ເຂື່ອນໄຟຟ້ານ້ຳງື່ມແຈ້ງເຕືອນ..!!!ປະຊາຊົນ ຢູ່ລຽບນ້ຳງື່ມ ໃຫ້ເຝົ້າລະວັງຈະມີການລະບາຍນ້ຳອອກຈາກເຂື່ອນ 15-18 ຕຸລານີ້

ວັນທີ 15 ຕຸລານີ້ ເຂື່ອນໄຟຟ້ານ້ຳງື່ມ-1 ອອກແຈ້ງການເລກທີ 3288/ຜຟຟລ.ນງ
ໃຫ້ຮູ້ວ່າ: ປະຈຸບັນ ຈະມີພາຍຸພັດຜ່ານ ເຂດອ່າງໂຕ່ງນ້ຳງື່ມ ຕາມກົມອຸຕຸນິຍົມ ແລະ ອຸທົກກະສາດ ແຈ້ງເຕືອນ ແລະ ລະດັບນ້ຳໃນອ່າງ ຂອງເຂື່ອນຟຟ້ານ້ຳງື່ມ-1 ເທົ່າກັບ 21.43 masl ເຊິ່ງເປັນລະດັບນໍ້າທີ່ໃກ້ຈະເຕັມອ່າງ, ຍັງເຫຼືອຊ່ອງວ່າງທີ່ສາມາດຮັບນ້ຳໄດ້ 283 ລ້ານ m ຫຼື ຍັງເຫຼືອ 0.87 m ຈະເຕັມອ່າງ ແລະ ເຂື່ອນໄຟຟ້ານ້ຳງື່ມ-1 ມີຄວາມຈໍາເປັນຕ້ອງໄດ້ລະບາຍນໍ້າເພີ່ມຂື້ນ ໂດຍຜ່ານເຄື່ອງຈັກເພື່ອຮອງຮັບນໍ້າໃຫມ່ທີ່ຈະເຂົ້າມາໃນອ່າງຂອງເຂື່ອນໃນຊ່ວງພາຍຸດັ່ງກ່າວ.

ສະນັ້ນ, ເຂື່ອນໄຟຟ້ານ້ຳງື່ມ-1 ຈຶ່ງຂໍແຈ້ງມາຍັງ ຫ້ອງວ່າການປົກຄອງ ແຂວງວຽງຈັນ, ຫ້ອງວ່າການປົກຄອງ ນະຄອນຫຼວງວຽງຈັນ ແລະ ຫ້ອງວ່າການປົກຄອງເມືອງວຽງຄໍາ, ເມືອງແກ້ວອຸດົມ, ເມືອງທຸລະຄົມ, ເມືອງນາ ຊາຍທອງ, ເມືອງ ໄຊທານີ ແລະ ເມືອງປາກງື່ມ ຕະຫຼອດຮອດຜູ້ປະກອບການທຸລະກິດຮ້ານອາຫານເຮືອແພ, ປາກະຊັງ ແລະ ປະຊາຊົນທ້ອງຖິ່ນທີ່ອາໄສຢູ່ຕາມສາຍນໍ້າງື່ມຕອນລຸ່ມ ໃຫ້ມີສ່ວນຮ່ວມມີການຕິດຕາມເຝົ້າ ລະວັງລະດັບນ້ຳທີ່ຈະເພີ່ມຂຶ້ນຕາມສາຍນໍ້າງື່ມ ແລະ ຕິດຕາມການແຈ້ງເຕືອນລະດັບນ້ໍາຢ່າງໄກ້ຊິດເພື່ອຫຼີກລ່ຽງ ຜົນກະທົບທີ່ອາດຈະເກີດຂຶ້ນ.

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ