ຂ່າວດີ..!!ກຽມນຳສິນຄ້າລາວເຂົ້າວາງຈຳໜ່າຍໃນມິນິບິກຊີ

ພິທີຖະແຫຼງຂ່າວ ແລະ ສັນຍາເຊັນບົດບັນທຶກ ໂຄງການຮ່ວມມືພັດທະນາ ແລະ ສົ່ງເສີມໂຄສະນາສິນຄ້າລາວ ເຂົ້າສູ່ຕະຫຼາດພາຍໃນ ແລະ ຕ່າງປະເທດ ຈັດຂຶ້ນໃນວັນທີ 18 ພະຈິກ 2020 ທີ່ ກະຊວງອຸດສາຫະກຳ ແລະ ການຄ້າ

ໂດຍໃນພິທີ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ກ່າວວ່າ: ການຮ່ວມມືຄັ້ງນີ້ ເປັນຂີດໝາຍສຳຄັນໃນການຍົກລະດັບຜູ້ປະກອບການໃນການຜະລິດສິນຄ້າໃຫ້ເຂົ້າກັບຄວາມຕ້ອງການຂອງຕະຫຼາດ ໂດຍສະເພາະ ສິນຄ້າໂອດ໊ອບຂອງລາວທີ່ມີຫຼາຍກວ່າ 600 ລາຍການເຫັນວ່າເປັນທ່າແຮງ ແລະ ກາລະໂອກາດໃນການພັດທະນາ

ພ້ອມນີ້, ທ່ານຍັງໄດ້ຮຽກຮ້ອງ 3 ຂະແໜງການທີ່ເຊັນສັນຍາຮ່ວມມືໃນຄັ້ງນີ້ ຮ່ວມມືກັນປັບປຸງສິນຄ້າ ການຜະລິດ ລາຄາ ການຫຸ້ມຫໍ່ ເພື່ອໃຫ້ສາມາດເຂົ້າຂາຍໃນມິນິບີກຊີ ໂດຍໃຫ້ມີແຜນງານລະອຽດ ແລະ ລົງເລີກຕາມແຕ່ລະຜະລິດຕະພັນ ເພື່ອໃຫ້ໂຄງການດັ່ງກ່າວມີຜົນປະໂຫຍດສູງສຸດ

FM 90

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ