ມອບ -​ ຮັບ ໜ້າທີ່ຫົວໜ້າຫ້ອງການ ແລະ ບໍລິຫານກອງພົນທີ 1 ລະຫວ່າງຜູ້ເກົ່າ ແລະ ຜູ້ໃໝ່

ໃນວັນທີ 11 ກັນຍາ 2020 ນີ້ ຫ້ອງການ ແລະ ບໍລິຫານ ກອງພົນທີ 1 ໄດ້ຈັດພິທີເຊັນບົດບັນທຶກ ມອບ-ຮັບ ໜ້າທີ່ຫົວໜ້າຫ້ອງການ ແລະ ບໍລິຫານລະຫວ່າງຜູ້ເກົ່າກັບຜູ້ໃໝ່ ໂດຍການເປັນກຽດເຂົ້າ ຮ່ວມຂອງ ສະຫາຍ ພົນຈັດຕະວາ ສາຍໃຈ ກົມມະສິດ ເລຂາຄະນະພັກ, ຫົວໜ້າການທະຫານກອງພົນທີ 1, ມີຄະນະພັກ-ຄະນະບັນຊາ ພະນັກງານທີ່ກ່ຽວຂ້ອງ ເຂົ້າຮ່ວມ.

ສະຫາຍ ພັນເອກ ທອງສາ ກອງເດັ່ນສີ ຫົວໜ້າຫ້ອງການ ແລະ ບໍລິຫານຜູ້ເກົ່າ ໄດ້ຂຶ້ນຜ່ານບົດສະຫຼຸບລາຍງານຫຍໍ້ ໂດຍໄດ້ຍົກ ໃຫ້ເຫັນສິດໜ້າທີ່ຂອບເຂດ ຄວາມຮັບຜິດຊອບຂອງຜູ້ເຮັດວຽກງານຫ້ອງການ ແລະ ບໍລິຫານ ເປັນຕົ້ນແມ່ນ ວຽກງານຮັບປະກັນໃນການ ເປັນເສນາທິການ ໃຫ້ແກ່ຄະນະພັກ-ຄະນະບັນຊາກອງພົນ ທາງດ້ານເນື້ອໃນເອກະສານແຜນການ ແລະ ສັງລວມ ຕ່າງໆ, ວຽກງານພົວພັນພາຍໃນ-ພາຍນອກ ແລະ ການຕ່າງປະເທດ, ວຽກງານວິທະຍາສາດ ແລະ ປະຫວັດສາດ ການທະຫານ ແລະ ອື່ນໆ ໃນໄລຍະຜ່ານມາ ສາມາດຮັບປະກັນ ແລະ ເຮັດສຳ ເລັດໜ້າທີ່ການເມືອງເປັນຢ່າງດີ ໂອກາດນີ້ ສະຫາຍ ພັນເອກ ທອງສາ ກອງເດັ່ນສີ ໄດ້ກ່າວມອບໜ້າທີ່ໃຫ້ ສະຫາຍ ພັນໂທ ສຸດໃຈ ເຈີບົວແພງ ກຳມະການຄະນະພັກກອງພົນ, ຫົວໜ້າຫ້ອງການ ແລະ ບໍລິຫານຜູ້ໃໝ່ ເພື່ອສືບຕໍ່່ຮັບໜ້າທີ່ອັນສຳຄັນນີ້, ເຊີ່ງສະຫາຍ ຫົວໜ່າຫ້ອງການ ແລະບໍລິຫານ ຜູ້ໃໝ່ກໍໄດ້ໃຫ້ຄຳໝັ້ນສັນຍາວ່າຈະສືບສຸມທຸກເຫື່ອແຮງສະຕິປັນຍາເຂົ້າໃນການເຮັດວຽກງານນີ້ໃຫ້ມີຄວາມຮັບປະກັນດີ, ປະຕິບັດຫຼັກການ ເຮັດວຽກມີປະຊາທິປະໄຕ ເປັນໝູ່ຄະນະ, ບຸກຄົນຮັບຜິດຊອບ, ພ້ອມກັນນຳພາກົມກອງກ້າວຂຶ້ນເລື້ອຍໆ.

ໂອກາດນີ້, ສະຫາຍ ພົນຈັດຕະວາ ສາຍໃຈ ກົມມະສິດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກົມກອງຍາດມາໄດ້ ໃນຊຸມປີຜ່ານມາ. ພ້ອມທັງ ຮຽກຮ້ອງໃຫ້ຄະນະພັກ-ຄະນະບັນຊາ ພະນັກງານທຸກຂັ້ນຈົ່ງ ເພີ່ມທະວີຄວາມຮັບຜິດຊອບການເມືອງຂອງຕົນໃຫ້ສູງ,ເສີມຂະຫຍາຍຫົວຄິດປະດິດສ້າງ ຄວາມຮູ້ຄວາມສາມາດຂອງແຕ່ລະຄົນ ສຸມໃສ່ເຮັດໜ້າທີ່ວຽກງານຫ້ອງການ ແລະ ບໍລິຫານໃຫດີ ສົມເປັນ ເສນາທິການທາງດ້ານວຽກງານຫ້ອງການ ແລະບໍລິຫານ, ວຽກກກກງານ ເອກະສານນິຕິກຳ ແລະ ວຽກງານອື່ນໆ ທີ່ກ່ຽວຂ້ອງ, ປະກອບສ່ວນສຳຄັນເຂົ້າໃນການກໍ່ສ້າງກົມກອງໃຫ້ມີໃບໜ້າອັນໃໝ່.

ໂດຍ: ອຸດອນ ອິນທະສານ

View Comments

Leave a Reply

Your email address will not be published. Required fields are marked *

ກະລຸນາຫ້າມຄັດລອກບົດຄວາມກ່ອນໄດ້ຮັບອະນຸຍາດ