ກົມ ວສ -​ ປສ ການທະຫານທົດລອງປະສິດທິພາບເສື້ອກັນກະສຸນ

ວັນທີ 10 ພະຈິກ 2020 ນີ້, ກົມວິທະຍາສາດ-ປະຫວັດສາດ ການທະຫານກອງທັບ ໄດ້ຈັດ ການທົດລອງປະສິດທິພາບເສື້ອ ເກາະກັນກະສຸນ ຄັ້ງທີ I ໂດຍ ການເຂົ້າຮ່ວມຮັບຊົມຂອງ ສະ ຫາຍ ພົນໂທ ປອ ທອງລອຍ ສີລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ ການເມືອງກອງທັບ, ມີບັນດາ ສະຫາຍຕາງໜ້າຈາກກະຊວງປ້ອງກັນຄວາມຫງົບ,ກະຊວງວິທະຍາສາດ ແລະ ເຕັກໂນໂລຊີ, ພ້ອມດ້ວຍຄະນະພັກ-ຄະນະບັນ ຊາກົມ, ກອງ, ຕະຫຼອດຮອດພະ ນັກງານວິຊາການທີ່ກ່ຽວຂອງ ເຂົ້າຮ່ວມ.
ສະຫາຍ ພົນຈັດຕະວາ ວຽງໄຊ
ສົມວິຈິດ ຫົວໜ້າກົມວິທະຍາ ສາດ-ປະຫວັດສາດການທະ ຫານກອງທັບ ໄດ້ໃຫ້ຮູ້ວ່າ: ວຽກ
ງານການຄົ້ນຄວ້າວິທະຍາສາດ ເຕັກໂນໂລຊີ ຂອງກົມວິທະຍາ ສາດການທະຫານກໍແມ່ນວຽກ ງານໜຶ່ງທີ່ຄະນະພັກ-ຄະນະບັນ ຊາພວກເຮົາຖືເປັນສຳຄັນ ແລະ ເອົາໃຈໃສ່ເປັນພິເສດ, ໃນໄລຍະ ຜ່ານມາພະນັກງານວິຊາການ ດ້ານວຽກງານເຕັກໂນໂລຊີ ກໍ ໄດ້ເຮັດສຳເລັດໜ້າທີ່ການເມືອງ ຂອງຕົນຕາມການມອບໝາຍ ຂອງຂັ້ນເທິງໄດ້ເປັນຢ່າງດີ ມາ ຮອດປັດຈຸບັນ, ໂດຍປະຕິບັດຕາມ ຂໍ້ຕົກລົງຂອງກະຊວງປ້ອງກັນ ປະເທດ ວ່າດ້ວຍການອະນຸມັດ ໃຫ້ດຳເນີນການຄົ້ນຄວ້າເສື້ອ ເກາະກັນກະສຸນ ເພື່ອຮັບໃຊ້ໃນ ການກຽມພ້ອມສູ້ຮົບ ແລະ ສູ້ຮົບ ຕົວຈິງ.


ໂຄງການຄົ້ນຄວ້າຄັ້ງນີ້ ຄະນະ
ພັກ-ຄະນະບັນຊາກົມ ໄດ້ເອົາໃຈ ໃສ່ຊີ້ນຳ-ນຳພາຢ່າງໃກ້ຊິດຕິດ ແທດ ກັບພະນັກງານວິຊາການ ທີ່ກ່ຽວຂ້ອງ ໃນການຄົ້ນຄວ້າ, ເຮັດການທົດລອງຍິງຕົວຈິງ ແລະ ປັບປຸງຄືນໃນຫຼາຍໆຄັ້ງ. ດັ່ງນັ້ນ, ພວກເຮົາສາມາດຜະລິດ ເສື້ອເກາະກັນກະສຸນທີ່ນຳມາ ທົດລອງໃນຄັ້ງນີ້ມີ 2 ປະເພດຄື: ເສື້ອເກາະກັນກະສຸນປະເພດປືນ ສັ້ນ K45 ເຊິ່ງສາມາດປ້ອງ ກັນປືນສັ້ນໄດ້ເກືອບທຸກຊະນິດ ແລະ ເສື້ອເກາະກັນກະສຸນປະ ເພດອາວຸດປືນເຫຼັກຢາວ AK ໃນ
ນີ້, ເສື້ອເກາະກັນກະສຸນຜືນໜຶ່ງ ປະກອບມີ ແຜ່ນເກາະ 2 ແຜ່ນ (ທາງໜ້າ1ແຜ່ນ ແລະ ທາງຫຼັງ
1 ແຜ່ນ) ໃນນີ້ແຜ່ນເກາະປ້ອງ ກັນປືນສັ້ນທັງສອງປະເພດມີ ຂະ
ໜາດ 26×31 ຊັງຕີ ມີນ້ຳໜັກ 1,8 ກິໂລກຣາມ, ສ່ວນເກາະ ປ້ອງກັນອາວຸດປືນເຫຼັກຍາວ ມີ ນ້ຳໜັກ 2,8 ກິໂລກຣາມ. ພ້ອມ ນີ້ກົມວິທະຍາສາດ-ປະຫວັດສາດ
ການທະຫານກອງທັບ ຍັງໄດ້ ສະແດງບັນດາຜົນງານປະດິດ ຕ່າງໆທີ່ຄິດຄົ້ນໃນໄລຍະຜ່ານ ມາຕື່ມອີກ.
ໂດຍ: ອາຫວຸ້ນ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ