ແຊຣ໌ໄວ້ໄດ້ປະໂຫຍດ..!!!ຢາດີແຜອັກເສບຊໍາເຮື້ອ,ໄຟໄໝ້ ແລະ ນໍ້າຮ້ອນລວກ

ເມື່ອຜິວໜັງເກີດບາດແຜ ຫຼືເກີດການລະຄາຍເຄືອງຄັນຈາກບາດແຜແມງໄມ້ກັດ,ຕອດ ຫຼື ສາເຫດອື່ນໆ ຫາກບໍ່ໄດ້ມີການເບິ່ງແຍງຮັກສາຄວາມສະອາດໃຫ້ດີພໍອາດເຮັດໃຫ້ເກີດການຕິດເຊື້ອແບັກທີເລຍໃນບໍລິເວນນັ້ນກາຍເປັນ

ບາດຊໍາເຮື້ອເປັນສາເຫດໄດ້ແກ່: Staphylococus ແລະ Beta Streptococcus ໂດຍຈະພົບວ່າບໍລິເວນນັ້ນມີໜອງ ຫຼື ນໍ້າຢາງເຫຼືອງປົນໜອງໄຫຼຍ່ອຍຫຼືອາດພົບເປັນຕຸ້ມໜອງແລ້ວຕໍ່ມາກໍ່ແຫ້ງເປັນເກັດສີນໍ້າຕານ ບາງເທື່ອເຮັດໃຫ້

ມີໄຂ້ຫຼືມີຕ່ອມນໍ້າເຫຼືອງບໍລິເວນໃກ້ຄຽງໄຂ່ໄດ້ ນອກຈາກນີການຕິດເຊື້ອບໍລິເວນຕ່ອມໄຂມັນ ແລະ ຂຸມຂົນເຮັດໃຫ້ເກີດເປັນຝີມີຊະມຸນໄພຫຼາຍຊະນິດສາມາດນຳມາໃຊ້ໃນການເຮັດຄວາມສະອາດບາດແຜ ແລະ ຊ່ວຍໃຫ້ບາດແຜເຊົາໄດ້ໄວຂຶ້ນ

# ສະມຸນໄພທີ່ໃຊ້ສຳລັບບາດແຜຊຳເຣື້ອໄດ້ແກ່

1. ຫວ່ານຫາງແຂ້: ໃຫ້ເລືອກໃບລຸ່ມສຸດຂອງຕົ້ນມາໃຊ້ກ່ອນ,ລ້າງໃຫ້ສະອາດ,ປອກເປືອກຂຽວ ແລະ ລ້າງຢາງສີເຫຼືອງອອກໃຫ້ໝົດເພາະອາດເຮັດໃຫ້ອາການຄັນຂອງຜິວໜັງ

ແລະ ເຮັດໃຫ້ມີອາການແພ້ໄດ້ຊອຍວຸ້ນເປັນແຜນບາງໆນຳມາປິດບາດແຜຫຼືຂູດເອົາວຸ້ນຜອກໃສ່ບ່ອນທີ່ເປັນບາດແຜຊຳເຮື້ອ,ແຜໄຟໄໝ້,ນໍ້າຮ້ອນລວກ ອາດໃຊ້ຜ້າພັນທັບວຸ້ນວັນລະ 2 ຄັ້ງເຊົ້າ-ແລງຈົນກວ່າບາດແຜຫາຍດີ

2. ຂີ້ມິ່ນ: ໃຊ້ເຫງົ້າຮັກສາບາດແຜຊຳເຣື້ອໂດຍເຮັດເປັນຜົງປະສົມກັບນໍ້າມັນໝາກພ້າວທາບໍລິເວນທີ່ເປັນບາດແຜຫຼືໃຊ້ເຫງົ້າສົດລ້າງໃຫ້ສະອາດຝົນເອົານໍ້າຂຸ້ນມາທາ

3. ຜັກໜອກ: ໃຊ້ໃບສົດ 1 ກຳມືລ້າງໃຫ້ສະອາດ,ຕຳໃຫ້ມຸ້ນ,ຄັນເອົານໍ້າມາທາບໍລິເວນທີ່ເປັນບາດແຜ,ບາດແຜຈະແຫ້ງໄວ

4. ຕົ້ນກະເມັງ: ໃຊ້ຕົ້ນສົດລ້າງນໍ້າໃຫ້ສະອາດ,ຕຳໃຫ້ມຸ້ນຄັນເອົາແຕ່ນໍ້າມາທາບ່ອນທີ່ເປັນບາດແຜມີໜອງ,ປ້ອງກັນມື ແລະ ຕີນເນົ່າເປື່ອຍຈາກການລຸຍນໍ້າທີ່ເປິເປື້ອນ

5. ຫວ່ານຫາງຊ້າງ: ໃຊ້ເຫງົ້າສົດຫຼືແຫ້ງຕົ້ມນໍ້າໃນອັດຕາສ່ວນ 1:20 ໃສ່ເກືອເລັກນ້ອຍໃຊ້ລ້າງບາດແຜຊຳເຮື້ອເຊົ້າແລງແກ້ອາການຄັນ,ອັກເສບມີໜອງໄດ້ຜົນດີ

6. ໝາກມັງຄຸດ: ໃຊ້ເປືອກສົດຫຼືແຫ້ງ 1-2 ໜາກຝັກເປັນຕ່ອນນ້ອຍຕົ້ມກັບນໍ້າ 1 ລິດໃຫ້ຝົດປະມານ 15 ນາທີ ຕື່ມເກືອປະມານ 1 ບ່ວງຊາ ໃຊ້ລ້າງບາອແຜມີໜອງໄດ້ຜົນດີ

7. ເຫືອກປາເຂັງດອກຂາວ ແລະ ດອກມ່ວງ: ໃຊ້ຕົ້ນສົດຫຼືແຫ້ງທັງຕົ້ນຕົ້ມອາບຫຼືລ້າງບາດແຜຕາມຮ່າງກາຍ

8. ນໍ້າເຜິ້ງ: ໃຊ້ນໍ້າເຜິ້ງອຸ່ນຕົ້ມດ້ວຍໄຟອ່ອນຈົນຝົດປະໄວ້ໃຫ້ເຢັນທາລົງບາດແຜຊຳເຮື້ອໃຫ້ຊຸ່ມຢູ່ຕະຫຼອດເວລາໂດຍໃຊຜ້າແພພັນແລ້ວຢອດນໍ້າເຜິ້ງໃສ່ຜ້າພັນບາດແຜໃຫ້ຊຸ່ມຢູ່ສະເໜີ

ຫາກບໍ່ມີນໍ້າເຜິ້ງສາມາດໃຊ້ນໍ້າເຊື່ອມຂຸ້ນໆແທນໂດຍໃຊ້ນໍ້າຕານ 1 ສ່ວນລະລາຍນໍ້າ 1 ສ່ວນຕັ້ງໄຟອ່ອນໆຈົນນໍ້າເຊື່ອມຟົດປະໄວ້ໃຫ້ເຢັນແລ້ວນຳມາໃຊ້ໃນລັກສະນະດຽວກັນກັບນໍ້າເຜິ້ງ

 

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ