ແຈ້ງການ..!!ເລື່ອນເວລາ ງານແລ່ນ ວຽງຈັນ ມາຣາທອນ ແລະ ງານໃນລັກສະນະດຽວກັນ ທີ່ມີຜູ້ເຂົ້າຮ່ວມ ຈໍານວນຫຼາຍ

ທາງຄະນະຮັບຜິດຊອບ ຈັດງານ ແລ່ນ ວຽງຈັນ ມາຣາທອນ ຄັ້ງທີ II ປະຈຳປີ 2020 ມີຄວາມເສຍໃຈທີ່ຕ້ອງໄດ້ແຈ້ງໃຫ້ນັກແລ່ນ ທຸກຄົນ ຊາບວ່າ ທາງຫ້ອງວ່າການ ສຳນັກງານນາຍົກ ລັດຖະມົນຕີ ໄດ້ອອກແຈ້ງການ ສະບັບ ເລກທີ 1324/ສຫນຍ ລົງວັນທີ 04/12/2020 ວ່າດ້ວຍ ການເລື່ອນການຈັດການແຂ່ງຂັນ ແລ່ນຄັ້ງນີ້ ໂດຍບໍ່ມີກຳນົດ ເນື່ອງຈາກ ຍັງຢູ່ໃນສະພາບ ຄວາມສ່ຽງ ຕໍ່ການລະບາດ ຂອງພະຍາດ Covid-19. (ເອກະສານ ຄັດຕິດມາພ້ອມນີ້)

 

ພວກເຮົາມີຄວາມເຂົ້າໃຈ ຕໍ່ສະພາບ ທີ່ທາງຄະນະສະເພາະກິດ ເພື່ອຕ້ານ ແລະ ຄວບຄຸມພະຍາດ ໂຄວິດ ໄດ້ລາຍງານຂ່າວກ່ຽວກັບ ກໍລະນີ ທີ່ເກີດຂື້ນ. ທາງຜູ້ຮັບຜິດຊອບຈັດງານ ຈະປະສານນຳທາງ ລັດຖະບານ ເພື່ອໃຫ້ໄດ້ວັນເວລາໃໝ່ ໃນການຈັດການແຂ່ງຂັນໃຫ້ໄວທີ່ສຸດ.

(ພາບປະກອບຂ່າວ)

ນັກແລ່ນ ສາມາດ ມາຮັບເອົາເຄື່ອງແລ່ນ (ຍົກເວັ້ນເລກແລ່ນ) ໃນວັນທີ 25-27/12/2020 ທີ່ດ້ານນ້າ ຫ້ອງການ ອີ່ເວັ້ນຟໍກູດ ໄກ້ໄຟແດງທາດຂາວ ເລີ່ມແຕ່ ເວລາ 10:00 -17:00 .

ພວກເຮົາຍັງສືບຕໍ່ ຈັດການ ຝືກຊ້ອມ ເປັນກູ່ມນ້ອຍ ເພື່ອຊ່ວຍໃຫ້ທຸກຄົນ ໄດ້ກຽມພ້ອມ ກັບເວລາທີ່ມີເຫລືອເພີ່ມຕື່ມອີກ ເພື່ອໃຫ້ທ່ານມີຄວາມພ້ອມ ກ່ອນຮອດມື້ທີ່ສາມາດຈັດການແຂ່ງຂັນໄດ້.

ພວກເຮົາ ຂໍອະໄພ ໃນຄວາມບໍ່ສະດວກ ໃນຄັ້ງນີ້ . ສະພາບການແຜ່ລະບາດ ຂອງພະຍາດໂຄວິດ 19 ໃນລາວເຮົາສາມາດ ຄວບຄຸມໄດ້ມາເປັນໄລຍະເວລາຫລາຍເດືອນ ທາງຄະນະຈັດງານ ກໍ່ຢາກໃຫ້ງານດີໆນີ້ເກີດຂື້ນ.

 

ຢ່າງໄດກໍ່ຕາມ ສະພາບການແຜ່ລະບາດ ຍັງສືບຕໍ່ລະບາດຢູ່ ແລະ ພວກເຮົາທຸກຄົນ ຕ້ອງໄດ້ປະຕິບັດຕາມຄຳເນາະນຳ ຂອງຜູ້ສ່ຽວຊານ ແລະ ຄະນະນຳ.
ຂໍຂອບໃຈ ທີ່ທຸກຄົນເຂົ້າໃຈ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ