ອິດທິພົນ ພາຍຸໄຕ້ຝຸ່ນ ໂມລາເວ ເຮັດໃຫ້ນ້ຳໄຫຼຖ້ວມບ້ານເຮືອນ ແລະ ທົ່ງນາ ຂອງປະຊາຊົນ

ແຫລ່ງຂ່າວ ຈາກຫ້ອງການ​ ຖວທ ເມືອງຄຳເກີດແຂວງບໍລິຄຳໄຊໃຫ້ຮູ້ວ່າ: ໃນວັນທີ 29 ຕຸລາ 2020 ທ່ານ ເພັດສະໃໝ ໄຊຍະທິຈັກ ເຈົ້າເມືອງຄຳເກີດ ແຂວງບໍລິຄຳໄຊ ໄດ້ນຳໃຊ້ເຮືອ 2 ລຳ ນຳພາຄະນະ ແລະ ກຳລັງ ປກຊ-ປກສ ໄປຊ່ວຍພໍ່ແມ່ປະຊາຊົນບ້ານທົ່ງແປ ທີ່ກຳລັງເກັບກ່ຽວເຂົ້ານາປີ ເສັ້ນທາງລະ ຫວ່າງ ທົ່ງແປ ຫາ ດ່ານສາກົນນ້ຳພ້າວ ເພາະມີນ້ຳຖ້ວມ ແລະ ດິນເຈື່ອນບາງຈຸດ ເຮັດໃຫ້ການສັນຈອນບໍ່ສາມາດໄປໄດ້. ຍ້ອນພາຍຸໄຕ້ຝຸ່ນ ໂມລາເວ ໄດ້ເຄື່ອນຕົວເຂົ້າມາແຕ່ວັນທີ 28-29 ຕຸລາ 2020 ຊຶ່ງພາຍຸຫົວນີ້​ ມີຄວາມແຮງກວ່າພາຍຸຫົວທີ່ຜ່ານມາ ມັນໄດ້ສ້າງຜົນກະທົບຕໍ່ ເສັ້ນທາງ, ເນື້ອທີ່ສວນ, ເນື້ອທີ່ນາ ແລະ ອື່ນໆຂອງປະຊາຊົນ.

 

 

 

 

 

 


ສະພາບນ້ຳຖ້ວມ ແມ່ນໄດ້ຖ້ວມເອົາເນື້ອທີ່ເຂົ້ານາປີ ຂອງປະຊາຊົນທີ່ພວມສຸກ ແລະ ພວມຈະເກັບກ່ຽວ ດ້ວຍກະແສນ້ຳທີ່ໄຫລແຮງ ໄດ້ພັດເອົາເນື້ອທີ່ນາທີ່ມີເຂົ້າກຳລັງສຸກເຫລືອງ, ສວນກ້ວຍ, ສວນມັນ​ຕົ້ນຖືກນ້ຳຖ້ວມຂັງ, ໃນຂະນະທີ່ ເສັ້ນທາງດັ່ງກ່າວກຳລັງໄດ້ຮັບການສ້ອມແປງຢູ່ໃນປັດຈຸບັນ.

 

 

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ