ແຊຣ໌ຕໍ່ໄດ້ບຸນ..!!ຜັກຂະແຍງ ຊ່ວຍແກ້ໄຂ້ ແກ້ຮ້ອນໃນ ແລະ ແກ້ເສັ້ນເລືອດຕີບຕັນ

#ບັນຍາຍລັກສະນະພືດສາດ
ຜັກຂະແຍງ ເປັນພືດນ້ຳຊະນິດໜື່ງ, ທີມີຫຼາຍງ່າຍ ມີຄວາມຍາວ ປະມານ 0.1-1 ມ. ໃບເປັນຮູບຫອກ ມີຂະໜາດ 2-7 x 5-15 ມມ, ເກີດເປັນຊັ້ນ ຊັ້ນລະ 3 ໃບ, ຂອບໃບເປັນລັກສະນະແຂ້ວເລື່ອຍ. ດອກບາງຄັ້ງເກີດເປັນຊໍ່ຍາວ, ດອກມີສີຟ້າ, ແຕ່ລະດອກ ຄວາມຍາວປະມານ 1-1.3 ຊມ. ໝາກເປັນ ຮູບໄຂ່, ຂະໜາດ 6 x 3 ມມ ບັນຈຸມີຫຼາຍແກ່ນ, ແຕ່ລະແກ່ນ ຍາວ 0.5 ມມ.

 

#ບັນຍາຍການນຳໃຊ້
ຍອດອ່ອນ ແລະ ໃບຂອງຜັກຂະແຍງ ມີກິ່ນຫອມ ແລະ ສາມາດກິນດິບກັບປາແດກ ຫຼື ແຈ່ວໄດ້, ທັງສາມາດນຳມາປະກອບເປັນເຄື່ອງປຸງກິ່ນ ແລະ ລົດຊາດຂອງອາຫານປະເພດແກງຕ່າງໆ ໂດຍສະເພາະ ແມ່ນແກງໜໍ່ໄມ້. ໃບຂອງມັນມີສັບພະຄຸນປິ່ນປົວອາການເບື່ອເມົາ ແລະ ການເຈັບປວດໄດ້ ແລະ ກໍມີການເຊື່ອກັນວ່າ ສາມາດປ້ອງກັນມະເຮັງໄດ້. ສຳລັບລຳຕົ້ນເປັນຢາກິນເຂົ້າແຊບ, ກຳຈັດນ້ຳເມືອກ ຫຼື ນ້ຳຢາງເຫຼືອງ, ປິ່ນປົວອາການໄຂ້, ຂ້າພະຍາດລຳໄສ້, ປະຈຳເດືອນ ບໍ່ປົກກະຕິ, ແກ້ໂລກທ້ອງບິດ, ພະຍາດຕີນຊ້າງ ແລະ ຊ່ວຍຍ່ອຍອາຫານ

#ຄຸນປະໂຫຍດ ຂອງ ຜັກຂະແຍງ: ເປັນຢາ ຮັກສາໂລກ ໃຊ້ເປັນຢາແກ້ໄຂ້ ແກ້ຮ້ອນໃນ ແລະ ແກ້ເສັ້ນເລືອດ ຕີບຕັນ


# ວິທີໃຊ້:
ນຳເອົາຜັກຂະແຍງ ປະມານ 15-30 ກຣາມ ເອົາທັງຮາກ ແລະ ລຳຕົ້ນ ລ້າງໃຫ້ສະອາດ ນຳມາຕົ້ມປະສົມນໍ້າ 2ລິດ ຟົດ15-20 ນາທີ ແລ້ວ ດື່ມກີນແທນນໍ້າ (ກິນຕອນອຸ່ນ)ເປັນປະຈຳ ຕໍ່ເນື່ອງ ຫລື ຕາມທີ່ຕ້ອງການ ອາການເສັ້ນເລືອດ ອຸດຕັນ ແລະ ໃຂ້ ຈະລົດລົງ ແລະ ຖ້າກິນຕໍ່ເນື່ອງ ຈະຫາຍດີ ເປັນປົກກະຕິເລີຍ ແລະ ຍັງເປັນຢາ ຂັບລ້າງສານຜິດໃນລຳໃສ້ ໃຊ້ຕົ້ມກິນ ເປັນຢາລະບາຍ ກໍ່ໄດ້

ຖ້າກໍລະນີ ເປັນຝີ,ຂີ້ກາກ,ຂີ້ຫິດ,ຂີ້ເຮື້ອນ, ແມ່ນ ໃຫ້ນຳເອົາ ຜັກຂະແຍງ ໂດຍເອົາຕົ້ນສົດໆ ປະມານ50ກຣາມ ມາຕົ້ມໃສ່ນໍ້າ2-3ລິດ ແລ້ວເອົາມາລ້າງ ບໍລິເວນທີ່ເປັນ ຫລື ນຳມາຄັ້ນເອົານໍ້າແລ້ວທາ ຫລືຈະນຳເອົາ ຕົ້ນສົດໆ ມາຕຳມຸນໆ ແລ້ວແປະໃສ່ບໍລິເວນທີ່ເປັນ 30ນທ-1ຊມ ແລ້ວລ້າງອອກ ເຮັດທຸກມື້ຕໍ່ເນື່ອງ ອາການຈະຄ່ອຍດີຂື້ນ

ຂອບໃຈຂໍ້ມູນຈາກ: ພາເຂົ້າລາວ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ