ມາຮູ້ຈັກ ອິນທິລາ ຄຸນພະຈັນສີ ຫຼື ໂນລາ. ອີກໜຶ່ງຜູ້ເຂົ້າປະກວດທີ່ມີຄວາມໃຝ່ຝັນ ຢາກເປັນ ນາງສາວລາວ 2020. ປັດຈຸບັນ ອາຍຸ 19 ປີ ເປັນຕົວແທນຈາກແຂວງອຸດົມໄຊ ML34 ຕອນນີ້ກໍາລັງສຶກສາທີ່ ສປ ຈີນ ຄະນະບໍລິຫານການທ່ອງທ່ຽວ ປີທີ 1 ກິດຈະກໍທີ່ມັກເຮັດຄືມັກລອຍນໍ້າ ແລະ ຫລິ້ນໂຍຄະ ເພາະຮູ້ສຶກຜ່ອນຄາຍທຸກຄັ້ງທີ່ໄດ້ເຮັດໄດ້

 

 

 

ອິນທິລາ: ຕອນນັ້ນອາຍຸ 16 ປີ ນ້ອງເຄີຍສະແດງຮູບເງົານໍາ Una Studio ເລື່ອງບັງບົດເປັນເລື່ອງທໍາອິດເລີຍທີ່ນ້ອງໄດ້ສະແດງ ນ້ອງຮັບບົດເປັນນາຍຫມໍທີ່ສາມາດທໍານາຍອະນາຄົດຫລືຊ່ວຍຕົວຫລັກແກ້ບັນຫາໄດ້ ເລື່ອງບັງບົດນີ້ເປັນເລື່ອງຄວາມເຊື່ອເກົ່າແກ່ຂອງຊາວບັງບົດ ທີ່ເປັນຄວາມເຊື່ອເລື່ອງມິຕິລີ້ລັບ ທີ່ຕິດພັນກັບຄົນລາວເຮົາມາດົນນານມາແລ້ວ.

 

 

 

ຖ້າຖາມວ່າຍາກບໍ່ກະຍາກຢູ່ຮາຮາ ນ້ອງບໍ່ມີປະສົບການດ້ານນີ້ມາກ່ອນເລີຍ ແຕ່ນ້ອງກະໄດ້ມີການຝຶກຝົນເລື່ອງຫລຸດຄວາມເຕັ້ນເມື່ອຢູ່ຫນ້າກ້ອງ ເພາະແນ່ນອນຄັ້ງທຳອິດນ້ອງເຂີນກ້ອງຫລາຍຍັງບໍ່ພຽງແຕ່ຖ່າຍຮູບເງົາ ນ້ອງຍັງເຄີຍຖ່າຍສາລະຄະດີກັບ Una Studio ແລະຖ່າຍແບບໃຫ້ນໍ້າກັດຍໍລະປາອີກດ້ວຍ.

 

ຂໍຂອບໃຈຂໍ້ມູນຈາກ: muan.la

ຮູບພາບ: Inthila Khounphachansy