ເປັນອີກຄູ່ໜຶ່ງໃນວົງການບັນເທີງທີ່ຄອຍເຕີມຄວາມຫວານໃຫ້ກັນຢູ່ສະເໝີ ແລະ ອອກສື່ໃຫ້ແຟນໆໄດ້ຟິນກັນຢູ່ຕະຫຼອດນັ້ນກໍຄືແມ່ “ແອັບເປີ້ນ ສີສະຫງຽນ” ແລະ ພໍ່ “ຟຸກ ຈິຣະ” ສຳລັບຄູ່ຮັກລາວ-ໄທ ເຊິ່ງປັດຈຸບັນທັງສອງກໍມີລູກນ້ອຍເປັນພະຍານຮັກຢ່າງນ້ອງຈູນີ່ ແລະ ກຳລັງຖືພາລູກຄົນທີ່ ສອງ ທາຍາດລາວ -ໄທ ໄດ້ 3 ເດືອນ
ຈາກການດູແລເບິ່ງແຍງລູກ ແລະ ພັນລະຍາທີ່ໄດ້ດີທີ່ສຸດ ເຮັດໃຫ້ຟຸກກາຍເປັນສາມີທີ່ດີ ແລະ ເປັນຊາຍໃນຝັນຂອງແມ່ຍິງຫຼາຍຄົນເລີຍແຫຼະ ຊາວເນັດຕ່າງບອກວ່າຢາກໄດ້ຄູ່ຮັກທີ່ດີແບບພໍ່ຟຸກ! ແລະ ບອກວ່າແມ່ແອັບເປີ້ນໂຊກດີແທ້ໆ ທີ່ມີສາມີທີ່ເຂົ້າໃຈ ແລະ ພ້ອມຄຽງຂ້າງສະເໝີ.
ກໍບໍ່ແປກໃຈ ເພາະ ຟຸກ ຈິຣະ ນັ້ນເປັນຊາຍອົບອຸ່ນ ແລະ ໝັ່ນເຕີມຄວາມຫວານໃຫ້ແອັບເປີ້ນຕະຫຼອດ, ຊື່ສັດ ພ້ອມກັບຮັກຄອບຄົວເປັນທີ່ສຸດ. ຜູ້ຊາຍແບບຟຸກ ທັງຫຼໍ່ ແລະ ດີແບບນີ້ຫາໄດ້ຢູ່ໃສນໍ້?
ຫຼ້າສຸດ, ຟຸກໄດ້ໂພສຂໍ້ຄວາມຊຶ້ງພ້ອມກັບພາບຂອງພັນລະຍາ ແລະ ລູກສາວ ນ້ອງຈູນີ່ ວ່າ: ຄົບກັນມາ 14 ປີ ,ຄົບຮອບແຕ່ງງານ 3 ປີ ,ແລ້ວເດີ້ຄອບຄົວເຮົາ ຮອບນີ້ມີໝູນ້ອຍມາສະຫຼອງນຳ ແລ້ວປີໜ້າຈະມີໝູນ້ອຍມາປ່ວນອີກຄົນ ພຽງແຕ່ຄິດກໍ່ຕື່ນເຕັ້ນແລ້ວ ຮັກສະເໝີເດີ້ເມຍ ພ້ອມດ້ວຍຮູບພາບຄອບຄົວທີ່ແສນອົບອຸ່ນ.
