ຜິດອີກເດີ້ເຖີງຂ້ອຍສິບໍມີຜົວແລ້ວແຕ່ຂ້ອຍກໍ່ຍັງຮັກແລະຄິດຜົວຂ້ອຍຄືເກົ່າເຂົ້າໃຈເນາະ(ປລ)ຄົນໃນຮູບມີແຕ່ນ້ອງຊາຍຂ້ອຍທັງນັ້ນເດີ້ຊິບອກໃຫ້.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ