ທຸກຄົນທີ່ເກີດ ແນ່ນແນຢູ່ແລ້ວວ່າ ໃຜກໍຕ້ອງການປະສົບຄວາມສຳເລັດໃນຊີວິດ ໃນຍຸກປັດຈຸບັນນີ້, ເຮົາອາດຈະເຫັນຫຼາຍໆຄົນປະສົບຄວາມສຳເລັດແຕ່ອາຍຸຍັງນ້ອຍ.

ໃນມື້ນີ້, ເພຈນັກທຸລະກິດມືໃໝ່ ຂໍນຳສະເໜີ 5 ວິທີທີ່ຈະນຳໄປສູ່ຄວາມສຳເລັດໃນຊີວິດ ດັ່ງນີ້:

1.ພະຍາຍາມໃຫ້ມີຄວາມຄິດສ້າງສັນ:

ລອງແຍງແວ່ນເບິ່ງຕົນເອງ ແລະ ຕັ້ງຄຳຖາມກັບຕົນເອງວ່າເຮົາເປັນຄົນແນວໃດ, ມີຫຍັງໜ້າສົນໃຈໃນໂຕເຮົາ, ເຮົາໂດດເດັ່ນຫຍັງແນ່, ຖະໜັດຫຍັງແນ່ ແລະ ມີບຸກຄະລິກແນວໃດທີ່ຕ່າງຈາກຄົນອື່ນ ຄວນນຳເອົາມັນມາໃຊ້ໃຫ້ຫຼາຍທີ່ສຸດ ແລະ ໃຫ້ມັນເກີດຜົນທີ່ສຸດ.

2.ຈັດການກັບສະຖານະການທຸກຮູບແບບ:

ພະຍາຍາມຮຽນຮູ້ທີ່ຈະຮັບມືກັບທຸກສະຖານະການ ທີ່ຈະເຂົ້າມາໃນຊີ ວິດເຮົາສຳຄັນຄື ຕ້ອງມີສະຕິແລ້ວປັນຍາຈະເກີດ, ວິກິດຍັນມີໂອກາດ, ໂອກາດຍັງມີຄວາມຝັນ, ຄວາມຝັນຍັງມີຄວາມຈິງ ຈົ່ງເຮັດກັບມັນໃຫ້ໄດ້.

3.ກ້າ ແລະ ໝັ້ນໃຈໃນສິ່ງທີ່ຕ້ອງເຮັດ:

ຈົ່ງໝັ້ນໃຈວ່າສິ່ງທີ່ຕົນເອງເຮັດນັ້ນມັນຖືກຕ້ອງ ແລະ ກ້າທີ່ຈະເຮັດໃຫ້ມັນດີທີ່ສຸດ ທີ່ສຳຄັນຕ້ອງຄິດວ່າຕົນເອງຕ້ອງເຮັດໃຫ້ໄດ້ແນ່ນອນ (ບໍ່ລອງບໍ່ຮູ້ແລ້ວເຮັດກັບມັນໃຫ້ດີທີ່ສຸດ) ແຕ່ການໝັ້ນໃຈນີ້ຕ້ອງເປັນສິ່ງທີ່ດີສຳລັບເຮົາ ແລະ ຄົນອື່ນນຳ.

4.ບໍ່ຈຳເປັນຕ້ອງເຮັດໃນສິ່ງທີ່ເຮັດ ແຕ່ຫັນມາຮັກໃນສິ່ງທີ່ເຮັດ:

ຢ່າໄປຫວັງເສຍເວລາມົວເມົາຊອກເຮັດແຕ່ວຽກທີ່ມັກທີ່ເຮົາຮັກ ແຕ່ລອງຫັນມາຮັກໃນສິ່ງທີ່ເຮົາເຮັດຢູ່ຈະດີກວ່າບໍ່ ຕັ້ງໃຈເຮັດໃຫ້ມັນດີທີ່ສຸດ ແລ້ວທ່ານອາດຈະຄົ້ນພົບຄວາມສາມາດທີ່ແທ້ຈິງຂອງຕົນເອງກໍ່ເປັນໄປໄດ້.

5.ຢ່າຍອມແພ້ເມື່ອເຈີກັບບັນຫາ:

ຄົນທີ່ເຂົ້າໃຈປະສົບຄວາມສຳເລັດເຂົາເຈົ້າຈະມີຄວາມ “ອົດ” ທົນທານບໍ່ທໍ້ແທ້ຕໍ່ບັນຫາທີ່ຈະເຈີ ພ້ອມທີ່ຈະຕໍ່ສູ້ ແລະ ແກ້ໄຂກັບມັນໄດ້ຕະຫຼອດເວລາ ຕ້ອງມີຄວາມພ້ອມໃຫ້ຫຼາຍໆເພາະໂອກາດບໍ່ໄດ້ມີໃຫ້ຕະຫຼອດ.

Cr: ນັກທຸລະກິດມືໃຫມ່