ດີອີຫຼີ..!!!ເຄືອຕົດໝາ ຊ່ວຍປິ່ນປົວເຈັບທ້ອງ,ຖອກທ້ອງ ແລະ ທ້ອງອືດ

  • ລັກສະນະພືດສາດ:

ເປັນໄມ້ເຄືອ, ລໍາຕົ້ນກົມ, ມີຂົນປົກຄຸມ; ໃບດ່ຽວ, ຈັບກົງກັນຂ້າມເປັນຄູ່, ຮູບໄຂ່ ຫຼື

ຮູບຫອກແກມຂອບຂະຫນານ, ກ້ວາງ 2-6 ຊມ, ຍາວ 6-15 ຊມ, ປາຍໃບແຫຼມ, ຖານໃບວ້ໍາເປັນຮູບຫົວໃຈ,

ຜິວໃບດ້ານເທິງມີຂົນຫ່າງໆ, ຫູໃບຮູບໄຂ່ ມ້ວນເປັນກໍ້, ມີຂົນ. ດອກ ສີມ່ວງອົມແດງ, ອອກເປັນຊໍ່, ຍາວ

ປະມານ 15-25 ຊມ, ດອກຍ່ອຍ ຈໍານວນຫຼາຍຢູ່ຕິດກັນເປັນກະຈຸກ, ກາບດອກມີຂະຫນາດນ້ອຍ 5 ກາບ,

ກີບດອກເຊື່ອມຕິດກັນເປັນຫຼອດ, ຍາວ 1 ຊມ, ມີຂົນປົກຄຸມ, ສ່ວນປາຍແຍກເປັນ 5 ແສກ, ມີສີຂາວ

ເກສອນຜູ້ 5 ອັນ, ຕິດກັບຫຼອດກີບດອກ. ຫມາກ ກົມແກມຮູບຮີ, ຜິວລຽບ, ຂະຫນາດ 6-10 ມມ.

ປິ່ນປົວພະຍາດ:ເຈັບທ້ອງ, ຖອກທ້ອງ ແລະ ທ້ອງອືດ

  • ສ່ວນທີ່ໃຊ້: ຮາກ ແລະ ໃບ
  • ວິທີການນໍາໃຊ້:

ໃຊ້ຮາກ ແລະ ໃບ ຕົ້ມນ້ໍາກິນເຮັດໃຫ້ຫາຍຈາກອາການເຈັບທ້ອງ, ຖອກທ້ອງ ແລະ ທ້ອງອືດ.

  • ການປູກຂະຫຍາຍພັນ:

ເຄືອຕົດຫມາເປັນວັດຊະພືດມັກເກີດຕາມປ່າເລົ່າ ຂະຫຍາຍພັນດ້ວຍແກ່ນ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ