ດ່ວນ..!!!ເປີດທາງດ່ວນ ນະຄອນຫຼວງວຽງຈັນ-ວັງວຽງ ວັນທີ 20 ທັນວາ ເປີດໃຫ້ຜ່ານຟຣີ 3 ມື້

ດ່ວນ ຫ້ອງວ່າ​ການ ສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ​ແຈ້ງ ເລື່ອງ​ທາງ​ດ່ວນ​ວຽງ​ຈັນ​ວັງ​ວຽງ ໂດບ​ລະ​ບຸ​ຊັດ​ເຈນ​ວ່າ ວັນ​ທີ 20 ທັນ​ວາ​ນີ້​ພ້ອມ​ເປີດ​ຢ່າງ​ເປັນ​ທາງ​ການ ແລະ ຈະ​ເປີດ​ໃຫ້​ແລ່ນ​ຟ​ຣີ 21-23 ທັນ​ວາ ຕາມ​ນີ້​ເລີຍ

 

ສຶກສາຂໍ້ມູນເພີ່ມເຕີມກ່ອນວາງແຜນເດີນທາງ “ໂຄງການກໍ່ສ້າງເສັ້ນທາງດ່ວນແຕ່ນະຄອນຫຼວງວຽງຈັນ ຫາ ເມືອງວັງວຽງ ແຂວງວຽງຈັນ ກຽມເປີດການບໍລິການມື້ສົ່ງທ້າຍປີເກົ່າ ແລະ ຕ້ອນຮັບປີໃໝ່ 2021 ຢ່າງເປັນທາງການ.”

ຫົວໜ້າຄະນະຄຸ້ມຄອງ ໂຄງການກໍ່ສ້າງທາງດ່ວນນະຄອນຫຼວງວຽງຈັນ-ເມືອງວັງວຽງໃຫ້ຮູ້ວ່າ:
1 ເສັ້ນທາງດ່ວນ ນະຄອນຫຼວງວຽງຈັນ-ວັງວຽງ ມີຈຸດເລີ່ມຕົ້ນຢູ່ແຕ່ສາມແຍກສີເກີດ ແລະ ຈຸດສຸດທ້າຍຢູ່ເມືອງວັງວຽງ ແຂວງວຽງຈັນ ມີຄວາມຍາວທັງໝົດ 109,10 ກິໂລແມັດ,
2 ເສັ້ນທາງໄດ້ຕັດຜ່ານ 04 ເມືອງຄື: ເມືອງນາຊາຍທອງ, ເມືອງໂພນໂຮງ, ເມືອງຫີນເຫີບ ແລະ ເມືອງວັງວຽງ,

3 ການອອກແບບປະກອບມີ: ຄວາມກວ້າງທັງໝົດ 23 ແມັດ , ອອກແບບຕາມມາດຕະຖານເຕັກນິກທາງດ່ວນຂອງ ສປ ຈີນ (JTG Bo1-2014) ແລະ ມາດຕະຖານເຕັກນິກຂອງທາງອາຊຽນ ເປັນພື້ນຖານ,
4 ມີອຸໂມງ 01 ແຫ່ງ ເບື້ອງຊ້າຍຍາວ 875 ແມັດ ແລະ ເບື້ອງຂວາຍາວ 845 ແມັດ ແລະ ຂົວ 45 ແຫ່ງ ຍາວທັງໝົດ 2.408 ແມັດ,

5 ຄວາມໄວອອກແບບ 100 ກມ/ຊມ (80 ກມ/ຊມ) ແລະ ຕອນທາງປະກອບມີ: ຈຸດເຊື່ອມຕໍ່ທັງໝົດຈໍານວນ 07 ແຫ່ງ,
6 ຈຸດເກັບເງີນມີ 08 ແຫ່ງ (ນະຄອນຫຼວງວຽງຈັນ,ບ້ານນາຊອນ, ບ້ານບົວ, ບ້ານສະກ້າ, ບ້ານໂພນໂຮງ, ບ້ານຫີນເຫີບ, ບ້ານທ່າເຮືອ ແລະ ເມືອງວັງວຽງ),

7 ຈຸດບໍລິການມີ 03 ຈຸດ (ນະຄອນຫຼວງວຽງຈັນ, ເມືອງໂພນໂຮງ ແລະ ເມືອງວັງວຽງ) ແລະ ຈຸດພັກລົດ ມີ 02 ຈຸດ (ບ້ານນາຂ່າ ເມືອງໂພນໂຮງ ແລະ ບ້ານທ່າເຮືອອ່າງນ້ຳງື່ມ, ເມືອງຫີນເຫີບ),

8 ສູນຄວບຄຸມມີ 02 ບ່ອນ (01 ບ່ອນສູນຄວບຄຸມເສັ້ນທາງ ແລະ 01 ບ່ອນ ສູນຄວບຄຸມອຸໂມງ) ແລະ ສູນສ້ອມແປງມີ 02 ບ່ອນ(ນະຄອນຫຼວງວຽງຈັນ ແລະ ເມືອງວັງວຽງ).

ຂໍ້ມູນທາງດ້ານເຕັກນິກທີ່ຄວນເອົາໃຈໄສ່ ແລະ ຈັດຕັ້ງປະຕິບັດສຳລັບຜູ້ນຳໃຊ້ການບໍລິການ:
1 ທາງດ່ວນມີ 02 ຊ່ອງທາງໄປ-ກັບ ແລະ ມີ 02 ເລນໃນແຕລະຊ່ອງທາງ ພ້ອມດ້ວຍອີກໜື່ງເລນທາງດ້ານຂວາເລນທີ່ກຽມອອກ (ເລນຂອບທາງ ເພື່ອຂຶ້ນ ແລະ ລົງທາງດ່ວນ ຫຼື ມີເຫດສຸກເສີນ),
2 ກໍລະນີໃຜຢາກໃຊ້ຄວາມໄວບໍ່ເກີນ 100km/h ແມ່ນແນະນຳເລນຂວາ ແລະ ໃຜທີ່ຢາກໃຊ້ຄວາມໄວເກີນ 100km/h ຂຶ້ນໄປ ແມ່ນແນະນຳເລນຊ້າຍ(ກາງທາງ),

3 ຄວນທຳການປະຕິບັດຕາມປ້າຍເຊັ່ນ: ຫຼຸດຄວາມໄວ, ກຽມລົງທາງດ່ວນ, ໃກ້ຈະເຖິງດ່ານເກັບເງິນ ຫຼື ແວ່ປໍ້ານໍ້າມັນເພື່ອພັກລົດ,
4 ຮັກສາໄລຍະຫ່າງ 100-200m,
5 ຫ້າມບໍ່ໃຫ້ລົດທີ່ມີຄວາມແຮງຕໍ່າກວ່າ 350CC ຫຼື ລົດຈັກຂຶ້ນທາງດ່ວນ (ຈະມີການກວດສະພາບລົດທີ່ໄດ້ມາດຕະຖານຢູ່ທີ່ຈຸດເກັບເງິນ).

5 ຫ້າມຈອດລົດ ຫຼື ລົງຈາກລົດໃນຂະນະທີ່ຢູ່ທາງດ່ວນ (ຕ້ອງຈອດໃນເຂດທີ່ກຳນົດໄວ້),
6 ຫ້າມລົດບັນທຸກທີ່ມີນໍ້າໜັກເກີນກົດໝາຍທີ່ກຳນົດໄວ້ປະມານ 10 ໂຕນຜ່ານທາງດ່ວນ (ເພາະມີຈຸດຊັ່ງນຳ້ໜັກ),
7 ດ້ວຍຄວາມປາດຖະໜາດີ, ພຽງເທົ່ານີ້ ພວກເຮົາກໍຈະໃຊ້ທາງດ່ວນຢ່າງປອດໄພ ແລະ ໄດ້ຕາມມາດຕະຖານຂອງນາໆຊາດແລ້ວ.

 

 

ຈາກ: Sourioudong Sundara

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ