ລອງສະຫຼະເວລາອ່ານລອງເບິ່ງ 9 ວິທີຄິດບວກ ເຮັດໃຫ້ຊີວິດດີຂຶ້ນ

ເມື່ອທ່ານກຳລັງພົບເຈີກັບອຸປະສັກ, ບັນຫາຕ່າງໆຢູ່ໃນຊີວິດຕອນນີ້ ບໍ່ຮູ້ວ່າຈະຈັດການສິ່ງນັ້ນແນວໃດ?

ເພຈນັກທຸລະກິດມືໃໝ່ ຂໍນຳ 9 ວິທີຄິດບວກ ເພື່ອນຳໄປເປັນຂໍ້ຄິດ ແລະປະຕິບັດໃຫ້ຊີວິດຂອງທ່ານດີຂຶ້ນ ດັ່ງນີ້:

1. ຢ່າກັງວົນກັບສິ່ງທີ່ຍັງບໍ່ເກີດ
ຄວາມຢ້ານນັ້ນເປັນອຸປະສັກ ທີ່ເຮັດໃຫ້ເຮົາເບິ່ງໂລກໃນແງ່ດີບໍ່ໄດ້ ເພາະສະໝອງຍັງຍຶດຕິດຢູ່ກັບຄວາມຮູ້ສຶກທີ່ວ່າ ຢ້ານວ່າຈະເປັນແບບນັ້ນ ແບບນີ້ ທັງທີ່ຈິງແລ້ວ ອາດຈະບໍ່ເກີດຕາມທີ່ເຮົາຄິດກໍໄດ້ ດັ່ງນັ້ນປ່ຽນຄວາມຄິດຂອງຕົນເອງໃຫ້ປ່ອຍວາງກັບເລື່ອງລາວຕ່າງໆຫຼາຍຂຶ້ນ ອັນໃດຈະເກີດມັນກໍ່ຕ້ອງເກີດ

2. ບໍ່ເຮັດໂຕໂລກສວຍເກີນໄປ
ການຄິດບວກ ແລະການເບິ່ງໂລກໃນແງ່ດີນັ້ນ ບໍ່ໄດ້ໝາຍຄວາມວ່າໃຫ້ເຮົາເຮັດໂຕໂລກສວຍ ຫຼືເບິ່ງຫຍັງດີໄປໝົດທຸກຢ່າງ ແຕ່ເປັນການປັບມຸມມອງຂອງເຮົາ ເຊັ່ນ ອັນໃດທີ່ຄິດຕິດລົບຫຼາຍເກີນໄປກໍປັບໃຫ້ເປັນກາງຂຶ້ນມາ ແລະອັນໃດທີ່ຄິດບວກຫຼາຍເກີນໄປກໍປັບໃຫ້ພໍດີຂຶ້ນ ເຊັ່ນເຮົາຄົບກັບໃຜ ຫຼືຮູ້ຈັກໃຜເຮົາກໍຢ່າຟ້າວເບິ່ງໂລກໃນແງ່ດີ ວ່າເຂົາເປັນຄົນດີ ຈິງໃຈກັບເຮົາ ໃຫ້ເພື່ອໃຈເອົາໄວ້ແດ່

3. ບໍ່ຕັດສິນຫຍັງງ່າຍໆ ພຽງແຕ່ຕາເຫັນ
ການເລີ່ມຕົ້ນຄິດບວກຄວນມາຈາກຄວາມຄິດທີ່ເປັນກາງ ດັ່ງນັ້ນເວລາທີ່ເຫັນຫຍັງບໍ່ຖືກໃຈ ກໍຢ່າຟ້າວເໝົາລວມວ່າມັນບໍ່ດີ ໃຫ້ເຂົ້າໃຈໄປຕາມສິ່ງທີ່ເຫັນຢ່າໃສ່ຄວາມຮູ້ສຶກສ່ວນຕົວ ຢ່າລືມວ່າ ການຄິດບວກນັ້ນບໍ່ມີຖືກ ຫຼືຜິດ

4. ຜູກມິດໄມຕີກັບໝູ່ທີ່ນິໄສລ່າເລີງ ແລະຄິດບວກ
ຄວາມຮູ້ສຶກທີ່ດີ ຈະນໍາມາເຊິ່ງຄວາມຄິດດີໆ ດັງນັ້ນ ຄວນເບິ່ງຫາມິດແທ້ທີ່ມີນິໄສລ່າເລີງແຈ່ມໃສໄວ້ຈັກຄົນ ເພື່ອແລກປ່ຽນຄວາມຄິດດ້ານດີ ຫາກຢູ່ກັບຄົນຊີລຽດ ຈິງຈັງກັບຊີວິດຫຼາຍເກີນໄປ ເຮົາກໍຄິດບວກບໍ່ໄດ້ຈັກເທື່ອ ຈາກຜົນວິໄຈເຜີຍວ່າ ຄວາມຄຽດນັ້ນເປັນອາລົມຕິດຕໍ່ຈາກຄົນໜື່ງໄດ້ໂດຍທີ່ໂຕເຮົາມັກບໍ່ຮູ້ໂຕວ່າ ທັດສະນະຄະຕິຂອງຕົນເອງຈະຄ່ອຍໆປ່ຽນໄປເທື່ອລະໜ້ອຍ ຈົນກະທັ້ງ ພຶດຕິກໍາສະແດງອອກມາຢ່າງຊັດເຈນວ່ານິໄສປ່ຽນໄປ

5. ໝັ່ນເວົ້າກັບຕົນເອງ
ຄົນທີ່ຄິດບວກມັກຈະເວົ້າກັບໂຕເອງຢູ່ສະເໝີ ໝາຍເຖິງການພິຈະນາຕົວເອງວ່າມີດ້ານລົບກັບເລື່ອງຫຍັງ ແລ້ວໃນແຕ່ລະມື້ນັ້ນຮູ້ສຶກຫຍັງແດ່ ເມື່ອເຂົາລຽງຕາມລຳດັບຄວາມຄິດລົບໄດ້ ກໍຈະເປັນການປ່ຽນມຸມມອງຄວາມຄິດໃໝ່ ບອກກັບໂຕເອງວ່າ ມື້ອື່ນຕ້ອງເບິ່ງໂລກໃນແງ່ດີຫຼາຍຂຶ້ນກວ່າເກົ່າ ແລະເຝິກເວົ້າປະໂຫຍກທາງບວກ ເຊັ່ນ ຂ້ອຍສາມາດຮຽນຮູ້ໄດ້, ຂ້ອຍຈະຕ້ອງລອງເຮັດເບິ່ງກ່ອນ ຫຼື ຂ້ອຍຄິດວ່າປັນຫານີ້ຕ້ອງມີທາງອອກ ເປັນຕົ້ນ

6. ຍິ້ມຫົວເລື້ອຍໆ
ຫຼາຍຄົນອາດຈະບໍ່ເຄີຍສັງເກດຕົນເອງວ່າ ມື້ໜຶ່ງຫົວໜ້ອຍຫຼາຍຊໍ່າໃດ ທັງທີ່ຄວາມຈິງແລ້ວການຍິ້ມການຫົວເປັນສິ່ງທີ່ສະທ້ອນອາລົມໄດ້ດີວ່າກຳລັງມີຄວາມສຸກຢູ່ ຫຼືບໍ່ ອີກຍັງເປັນການປັບອາລົມດ້ານລົບໃຫ້ດີຂຶ້ນອີກນໍາ

7. ນັ່ງສະມາທິ
ຜົນວິໄຈວ່າສຸດເຜີຍວ່າ ຄົນທີ່ນັ່ງສະມາທິຫຼືນັ່ງໂຢຄະເປັນປະຈໍາມີແນວໂນ້ມເປັນຄົນທີ່ເບິ່ງໂລກໃນແງ່ດີ ຫຼາຍກວ່າຄົນທີ່ບໍ່ນັ່ງເລີຍ ການນັ່ງສະມາທິເປັນການເຝິກຝົນຈິດໃຈໃຫ້ປ່ອຍວາງ ວາງຄວາມຄິດບໍ່ໃຫ້ສະໝອງຄິດເລື່ອງວຸ້ນວາຍ ເຮົາຈະຮູທັນອາລົມຂອງຕົນເອງວ່າກຳລັງສຸກ ຫຼືທຸກ ແລະຈິດໃຈຂອງເຮົາກໍຈະບໍ່ເກັບອາລົມບໍ່ດີຫຼືເລື່ອງບໍ່ດີມາຈື່ຝັງໃຈ

8. ປ່ຽນນິໄສເປັນຄົນຢືດຢຸ່ນກັບຜູ້ອື່ນໃຫ້ຫຼາຍຂຶ້ນ
ການທີ່ຈະປ່ຽນໂຕເອງໃຫ້ຄິດບວກໄດ້ ສ່ວນໜຶ່ງນັ້ນຕ້ອງເລີ່ມມາຈາກໂຕເອງເສຍກ່ອນ ຄື ປ່ຽນຄວາມຄິດທີ່ທຸກຢ່າງຕ້ອງເປ໊ະ ມາເປັນຄິດຢືດຢຸ່ນແດ່ ເພາະຄວາມຄາດຫວັງຄືສິ່ງທີ່ອາດເຮັດໃຫ້ເຮົາເສຍໃຈ ເຮັດໃຫ້ເບິ່ງໂລກໃນແງ່ຮ້າຍຂຶ້ນມາໄດ້ ສະນັ້ນແລ້ວຄວນຄິດວ່າ ບໍ່ມີສິ່ງໃດໄດ້ດັ່ງໃຈຕົນໄປໝົດ

9. ຮູ້ຈັກການໃຫ້ອາໄພ
ການໃຫ້ອາໄພ ບໍ່ໄດ້ແປວ່າເຮົາຍອມແພ້ ຫຼືບໍ່ແມ່ນເຮົາເສຍປຽບ ແຕ່ການຍອມໃຫ້ອະໄພເຊິ່ງກັນແລະກັນເປັນຄວາມສຸກຢ່າງໜຶ່ງ ເປັນການເຝິກຈິດ ອົບຮົມຈິດໃຈ ເປັນການຊໍາລະໃຈ ເປັນການຍຸດຕິປັນຫາຕ່າງໆ ເປັນການສະແດງກຳລັງໃຈທີ່ຍິ່ງໃຫຍ່ ສົ່ງຜົນໃຫ້ການດຳເນີນຊີວິດດີຂຶ້ນ ແລະເຮົາສາມາດເຫັນປັນຫາໃຫຍ່ໆກາຍເປັນເລື່ອງເລັກນ້ອຍທີ່ເຮົາສາມາດຜ່ານມັນໄປໄດ້

Cr: ນັກທຸລະກິດ New CEO Laos

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ