ສຸດແປກ ການແຂ່ງຂັນນັ່ງເບິ່ງຮູບແຟນເກົ່າ ຫາກຜູ້ໃດເບິ່ງໄດ້ດົນທີ່ສຸດຈະໄດ້ຮັບຂັນລາງວັນ

ປີນີ້ເປັນປີທີ່ເຮັດໃຫ້ຫຼາຍຄົນຮູ້ສຶກໝົດຄວາມມ່ວນຄວາມສຸກໄປຫຼາຍຢ່າງ ອັນເນື່ອງມາຈາກໂຄວິດ19ທີ່ແຜ່ກະຈາຍໄປທົ່ວໂລກ ນັ້ນກໍ່ໝາຍເຖິງການງົດສ້າງກິດຈະກຳຕາມປົກກະຕິຢ່າງທີ່ເຄີຍເຮັດກັນມາ ແຕ່ຜູ້ບ່າວອິນໂດເນເຊຍພວກເຂົາໄດ້ສ້າງກິດຈະກຳສຸດແປກນີ້ຂຶ້ນເພື່ອຄາຍຄຽດຄາຍເຫງົາ

ການແຂ່ງຂັນນີ້ເກີດຂຶ້ນຈາກຊາວບ້ານໃນເມືອງມາເກີລັງ ແຂວງຊະວາເຕງກະຫ໌ ປະເທດອິນໂດເນເຊຍໃນມື້ວັນທີ່17 ສິງຫາຄົມທີ່ຜ່ານມານັ້ນເອງ ແຕ່ລະປີທີ່ຜ່ານມາພວກເຂົາແມ່ນຈະເອົາຮູບແບບແນວໆຮັກຊາດ ແຕ່ໃນປີນີ້ຕ່າງຈາກປີກາຍທາງໝູ່ບ້ານໄດ້ຈັດກິດຈະກຳດຶງດູດໝູ່ໄວລຸ່ນເພື່ອໃຫ້ມານັ່ງເບິ່ງຮູບແຟນເກົ່າຕົນເອງ… ໃຜທີ່ສາມາດທົນເບິ່ງໄດ້ນານທີ່ສຸດແລະບໍ່ພັບຕາກໍ່ຈະເປັນຜູ້ຊະນະໄປ.

 

ໜຶ່ງໃນຜູ້ເຂົ້າແຂ່ງຂັນລະບຸວ່າກິດຈະກຳນີ້ເປັນໄປເພື່ອຄວາມບັນເທີງສະໜຸກສະໜານເທົ່ານັ້ນ ເພາະຊ່ວງໂຄວິດແຜ່ລະບາດແນວນີ້ຈະບໍ່ສາມາດຈັດງານສະເຫຼີມສະຫຼອງຫຍັງໃຫ່ຍໆໄດ້ ພວກເຂົາກໍ່ເລີຍຈັດແຂ່ງຂັນນັ່ງເບິ່ງຮູບແຟນເກົ່າເອົາຄວາມຕະລົກຄາຍຄວາມເບື່ອ

ຜູ້ເຂົ້າແຂ່ງຂັນໃນລາຍການນີ້ຕ່າງກໍ່ເປັນເພື່ອນໆຂອງຜູ້ຈັດງານທັງນັ້ນໂດຍຈັດແຂ່ງບໍລິເວນໜ້າເຮືອນຂອງຜູ້ຈັດເອງແຖມໄດ້ຮັບຄວາມສົນໃຈຈາກເດັກໆແລະຊາວບ້ານແຖວນັ້ນຫຼາຍ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ