ສະໝຸນໄພພື້ນບ້ານ..!!!ສັບພະຄຸນທາງຢາຈາກຫວ້ານຈອດ ເປັນຢາໄລ່ລົມໃນກະເພາະອາຫານ,ລຳໄສ້ ແລະ ແກ້ໄຂ້ຫວັດ ຕັນດັງ

ທ່ານຮູ້ແລ້ວຫຼືຍັງ…!!! “ຫ່ວານຈອດ” ໃຊ້ເປັນຢາ ໄລ່ລົມໃນກະເພາະອາຫານ, ລຳໄສ້ ແລະ ແກ້ໄຂ້ຫວັດ ຕັນດັງ ຂອງເດັກນ້ອຍໄດ້ດີສຸດຍອດ
ລັກສະນະພືດສາດ : ເປັນພືດລົ້ມລຸກ, ມີຫົວຢູ່ໃຕ້ດິນ, ສີແດງ, ມີໃບເກັດຫໍ່ຫຸ້ມ, ລັກສະນະຄ້າຍຄືຫົວຜັກບົ່ວ. ໃບເປັນໃບດ່ຽວ, ແຜ່ນໃບຈີບພັບຊ້ອນກັນຄ້າຍວີ, ກ້ວາງ 1.5-3 ຊມ, ຍາວ 25-60 ຊມ, ປາຍໃບຮຽວແຫຼມ, ຖານໃບແຄບ, ຂອບໃບລຽບ.

 

ດອກ ອອກເປັນຊໍ່, ກ້ານຊໍ່ດອກຍາວ 2.5-4 ຊມ, ມັກໂຄ້ງງໍ, ມີກາບຫຸ້ມດອກສີຂຽວ 2-10 ອັນ, ຊ້ອນກັນຢູ່ງ່າມໃບໃກ້ຍອດ, ດອກມີ 4-10 ດອກ, ກ້ານດອກຍາວ 1-1.5 ຊມ, ກີບດອກມີ 6 ກີບ, ສີຂາວ, ຮູບຂອບຂະໜານ ຫຼື ຮູບໄຂ່ກັບ, ລຽງເປັນສອງຊັ້ນ, ກີບທີ່ຢູ່ຊັ້ນໃນມີຂະໜາດນ້ອຍກ່ວາກີບທີ່ຢູ່ຊັ້ນນອກ

ເກສອນເພດຜູ້ມີ 3 ອັນ, ກ້ານເກສອນເພດແມ່ເປັນຮູບເສັ້ນ 3 ເສັ້ນ, ເຕົ້າໄຂ່ຈັບດ້ານລຸ່ມ, ມີ 3 ຫ້ອງ, ເມັດໄຂ່ມີຈຳນວນຫຼາຍ. ໝາກ ຮູບຂອບຂະໜານຫົວຕັດມີ 3 ຫ້ອງ, ແກ່ນຮູບຮີອັດກັນແໜ້ນ.

 

 

ການນຳໃຊ້ : ປິ່ນປົວພະຍາດ: ໄລ່ລົມໃນກະເພາະອາຫານ, ລຳໄສ້ ແລະ ແກ້ໄຂ້ຫວັດຕັນດັງໃນເດັກນ້ອຍ. ສ່ວນທີ່ໃຊ້: ຫົວໃຕ້ດິນ.
ວິທີການນຳໃຊ້: ໃຊ້ຫົວຕົ້ມນ້ຳດຶ່ມຈະໄລ່ລົມໃນລຳໄສ້ ແລະ ກະເພາະອາຫານ, ນອກນັ້ນຍັງໃຊ້ຫົວຕຳປະສົມກັບຫວ້ານເປາະໂພະຫົວເດັກນ້ອຍຈະຊ່ວຍລົດໄຂ້ຫັວດ ແລະ ອາການຕັນດັງ.

 

 

ການປູກຂະຫຍາຍພັນ: ຫວ້ານຈອດເປັນພືດທີ່ປູກງ່າຍ ຈະເລີນເຕີບໂຕໄດ້ດີໃນດິນຜຸຜຸ່ຍ ຂະຫຍາຍພັນດ້ວຍແກ່ນ ແລະ ແຍກຫົວ.
ຢ່າລືມກົດຕິດຕາມ

Cr: ຄຳຄົມສອນໃຈ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ