ເຊີນທ່ຽວ ງານຕະຫຼາດນັດຢ້ອນຍຸກ ທີ່ນະຄອນຫລວງວຽງຈັນ

ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ ຮ່ວມກັບ ບໍລິສັດ ກຣິດຕິພົງ ເອັນເຕີເທນເມັນ ອີເວັນ-ອໍກະໄນເຊີ ແລະ ສູນການຄ້າວຽງຈັນເຊັນເຕີ ຈັດງານເປີດຕະຫຼາດນັດຢ້ອນຍຸກ ແລະ ໄຫຼເຮືອໄຟ ປະຈໍາປີ 2020 ແນໃສ່ເປັນການປົກປັກຮັກສາຮີດຄອງປະເພນີອັນດີງາມຂອງລາວເຮົາ ພ້ອມຍັງເປັນການກະຕຸ້ນເສດຖະກິດພາຍຫຼັງໄດ້ຮັບຜົນກະທົບຈາກ COVID-19.

 

ການເປີດງານຕະຫຼາດນັດຢ້ອນຍຸກຄັ້ງນີ້ ເປັນການປົກປັກຮັກສາ ສືບທອດຮີດຄອງປະເພນີອັນດີງາມຂອງລາວ ແລະ ສືບສານປະເພນີການໄຫຼເຮືອໄຟ ພ້ອມທັງເປັນ ການສົ່ງເສີມການທ່ອງທ່ຽວພາຍໃນ ເພື່ອກະຕຸ້ນໃຫ້ເສດ ຖະກິດມີຄວາມຄຶກຄື້ນ ແລະ ເປັນການຮັກສາສີມືແຮງງານລາວ ພ້ອມທັງເພື່ອສະທ້ອນໃຫ້ເຫັນເຖີງວິຖີການດໍາລົງຊີວິດ ແລະ ການນຸ່ງຖືຂອງຄົນໃນສະໄໝກ່ອນ ທັງເປັນການສ້າງບ່ອນຮອງຮັບກຸ່ມຄົນທີ່ສົນໃຈໃນວິຖີວິຊິດຄົນສະໄໝກ່ອນ ແລະ ເຜີຍແຜ່ວັດທະນະທໍາດັ່ງເດີມສູ່ຄົນຮຸ່ນໃໝ່ ເປັນການຈັດງານເພື່ອສົ່ງເສີມວັດທະນາທໍາ ແລະ ປະເພ ນີອັນດີງາມຂອງຊາດ ສົ່ງເສີມສິນຄ້າອຸປະໂພກ ແລະ ບໍລິໂພກຈາກສີມືແຮງງານລາວ ສົ່ງເສີມ ແລະ ຮັກສາອາ ຫານພື້ນເມືອງລາວເພື່ອໃຫ້ຄົນຮຸ້ນໃໝ່ໄດ້ສືບທອດການສະແດງສີນລະປະທີ່ຄຽງຄູ່ກັບວັດທະນະທໍາຂອງລາວ ການເດີນແບບຈາກສາວງາມນາງສາວນະຄອນຫຼວງ.

 

ງານຄັ້ງນີ້ ມີຜູ້ປະກອບການເຂົ້າຮ່ວມ 50 ຮ້ານຄ້າ ໃນນັ້ນລວມມີຮ້ານຂາຍຂອງຫວານ ແລະ ນໍ້າຈາກພືດທີ່ດີຕໍ່ສຸຂະພາບ 15 ຮ້ານ ຂາຍເຄື່ອງຫັດຖະກໍາ ຜ້າໄໝ ຜ້າຝ້າຍ ຜະລິດຕະພັນຕ່າງໆ ແລະ ສິນຄ້າ ODOP ຈໍານວນ 20 ຮ້ານ ແລະ ຮ້ານຂາຍອາຫານພື້ນເມືອງ ຫຼື ອາຫານທົ່ວໄປ 15 ຮ້ານ ເຊິ່ງງານດັ່ງກ່າວຈະດໍາເປັນເວລາ 5 ວັນ ແຕ່ວັນທີ 28 ກັນຍາ ຫາ ວັນທີ 2 ຕຸລາ 2020 ທີ່ສູນການຄ້າວຽງຈັນເຊັນເຕີ, ນະຄອນຫລວງວຽງຈັນ

Cr: ວຽງຈັນທຸລະກິດ-ສັງຄົມ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ