ກອງ​ປະ​ຊຸມ​ໃຫຍ່ ຄັ້ງ​ທີ VII ຜູ້​ແທນ​ຊາວ​ໜຸ່ມ​ແຂວງ​ສະ​ຫວັນ​ນະ​ເຂດ ອັດ​ລົງ​ດ້ວຍ​ຜົນ​ສຳ​ເລັດ​ຢ່າງ​ຈົບ​ງາມ

ກອງປະຊຸມໃຫຍ່ ຄັ້ງທີ VII ຜູ້ແທນຊາວໜຸ່ມປະ​ຊາ ຊົນ​ປະ​ຕິ​ວັດ​ລາວແຂວງສະ ຫວັນນະເຂດໄດ້ໄຂຂຶ້ນ ແລະອັດ ລົງດ້ວຍຜົນສຳເລັດອັນຈົບ ງາມ ໃນວັນທີ 11 ກັນຍາ 2020 ທີ່ສະໂມສອນຫ້ອງວ່າ ການປົກຄອງແຂວງ ໂດຍການ ເປັນປະທານຂອງສະຫາຍ ພູລຳພອນ ສີຫາວົງ ເລຂາ ຄະນະບໍລິຫານງານຊາວໜຸ່ມ ແຂວງ, ພາຍໃຕ້ການເປັນກຽດ ເຂົ້າຮ່ວມຂອງສະຫາຍ ສັນຕິ ພາບ ພົມວິຫານ ກຳມະການ ສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ສະຫາຍ ອາລຸນໄຊ ສູນນະ ລາດ ກຳມະການສຳຮອງສູນ ກາງພັກ ເລຂາຄະນະບໍລິຫານ ງານສູນກາງຊາວໜຸ່ມປະຊາ ຊົນປະຕິວັດລາວ, ມີການນຳ ຂັ້ນຕ່າງໆພາຍໃນແຂວງ, ອົງ ການຈັດຕັ້ງມະຫາຊົນ, ແຂກ ຖືກເຊີນ ແລະສະມາຊິກຊາວ ໜຸ່ມເຂົ້າຮ່ວມທັງໝົດ 296 ສະ ຫາຍ, ຍິງ 107 ສະຫາຍ ໃນນີ້, ມີຜູ້ແທນສົມບູນທີ່ມາຈາກບັນ ດາເມືອງ, ນະຄອນ, ຮາກ ຖານ-ໜ່ວຍພະແນກການອ້ອມ ຂ້າງແຂວງເຂົ້າຮ່ວມ 224 ສະຫາຍ, ຍິງ 68 ສະຫາຍທີ່ ເປັນຕົວແທນໃຫ້ແກ່ສະມາຊິກ ຊປປລ ບັນດາເຜົ່າໃນຂອບ ເຂດ ທົ່ວແຂວງທັງໝົດ 54.661 ສະຫາຍ.

 

ສະຫາຍ ພູລຳ ພອນ ສີຫາວົງ ໄດ້ຂຶ້ນກ່າວໄຂ ກອງ ປະຊຸມຢ່າງເປັນທາງການ ພ້ອມທັງຜ່ານບົດລາຍງານ ການເມືອງທັງສອງພາກ ຊຶ່ງ ໄດ້ຕີລາຄາດ້ານດີ, ດ້ານອ່ອນ, ສາເຫດ ແລະບົດຮຽນຕະຫຼອດການເຄື່ອນໄຫວວຽກງານຜ່ານມາ ພ້ອມທັງວາງທິດທາງແຜນ ການນັບແຕ່ປີ 2021-2025. ໃນໄລຍະຜ່ານມາ, ຄະນະບໍລິ ຫານງານ ຊປປລ ແຕ່ລະ ຂັ້ນ ໄດ້ຖືເອົາວຽກງານສຶກສາອົບ ຮົມການເມືອງ-ແນວຄິດເປັນ ກົກ ໂດຍສອດຫ້ອຍເຂົ້າໃນທຸກ ຂົງເຂດວຽກງານຕິດພັນກັບ ການຊຸກຍູູ້ປຸກລະດົມ ແລະສ້າງ ເງື່ອນໄຂໃຫ້ສະມາຊິກຊາວ​ໜຸ່ມ-ເຍົາວະຊົນໄດ້ຮ່ຳຮຽນ ແນວ ທາງ ນະໂຍບາຍຂອງພັກ, ມະຕິ, ຄຳສັ່ງ, ຄຳແນະນຳ, ລະບຽບ-ກົດໝາຍ ແລະແຜນ ພັດທະນາເສດຖະກິດ-ສັງ ຄົມຂອງລັດເຮັດໃຫ້ການ ຊີ້ນຳ-ນຳພາວຽກງານຊາວໜຸ່ມ-ເຍົາວະຊົນມີຜົນສຳເລັດຕາມ ແຜນການລະດັບຄາດໝາຍ ທີ່ວາງໄວ້. ປະຈຸບັນ, ທົ່ວ ແຂວງສະຫວັນນະເຂດມີ ສະມາຊິກຊາວໜຸ່ມທັງໝົດ 54.661 ສະຫາຍ, ຍິງ 32.833 ສະຫາຍ, ສະມາຊິກເຍົາວະຊົນ ທັນວາ 47.771 ຄົນ, ຍິງ 28.891 ຄົນ ແລະສະມາຊິກ ອະນຸຊົນທັນວາມີທັງໝົດ 17.673 ຄົນ, ຍິງ 9.042 ຄົນ, ທາງດ້ານການຈັດຕັ້ງຂະບວນ ການແຂ່ງຂັນ 4 ບຸກຂອງ ຄຊປປລ ແລະ3 ດີ 4 ຮູ້ຂອງ ເຍົາວະຊົນທັນວາໄດ້ສຳເລັດ ການເປີດຂະບວນການແຂ່ງ ຂັນໃນຂັ້ນແຂວງ ແລະເມືອງ/ນະຄອນໄດ້ 100%; ອັນທີ່ພົ້ນ ເດັ່ນແມ່ນໄດ້ຮັບຮອງ ຄຊປປລ 4 ບຸກໄດ້ 14 ເມືອງ, 1 ນະຄອນ ເທົ່າກັບ 100%, ສຳລັບ ຄຊປ ປລ ຮາກຖານ/ໜ່ວຍພະແນກ ການອ້ອມຂ້າງແຂວງສາມາດ ປະກາດໄດ້ 35 ຮາກຖານ, ເທົ່າກັບ 92,11% ແລະ20 ໜ່ວຍເອກະລາດເທົ່າກັບ 95,24% ແລະສາມາດຢັ້ງຢືນ ແຂວງສະຫວັນນະເຂດ ເປັນ ແຂວງ 4 ບຸກຂອງ ຄຊປປລ ໄດ້ 3 ປີຊ້ອນ.

 

ກອງປະຊຸມ, ບັນດາສະ ຫາຍຜູ້ແທນຊາວໜຸ່ມຍັງໄດ້ໃຊ້ ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະ ບໍລິຫານງານຊາວໜຸ່ມແຂວງ ສະຫວັນນະເຂດຊຸດໃໝ່ ຊຶ່ງມີ ຜູ້ລົງສະໝັກທັງໝົດ 46 ສະ ຫາຍ, ຍິງ 11 ສະຫາຍ, ເລືອກ ເອົາ 41 ສະຫາຍ, ໃນນີ້ ມີຍິງ 10 ສະຫາຍ ໂດຍໄດ້ເປັນເອກະ ພາບສູງເລືອກເອົາສະຫາຍ ພູລຳພອນ ສີຫາວົງ ເປັນເລ ຂາຄະນະບໍລິຫານງານຊາວ ໜຸ່ມແຂວງຊຸດໃໝ່, ສະຫາຍ ນາງ ບັງອອນ ພິມມະສານ ເປັນຮອງເລຂາ ທັງເປັນປະ ທານກວດກາ, ສະຫາຍນາງ ຄຳພູພານ ອິນທິສອນ ແລະສະ ຫາຍ ສຸລິຍາ ມາຜາງວົງ ເປັນ ຮອງເລຂາ ພ້ອມດ້ວຍຄະນະ ອີກຈຳນວນ 37 ສະຫາຍ.

 

ທີ່ມາ: ນສພ ສະຫວັນພັດທະນາ

 

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ